ອາຊຽນ ມີຄວາມຈໍາເປັນທີ່ຈະຕ້ອງເພີ່ມທະວີການຮ່ວມມື ໃນການເຊື່ອມຈອດ ແລະ ຄວາມເຂັ້ມ ແຂງ ໂດຍຜ່ານການສົ່ງເສີມການຮ່ວມມື ພາຍໃຕ້ 3 ເສົາຄ້ຳປະຊາຄົມອາຊຽນ; ເພີ່ມທະວີການເຊື່ອມຈອດດ້ານພື້ນ ຖານໂຄງລ່າງ, ການຮັດແຄບຄວາມແຕກໂຕນທາງດ້ານການພັດທະນາ, ການເຊື່ອມໂຍງທາງດ້ານເສດຖະກິດ ແລະ ການໄປມາຫາສູ່ລະຫວ່າງປະຊາຊົນໃຫ້ຫລາຍຂຶ້ນ ແລະ ການເສີມຂະຫຍາຍການພົວພັນຮ່ວມມືອາຊຽນ ກັບຄູ່ຮ່ວມມືພາຍນອກ, ຄຽງຄູ່ກັບການຮັກສາບົດບາດ ແລະ ຄວາມ ເປັນແກນກາງຂອງອາຊຽນ ໃນໂຄງສ້າງການຮ່ວມມືພາກພື້ນທີ່ພວມຜັນປ່ຽນ ແລະ ອື່ນໆ.
ເພື່ອບັນລຸເປົ້າໝາຍດັ່ງກ່າວ, ສປປ ລາວ ຈຶ່ງໄດ້ກໍານົດເອົາຄໍາຂວັນ “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາ ຊຽນ” ສໍາລັບປະທານອາຊຽນຂອງ ສປປ ລາວ ໃນປີ 2024 ເຊິ່ງບັນດາບຸລິມະສິດ ພາຍໃຕ້ຄຳຂວັນດັ່ງກ່າວ ສາມາດສັງລວມໄດ້ຄື: ເພີ່ມທະວີການເຊື່ອມຈອດ ປະກອບມີ ການເຊື່ອມໂຍງ ແລະ ການເຊື່ອມຈອດດ້ານເສດຖະກິດ; ການສ້າງອະນາຄົດແບບທົ່ວເຖິງ ແລະ ຍືນຍົງ; ການຫັນປ່ຽນເພື່ອກ້າວໄປສູ່ດີຈິຕອນໃນອະນາ ຄົດ; ວັດທະນະທໍາ ແລະ ສິລະປະ ແມ່ນສົ່ງເສີມບົດບາດວັດທະ ນະທໍາ ແລະ ສິລະປະໃນອາຊຽນ ໃຫ້ກວມລວມ ແລະ ຍືນຍົງ. ສ່ວນ ເພີ່ມທະວີຄວາມເຂັ້ມແຂງ ປະກອບມີ ສ້າງແຜນຍຸດທະ ສາດ ເພື່ອຈັດຕັ້ງປະຕິບັດວິໄສທັດປະຊາຄົມອາຊຽນ 2045; ຮັດແໜ້ນຄວາມເປັນແກນກາງຂອງອາຊຽນ; ການສົ່ງເສີມການ ຮ່ວມມືດ້ານສິ່ງແວດ ລ້ອມ ຄວາມເຂັ້ມແຂງຕໍ່ການປ່ຽນແປງສະພາບດິນຟ້າອາກາດ; ການສົ່ງເສີມການຮ່ວມມືດ້ານສິ່ງແວດ ລ້ອມ ໂດຍການສ້າງຄວາມເຂັ້ມແຂງຕໍ່ການປ່ຽນແປງສະພາບດິນຟ້າອາກາດ; ສາທາລະນະສຸກ ໂດຍການຫັນໄປສູ່ຄວາມເຂັ້ມ ແຂງ ທາງດ້ານການພັດທະນາສຸຂະພາບຂອງອາຊຽນໃນສະພາບການໃໝ່;
ສຳລັບ ການສ້າງອະນາຄົດແບບທົ່ວເຖິງ ແລະ ຍືນຍົງ ບຸລິມະສິດນີ້, ຮັບຮູ້ເຖິງຄວາມສຳຄັນຂອງການພັດທະນາແບບຍືນຍົງຂອງອາຊຽນ, ເຊື່ອມໂຍງເປົ້າໝາຍດ້ານສິ່ງແວດລ້ອມ ແລະ ສັງຄົມ ເຂົ້າກັບການສ້າງພາກພື້ນອາຊຽນ ໃຫ້ເຂັ້ມແຂງກວ່າເກົ່າ. ໜ້າວຽກພາຍໃຕ້ບຸລິມະສິດນີ້ ຈະສຸມໃສ່ການຮ່ວມມືໃນຂົງເຂດການພັດທະນາແບບຍືນຍົງ. ພາຍໃຕ້ການເປັນປະທານອາຊຽນຂອງ ສປປ ລາວ, ໜ້າວຽກບຸລິມະສິດນີ້ ແນໃສ່ສະໜັບສະໜູນ ກະສິ ກຳແບບຍືນຍົງ, ໃຫ້ມີມາດຕະຖານໃໝ່ກ່ຽວກັບການທ່ອງທ່ຽວແບບອະນຸລັກ, ຍຸດທະສາດ ສໍາລັບການຫລຸດຜ່ອນການເຜົາໄໝ້ຜົນຜະລິດພືດ ແລະ ແນວທາງໃໝ່ ເພື່ອສ້າງພື້ນຖານໂຄງລ່າງດ້ານພະລັງງານ ແລະ ການຄ້າດ້ານພະລັງງານໃນອາຊຽນ.
ການສົ່ງເສີມການມີສ່ວນຮ່ວມ ຈະຮັດແໜ້ນການເຊື່ອມຈອດລະຫວ່າງບັນດາກຸ່ມຕ່າງໆ ພາຍໃນອາຊຽນ, ລວມທັງຊຸມຊົນທີ່ດ້ອຍໂອກາດ ແລະ ພາກທຸລະກິດ ແລະ ຈະຮັບປະກັນໃຫ້ທຸກຄົນໄດ້ຮັບຜົນປະໂຫຍດ ຈາກການເຊື່ອມໂຍງເສດຖະກິດອາຊຽນ ເຊິ່ງໜ້າວຽກບຸລິມະສິດທາງດ້ານເສດຖະກິດ ຈະສົ່ງເສີມຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ທີ່ເປັນກະດູກສັນຫລັງຂອງເສດຖະກິດໃນທົ່ວອາຊຽນ ດ້ວຍການຊອກ ຫາຊ່ອງທາງໃໝ່ເພື່ອໃຫ້ສາມາດເຂົ້າເຖິງແຫລ່ງທຶນຂອງພາກທຸລະກິດ. ບັນດາໜ້ວຽກທີ່ ສະໜັບສະໜູນບຸລິມະສິດນີ້ ລວມມີ: ການສ້າງຍຸດທະສາດ/ລະບຽບການ ສຳລັບການຫລຸດຜ່ອນການເຜົາໄໝ້ຜົນຜະລິດພືດ ເພື່ອສະໜັບສະໜູນການຈັດຕັ້ງປະຕິບັດ ຍຸດທະສາດການຫລຸດຜ່ອນອາຍກາກໂບນິກໃນອາຊຽນ; ການສ້າງແຜນປະຕິບັດງານອາຊຽນ ວ່າດ້ວຍ ກະສິກໍາແບບຍືນຍົງ; ໃຫ້ມີຄວາມຄືບໜ້າຢ່າງມີເນື້ອໃນ ໃນການສ້າງຂໍ້ຕົກ ລົງສະບັບໃໝ່ ວ່າດ້ວຍ ສາຍສົ່ງພະລັງງານອາຊຽນ ແລະ ການຄ້າດ້ານພະລັງງານແບບຫລາຍຝ່າຍໃນພາກພື້ນ; ສ້າງມາດຕະຖານການທ່ອງທ່ຽວແບບອະນຸລັກອາຊຽນ ແລະ ແກ້ໄຂຊ່ອງຫວ່າງທາງດ້ານການເງິນສໍາລັບຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ.
