ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ເພີ່ມພະລັງຮ່າງກາຍດ້ວຍນໍ້າໝາກນາວ

ຮ່າງກາຍຄົນເຮົາຕ້ອງການພະລັງງານຕະຫຼອດເວລາບໍ່ວ່າຈະ ນັ່ງ ຍ່າງ ຫລື ນອນ ແຕ່ວ່າໃນບາງຄັ້ງເຮົາຕ້ອງການຕົວກະຕຸ້ນເພື່ອໃຫ້ຮ່າງກາຍເຮົານັ້ນກຽມພ້ອມ ສຳລັບການເຮັດວຽກ ຫຼື ວ່າໃນບາງຄັ້ງເຮົາເມື່ອຍເຮົາກໍ່ຕ້ອງການພະລັງງານໃຫ້ຮ່າງກາຍນັ້ນສົດຊື່ນ ແລະ ຟື້ນຕົວໄດ້ໄວ ດັ່ງນັ້ນແລ້ວເຮົາຄວນທີ່ຈະກະຕຸ້ນໃຫ້ຖືກວິທີຈະໃຫ້ພະລັງງານທີ່ສົດໃສ ຕົວຢ່າງ ໃນຕອນຕື່ນເຊົ້າເຮົາເອງກໍ່ພີຟື້ນຮ່າງກາຍທີ່ໄດ້ຮັບການພັກຜ່ອນເປັນຢ່າງດີ ຕື່ນຂື້ນສ່ວນຫຼາຍແລ້ວຕ້ອງການກາເຟເພື່ອດື່ມໃຫ້ສົດຊື່ນແຕ່ວ່າກາເຟນັ້ນແຕ່ກໍ່ບໍສາມາດດື່ມໄດ້ສຳລັບບາງຄົນ ນອກຈາກນັ້ນກາເຟອາດຈະເຮັດໃຫ້ເກີດຜົນຂ້າງຄຽງທີ່ບໍ່ດີໄດ້ ຈຶ່ງແນະນໍາໃຫ້ໃຊ້ນໍ້າໝາກນາວແທນຈະດີກ່ວາ

ຜົນເສຍຈາກການໃຊ້ເຄື່ອງດື່ມພວກຄາເຟອິນ ຊຶ່ງມີຜົນຂ້າງຄຽງໃນຮ່າງກາຍເນື່ອງຈາກກາເຟກະຕຸ້ນອະໄວຍະວະຕ່າງໆແລ້ວມີການຂັບ ນໍ້າອອກຈາກຮ່າງກາຍມີຜົນກະທົບຕໍ່ຕ່ອມໝວກໄຕ ນອກຈາກນັ້ນຍັງເຮັດໃຫ້ລະດັບນໍ້າຕານໃນເລືອດຜິດປົກກະຕິໄປ

ນໍ້າໝາກນາວຈະຊ່ວຍການກະຕຸ້ນການເຮັດວຽກ ການຫຼັ່ງເອັນໄຊ ຂອງຕັບ ໃນການຂັບສານພິດ ເພາະສ່ວນໜຶ່ງ ສານພິດໃນຮ່າງກາຍຈະເຮັດໃຫ້ເກີດການຂັບສານພິດເຮັດວຽກໜັກ ແລະ ໝາກນາວຈະຊ່ວຍໃຫ້ອອກຊີເຈນໃນຮ່າງກາຍເຮັດໃຫ້ຮ່າງກາຍສົດຊື່ນ ຊ່ວຍໃນລະບົບການຍ່ອຍອາຫານ ໝາກນາວເປັນສ່ວນໜຶ່ງເປັນການເພີ່ມປະຈຸໄຟຟ້າ ໃນຂະບວນການເຮັດວຽກຕ່າງໆຂອງຮ່າງກາຍ ເຮັດໃຫ້ຮ່າງກາຍເຮົາສົດຊື່ນ

ຫາກເຮົາດື່ມນໍ້າໝາກນາວຕອນເຊົ້າໆແທນກາເຟຈະໄດ້ຄວາມຊຸ່ມທີ່ຄໍ ສາມາດຕໍ່ຕ້ານສານອະນຸມູນອິດສະຫຼະມີໂພແທສຊຽມ ແລະ ແມັກນີຊຽມ ທີ່ສຳຄັນຍັງມີວິຕາມິນຊີ ທີ່ເພີ່ມການໄຫຼວຽນຂອງເລືອດໄດ້ເປັນຢ່າງດີ ດັ່ງນັ້ນເຮົາມາດື່ມນໍ້າໝາກນາວດ້ວຍວິທີດັ່ງນີ້:

ດ້ວຍການນໍ້າໝາກນາວ 1 ໜ່ວຍ ປະສົມກັບນໍ້າ 32 ອອນ ຖ້າບໍ່ມັກສົ້ມ ຫຼື ວ່າບາງໜ່ວຍມີຄວາມສົ້ມຫຼາຍກໍ່ໃຊ້ນໍ້າຫຼາຍກ່ວານີ້ໄດ້ ຫຼື ອາດຈະໃສ່ຕຸກເພື່ອເອົາໄປດື່ມນອກບ້ານໄດ້ກໍ່ດີ ອາດຈະມີການເພີ່ມຄວາມຫວານດ້ວຍນໍ້າເຜີ້ງກໍ່ຈະດີຄົບສູດເລີຍ ແຕ່ນໍ້າໝາກນາວນອກຈາກຈະຂັບສານພິດແລ້ວຍັງເຮັດໃຫ້ເກີດກົດທີ່ສາມາດກັດກ໋ອນແຂ້ວເຮົາໄດ້ ດັ່ງນັ້ນພະຍາຍາມດື່ມຈາກຫລອດ ເພື່ອບໍ່ໃຫ້ສຳຜັດກັບແຂ້ວໂດຍກົງ.