ວັນທີ 28 ມິຖຸນາ 2022 ທ່ານສີຈິ້ນຜິງ ປະທານປະເທດ ສປ ຈີນໄດ້ເດີນທາງໄປສຳຫຼວດວຽກງານຢູ່ນະຄອນອູຮັ້ນ ແຂວງຫູເປີຍຂອງຈີນ ເຊິ່ງເປັນຄັ້ງທີສອງທີ່ທ່ານໄປຮອດນະຄອນອູຮັ້ນໃນໄລຍະເກີດມີສະພາບໂຄວິດ-19 ເຊິ່ງການລົງຮາກຖານຄັ້ງນີ້ ທ່ານໄດ້ໄປສຳຫຼວດວິສາຫະກິດວິທະຍາສາດເຕັກນິກ ແລະເຂດຊຸມຊົນ. ເຂດຊຸມຊົນແມ່ນເປັນແນວໜ້າໃນການຕ້ານກັບພະຍາດໂຄວິດ-19 ນີ້ກໍ່ແມ່ນສາເຫດທີ່ທ່ານໄດ້ລົງກວດກາວຽກຢູ່ເຂດຊຸມຊົນໃນສອງຄັ້ງທີ່ມາຮອດອູຮັ້ນໃນໄລຍະເກີດພະຍາດໂຄວິດ-19. ໃນການລົງກວດກາຢູ່ເຂດຊຸມຊົນໃນຄັ້ງນີ້, ທ່ານສີຈິ້ນຜິງກ່າວວ່າ, ພວກເຮົາໄດ້ປະຕິບັດມາດຕະການໃຫ້ໂຄວິດ-19 ເປັນສູນແມ່ນເລີ່ມຈາກສະພາບຕົວຈິງຂອງປະເທດຈີນ, ພວກເຮົາແໜງໃຫ້ການພັດທະນາເສດຖະກິດຊ້າລົງໜ໊ອຍໜຶ່ງ ກໍ່ບໍ່ຢາກໃຫ້ຊີວິດແລະສຸຂະພາບຂອງປະຊາຊົນຖືກກະທົບ, ໂດຍສະເພາະແມ່ນຕ້ອງຮັກສາຜູ້ເຖົ້າແກ່ຊາລາແລະເດັກນ້ອຍໃຫ້ດີ.
ສະນັ້ນ, ກ່ຽວກັບຊີວິດຕົວຈິງຢູ່ເມືອງອູຮັ້ນແມ່ນເປັນແນວໃດແທ້? ນັກຂ່າວ CRI ແມ່ນໄດ້ມີໂອກາດສຳພາດນ້ອງນັກສຶກສາລາວຜູ້ທີ່ຮຽນແລະໃຊ້ຊີວິດຢູ່ອູຮັ້ນຕະຫຼອດໄລຍະເກີດມີໂຄວິດ-19 ໃຫ້ນ້ອງມາເລົ່າສູ່ຟັງວ່າ,ການຮຽນແລະການໃຊ້ຊີວິດຢູ່ອູຮັ້ນແມ່ນເປັນແນວໃດແທ້.
ທ້າວ ຈີລະພອນ ພົມມະແກ້ວ ( ແອນດິວ )ແມ່ນນັກສຶກສາລາວທີ່ໄດ້ຮັບທືນການສຶກສາຈາກລັດຖະບານຈີນເມື່ອສົກຮຽນ 2018-2019 ໃນລະດັບປະລິນຍາຕີ ທີ່ມະຫາວິທະຍາໄລຄູພາກກາງອູຮ້ານແຂວງຫູເປີຍ ເຊິ່ງມາຮອດປັດຈຸບັນນີ້ແມ່ນຮຽນປີທີ4ແລ້ວ.
ທ້າວແອນດິວເວົ້າສູ່ຟັງວ່າຕອນເກີດມີພະຍາດໂຄວິດ-19 ຕົນເອງບໍ່ໄດ້ອອກໄປໃສຢູ່ແຕ່ໃນໂຮງຮຽນຕົ້ນຕໍ່ແມ່ນໄດ້ປະຕິບັດຕາມລະບຽບ,ຕາມຄໍາແນະນໍາຂອງຄູອາຈານຢ່າງເຄັ່ງຄັດເພື່ອຄວາມປອດໄພຂອງຕົນເອງແລະໂຮງຮຽນນໍາ.
ເມື່ອນັກຂ່າວຖາມວ່າການປ້ອງກັນແກ້ໄຂແລະຄວາມເອົາໃຈໃສ່ຂອງລັດຖະບານຈີນກ່ຽວກັບພະບາດໂຄວິດ-19 ແອນດິວເຫັນວ່າໄດ້ຮັບຜົນແນວໃດບໍ? ທ້າວແອນດິວບອກວ່າ, ໃນຄວາມຄິດເຮົາເອງເຫັນໄດ້ເລີຍວ່າປະເທດຈີນເລື່ອງມາດຕະການຕໍ່ຕ້ານພະຍາດໂຄວິດ-19 ແມ່ນເພີ່ນເຂັ້ມງວດແລະເອົາໃຈໃສ່ກັບນັກສຶກສາຕ່າງປະເທດບໍ່ວ່າຈະແມ່ນນັກຮຽນລາວຫຼືມາຈາກປະເທດອື່ນບໍ່ວ່າຈະແມ່ນໂຮງຮຽນໃດ ຮູ້ສຶກວ່າເຂັ້ມງວດກວ່າປົກກະຕິ ເພື່ອຄວາມປອດໄພຂອງນັກສຶກສາຕ່າງປະເທດນີ້ລະ ແລະເພີ່ນຍັງເອົາໃຈໃສ່ບໍ່ວ່າເລື່ອງຜ້າອັດປາກຕ່າງໆແມ່ນແຈກໃຫ້ລ້າໆ ແລະໄລຍະທີ່ມັນໜັກໆເຮົາຢູ່ໃນອູຮ້ານນີ້ເພີ່ນກໍໄດ້ມີການແຈກເຂົ້າອາຫາການກິນໃຫ້ກັບນັກສຶກສາຕ່າງປະເທດ ເຮົາກໍຮູ້ສຶກວ່າເພີ່ນເອົາໃຈໃສ່ດີ ແຕ່ກໍມີນັກຮຽນບາງຄົນມີຜົນກະທົບທາງຄວາມຮູ້ສຶກຈິດໃຈເພາະວ່າກັກໂຕເປັນເວລາດົນບໍ່ໄດ້ອອກໄປພໍ້ໝູ່ພໍ້ຄູ່ ແຕ່ກໍດີຂື້ນແລ້ວເພາະມີການເຊີນຈິດຕະແພດຕ່າງໆມາໂຮງຮຽນກວດເບິ່ງວ່າຜູ້ໃດມີບັນຫາເລື່ອງນີ້ແດ່ ໄລຍະຜ່ານມານັ້ນແມ່ນດີໝົດແລ້ວ.
ກ່ຽວກັບສະພາບໃນປັດຈຸບັນນີ້ ການໃຊ້ຊີວິດຂອງຄົນທົ່ວໄປຕະຫຼອດເຖິງແອນດິວເອງເປັນຈັ່ງໃດ? ແອນດິວເວົ້າວ່າ, ດຽວນີ້ ການໃຊ້ຊີວິດແລະການຮຽນແມ່ນເຂົ້າມາສູ່ສະພາບປົກກະຕິແລ້ວ ຍັງແຕ່ວ່າຂໍ້ຍົກເວັ້ນເຮົາແມ່ນຕ້ອງໃສ່ຜ້າອັດປາກທຸກຄັ້ງ, ເວລາເຮົາອອກໄປນອກ ເວົ້າງ່າຍໆເວລາຢູ່ໂຮງຮຽນຈະອອກໄປນອກເຮົາຕ້ອງໃສ່ ແລະຂໍອະນຸຍາດໂດຍຈະມີລະບົບໃນໂທລະສັບ ຂຽນເປັນຂໍ້ຄວາມຄອບອາຈານ, ແລະບອກວ່າຈຸດປະສົງຈະໄປໃສບ່ອນໃດເພື່ອເປັນການບັນທຶກວ່ານັກຮຽນອອກໄປໃສມາໃສ ແລະເພື່ອຄວາມປອດໄພຂອງທຸກຄົນ ສົມມຸດວ່າເກີດການລະບາດອີກກໍສາມາດແກ້ໄຂໄດ້ຢ່າງທັນການ.
ແອນດິວຍັງບອກໃຫ້ນັກຂ່າວຮູ້ວ່າ, ໃນນາມຄົນລາວກໍຄືຄົນຕ່າງປະເທດທີ່ໃຊ້ຊີວິດຢູ່ອູຮ້ານມີຄວາມໝັ້ນໃຈກັບລັດຖະບານຈີນໃນການປ້ອງກັນສະກັດກັ້ນພະຍາດໂຄວິດ-19. ລາວວ່າ: ໃນຄວາມຄິດສ່ວນໂຕ ກ່ອນທີ່ພະຍາດຊິລະບາດມີຂ່າວລືມາຈາກຫຼາຍໆບ່ອນ ເຊິ່ງຕອນນັ້ນມັນພໍດີຖືກກັບໄລຍະທີ່ເຮົາຈະກັບໄປລາວໄປຢາມພໍ່ແມ່ ແຕ່ເຮົາກໍຕັດສິນໃຈຢູ່ບໍ່ກັບລາວ ເພາະຢູ່ນີ້ເຮົາເຊື່ອໝັ່ນວ່າບັນຫາໂຕນີ້ລັດຖະບານຈີນຕ້ອງແກ້ໄຂໄດ້ຢ່າງແນ່ນອນຢູ່ແລ້ວ ເຮົາກໍເລີຍຕັດສິນໃຈຢູ່ຈີນຕໍ່.ລັດຖະບານຈີນໂດຍຜ່ານທາງໂຮງຮຽນໃຫ້ໄດ້ໄປຮັບວັກຊິນ(ສັກ) ເຮົາສ່ວນຕົວແມ່ນຮັບແລ້ວ3ເຂັມ ແລະສ່ວນໃຫຍ່ນັກຮຽນທຸກຄົນແມ່ນໄດ້ຮັບວັກຊິນໝົດແລ້ວທີ່ຍັງຢູ່ໃນຈີນນີ້. ຫຼັງຈາກໄດ້ຮັບວັກຊິນມາຮູ້ສຶກວ່າໝັ້ນໃຈໃນລະດັບໜຶ່ງເຮົາຈະສາມາດໃຊ້ຊີວິດແບບປົກກະຕິ ອີກຢ່າງໜຶ່ງເພື່ອຄວາມປອດໄພຂອງຕົວເຮົາເອງແລະໝູ່ເພື່ອນອ້ອມຂ້າງທີ່ວ່າອາໃສດໍາລົງຊີວິດຢູ່ນໍາກັນ ຊັ້ນຕ້ອງໄດ້ໄປສັກວັກຊິນ.
ກ່ຽວກັບສະພາບການທຸກມື້ນີ້ຢູ່ອູຮ້ານບັນຍາກາດເປັນແນວໃດ ທຸກຄົນມີຄວາມເບີກບານມ່ວນຊື່ນກັບມາໃຊ້ຊີວິດຢ່າງມີຄວາມສຸກລະບໍ່ຫຼືວ່າເປັນຈັ່ງໃດ? ແມ່ນແລ້ວກັບມາໃຊ້ຊີວິດປົກກະຕິ ມີຄວາມສຸກສະໜຸກສະໜານຕ່າງໆ ມີແຕ່ຕ້ອງໃຊ້ມາດຕະການປ້ອງກັນພະຍາດທີ່ອາດເກີດຄືນໃໝ່ ເຊັ່ນວ່າ ທຸກມື້ອອກໄປໃສກໍຕ້ອງໃສຜ້າອັດປາກແລະຕ້ອງໄປກວດເຊື້ອ, ອັນນີ້ກໍແມ່ນສິ່ງໃໝ່ ແຕ່ກໍ່ບໍ່ສັບສົນ ເພາະບ່ອນກວດເຊື້ອມີຫຼາຍບ່ອນ ໄປໄດ້ງ່າຍ, ບໍ່ມີບັນຫາຫຍັງ ເຮົາເຫັນດີສຸດໃນເລື່ອງທີ່ເພີ່ນກວດກາໂຄວິດ-19ຕະຫຼອດເວລາເພາະວ່າ, ເວົ້າງ່າຍໆສາ ມັນປອດໄພ.ທຸກຢ່າງປົກກະຕິ.
ເວົ້າເຖິງການໃຊ້ຊີວິດປະຈຳວັນຢູ່ອູຮັ້ນ ນັກຂ່າວຖາມວ່າ ນະຄອນອູຮັ້ນເປັນນະຄອນໜຶ່ງທີ່ມີອາຫານແຊບຊ້ອຍເປັນພິເສດຂອງຕົນ, ປັດຈຸບັນນີ້ການໄປກິນອາຫານຢູ່ຕາມຮ້ານຄ້າຕ່າງໃນອູຮ້ານເປັນແນວໃດສະດວກສະບາຍລະບໍ? ແອນດິວເວົ້າວ່າ, ສະກວກສະບາຍແລ້ວເພາະວ່າຢູ່ຈີນເພີ່ນຈະມີລະບົບທີ່ເອີ່ນວ່າ ຈຽງຄາງມາແອບສຸຂະພາບ ເຂົາຈະກວດແອບນີ້ຕະຫຼອດ, ເຮົາຊິເຂົ້າໄປຮ້ານອາຫານກໍຕ້ອງໄດ້ເອົາໂທລະສັບສະແກນໃຫ້ເຫັນຄິວອາໂຄດຂອງເຮົາວ່າມັນເປັນສີຫຍັງ, ສົມມຸກວ່າມັນເປັນສີຂຽວກໍສະແດງວ່າປົກກະຕິ,ຖ້າສີເຫຼືອງກໍຢູ່ໃນລະດັບສ່ຽງ ຖ້າເປັນສີແດງຖືວ່າບໍ່ປອດໄພແລ້ວ ສ່ວນໃຫຍ່ແຕ່ລະບ່ອນໃນອູຮ້ານແມ່ນເຂົ້າໄດ້ປົກກະຕິ ແລະຕອນນີ້ເພື່ອນລາວຢູ່ໂຮງຮຽນດຽວກັນແມ່ນມີສອງຄົນ ແຕ່ສໍາລັບຢູ່ທົ່ວອູຮ້ານນີ້ຍັງບໍ່ແນ່ໃຈ ແຕ່ຄິດວ່າບໍ່ຮອດ10ຄົນປະມານ5-6ຄົນ.
ສຸດທ້າຍ ແອນດິວແມ່ນໄດ້ສະແດງຄວາມຂອບໃຈແລະເຊື່ອໝັ້ນຕໍ່ລັດຖະບານຈີນ ໃນນາມເປັນຄົນຕ່າງປະເທດທີ່ມາອາໃສຢູ່ອູຮ້ານນີ້, ລາວບອກວ່າ ໃນສ່ວນໂຕເຮົາກໍເຄີຍຕ່າງໜ້ານັກຮຽນລາວຂອບອົກຂອບໃຈອາຈານທີ່ຢູ່ໂຮງຮຽນມາກ່ອນໜ້ານີ້ແລ້ວ ແລະຕອນນີ້ກໍຢາກຂອບໃຈອີກເທື່ອໜຶ່ງເພາະວ່າໃນການຊ່ວຍເຫຼືອແລະເບິ່ງແຍງ,ຮັກສາໃຫ້ພວກເຮົາຢູ່ຢ່າງປອດໄພມາໂດຍຕະຫຼອດເພາະວ່າ ເຮົາກໍຮັບຮູ້ລັດຖະບານຈີນມີມາດຕະການປອດໄພຕໍ່ນັກສຶກສາຕ່າງປະເທດມັນດີສໍາໃດ ຢູ່ນີ້ເຮົາຮັບຮູ້ໄດ້ດ້ວຍໂຕເອງ.
Skharn Tnfkl and 33 others
3 Shares
Like
Comment
Share