ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

“ເພື່ອປະຊາຊົນແລະອາໄສປະຊາຊົນ” ຄືບົດຮຽນສຳເລັດຜົນອັນໜຶ່ງຂອງຈີນໃນການຕ້ານພະຍາດ ໂຄວິດ-19

ວັນ​ທີ 24 ເມ​ສາ​ນີ້, ນະ​ຄອນ​ອູ​ຮັ້ນ​ແຂວງ​ຫູ​ເປີຍ​ບໍ່​ມີ​ກໍ​ລະ​ນີ​​ຜູ້ເປັນ​ພະ​ຍາດ ໂຄວິດ-19​ ອາ​ການ​ໜັກແລ້ວ, ວັນ​ທີ 26 ເມ​ສາ, ຜູ້​ເປັນ​ພະ​ຍາດ COVID-19​ຢູ່​ນະ​ຄອນ​ອູ​ຮັ້ນ​ໄດ້​ຖືກ​ປິ່ນ​ປົວ​ໃຫ້​ຫ​າຍ​ຂາດ​ໝົດ​ແລ້ວ. ຈາກ​ໄລ​ຍະ​ທີ່​ຈຳ​ນວນ​ຜູ້​ເປັນ​ພະ​ຍາດ​ເພີ່ມ​ຂຶ້ນຫຼາຍ​ທີ່​ສຸດ​ຄື ເພີ່ມ​ຂຶ້ນ 13.000 ກວ່າ​ກໍ​ລ​ະ​ນີ​ຕໍ່​ມື້​ຈົນ​ມາ​ຮອດ​ມື້​ນີ້​, ປະ​ຊາ​ຊົນ​ທົ່ວ​ປະ​ເທດ​ຈີນ​ໄດ້​ຮ່ວມ​ແຮງ​ຮ່ວມ​ໃຈ​ກັນ​ຕ້ານ​ກັບ​ພະ​ຍາດໂຄວິດ-19​ ​ດ້ວຍ​ຄວາມ​ພະ​ຍາ​ຍາມ​ຢ່າງ​ລຳ​ບາກ ຈິ່ງ​ສາ​ມາດ​ຍາດ​ໄດ້​ໄຊ​ຊະ​ນະ​ອັນ​ສຳ​ຄັນ​ຍິ່ງ​ໃນ​ການ​ປ້ອງ​ກັນ​ແລ​ະ​ຄວບ​ຄຸມ​ພະ​ຍາດ​ໂຄວິດ-19​.

ເປັນ​ຫຍັງ​ຈີນ​ຈິ່ງ​ສາ​ມາດ​ປະ​ສົບ​ຜົນ​ສຳ​ເລັດ​ໃນ​ການ​ຮັບ​ມື​ກັບ​ເຫດ​ການ​ສຸກ​ເສີນດ້ານ​ສາ​ທາ​ລະ​ນະ​ສຸກ​ທີ່​ໜັກ​ໜ່ວງ​ຄັ້ງ​ນີ້​ໄດ້​ຢ່າງ​​ມີ​ປະ​ສິດ​ທິ​ຜົນໃນ​ເວ​ລາ​ອັນ​ສັ້ນໆ ເຊິ່ງ​ເປັນ​ເຫດ​ການ​ສຸກ​ເສີນ​ດ້ານ​ສາ​ທາ​ລະ​ນະ​ສຸກ​ຄັ້ງ​​ທີ່​ມີ​ການ​ແຜ່​ລະ​ບາດ​​ຂອງ​ພະ​ຍາດຢ່າງວ່ອງ​ໄວ​ທີ່​ສຸດ,​ມີຂອບ​ເຂດກວ້າງ​ຂວາງ​ທີ່​ສຸດ ​ແລະ​ ມີ​ຄວາມ​ຫຍຸ້ງ​ຍາກຫຼາຍ​ທີ່​ສຸດ​ໃນ​ການ​ປ້ອງ​ກັນ​ແລ​ະ​ຄວບ​ຄຸມ​ນັບ​ແຕ່ ສ​ປ ຈີນ​ສະ​ຖາ​ປະ​ນາ​ຂຶ້ນ​ເມື່ອ​ປີ 1949 ເປັນ​ຕົ້ນ​ມາ. ຄຳ​ຕອບ​ແມ່ນ​ງ່າຍ​ດາຍ​ທີ່​ສຸດ​ຄື: “ທຸກ​ສິ່ງ​ຢ່າງ​ເພື່ອ​ປະ​ຊາ​ຊົນ, ທຸກ​ສິ່ງ​ຢ່າງ​ແມ່ນ​ອາ​ໄສ​ປະ​ຊາ​ຊົນ”.

ເລີ່ມ​ແຕ່​ຫົວ​ທີ, ທ່ານ​ສີ​ຈິ້​ນ​ຜິງ ເລ​ຂາ​ທິ​ການ​ໃຫຍ່​ຄະ​ນະ​ກຳ​ມະ​ການ​ສູນ​ກາງ​ພັກ​ກອມ​ມູ​ນິດ​ຈີນ​ກໍ​ໄດ້​ກຳ​ນົດ​ໃຫ້​ບັ້ນ​ປ້ອງ​ກັນ​ແລະ​ຄວບ​ຄຸມ​ພະ​ຍາດ​ຄັ້ງ​ນີ້​ເປັນ​ບັ້ນ​ຮົບ​ທົ່ວປວງ​ຊົນ. ພາຍ​ໃຕ້​ການ​ບັນ​ຊາ​ການ​ແລະ​ວາງ​ແຜນ​ນະ​ໂຍ​ບາຍ​ຂອງ​ທ່ານ​ສີ​ຈິ້ນ​ຜິງ, ທົ່ວ​ປະ​ເທດ​ໄດ້​ເຄື່ອນ​ໄຫວ​ຢ່າງວ່ອງ​ໄວ, ຍາດ​ທຸກ​ເວ​ລາ​ນາ​ທີ​ໃນ​ການກອບ​ກູ້​ຊີ​ວິດ​ຄົນ​ເຈັບ ໂດຍ​ໄດ້​ໃຊ້​ມາດ​ຕະ​ການ​ປ້ອງ​ກັນ​ແລະ​ຄວບ​ຄຸມ​ຢ່າງ​ເປັນ​ລະ​ບົບ​ຄົບ​ຖ້ວນທີ່​ກ້າ​ຫານ​ທີ່​ສຸດ, ຄ່ອງ​ແຄ້ວ​ທີ່​ສຸດ​ແລະ​ຕັ້ງ​ໜ້າ​ທີ່​ສຸດ​ໃນ​ປະ​ຫວັດ​ສາດ.

ປະ​ຊາ​ຊົນ ​ສາ​ມັນ​ໃນ​ທຸກ​ຂະ​ແໜງ​ການ​ບໍ່​ວ່າ​ຈະ​ເປັນ​ພະ​ນັກ​ງານ​ເຂດ​ຊຸມ​ຊົນ, ອາ​ສາ​ສະ​ໝັກ, ກຳ​ມະ​ກອ​ນ​ແລະ​ອື່ນໆ ລ້ວນ​ແຕ່​ໄດ້​ພະ​ຍາ​ຍາມ​ເຝົ້າ​ປະ​ຈຳ​ການ​ເຮັດ​ວຽກ​ຢ່າງ​ດຸ​ໝັ່ນ ເຊິ່ງ​ເປັນ​​ການ​ເຕົ້າໂຮມ​ກຳ​ລັງ​ສັງ​ລວມ​ອັນ​ເຂັ້ມ​ແຂງ​ໃນ​ການ​ຕ້ານ​ພະ​ຍາດ​ແລະກໍ​ແມ່ນ​ການ​ປະ​ກອບ​ສ່ວນ​ຂອງ​ປະ​ຊາ​ຊົນຈຳ​ນວນ 1,4 ຕື້​ຄົນ​ຄື​ແບບ​ນີ້ ຈິ່ງ​​ສາ​ມາດຍາດ​ເອົາ​ໄຊ​ຊະ​ນະໃນ​ບັ້ນ​ຮົບ​ທົ່ວ​ປວງ​ຊົນ​ຄັ້ງ​ນີ້​ໄດ້​ໃນ​ທີ່​ສຸດ.

ເມື່ອ​ທົ່ວ​ປວງ​ຊົນ​ຮ່ວມ​ແຮງ​ຮ່ວ​ມ​ໃຈ​ກັນ​ແລະ​ຜ່ານ​ຜ່າ​ຄວາມ​ຫຍຸ້ງ​ຍາກ​ນຳ​ກັນ​ກໍ​ຈະ​ໄດ້​ຮັບ​ໄຊ​ຊະ​ນະ. ທຸກ​ມື້​ນີ້, ຈີນ​ກຳ​ລັງ​ກ້າວ​ເດີນ​ພົ້ນ​ອອກ​ຈາກ​ເງົາ​ມືດ​ຂອງການ​ແຜ່​ລະ​ບາດ​ຂອງ​ພະ​ຍາດ​ຢ່າງ​ໜັກ​ແໜ້ນ, ກຳ​ລັງ​ເລັ່ງ​ລັດ​ຊຸກ​ຍູ້​ການ​ຟື້ນ​ຟູ​ການ​ພັດ​ທະ​ນາ​ເສດ​ຖະ​ກິດ​ສັງ​ຄົມ, ຈີນ​ມີ​ຄວາມ​ໝັ້ນ​ໃຈ​ແລະ​​ມີຄວາມ​ສາ​ມາດ​ໃນ​ການ​ບັນ​ລຸ​ເປົ້າ​ໝາຍ​ສ້າງ​ສັງ​ຄົມທີ່​ອີ່ມ​ໜຳ​ສຳ​ລານ​ໃຫ້​ສຳ​ເລັດ​ຮອບ​ດ້ານ​ໃນ​ປີ​ນີ້. “ທຸກ​ສິ່ງ​ຢ່າງ​ເພື່ອ​ປະ​ຊາ​ຊົນ, ທຸກ​ສິ່ງ​ຢ່າງ​ແມ່ນ​ອາ​ໄສ​ປະ​ຊາ​ຊົນ” ນີ້​ຄື​ຂໍ​ກຸນ​ແຈ​ທີ່​ຈີນ​ສາ​ມາດ​ກ້າວ​ເດີນ​ຕາມ​ເສັ້ນ​ທາງ​ທີ່​ຍາວ​ໄກ​ໃນ​ໄລ​ຍະ​ຜ່ານ​ມາ, ທັງ​ເປັນ​ກຳ​ລັງ​ແຮງ​ທີ່​ບໍ່​ມີ​ວັນ​ເຫືອດ​ແຫ້ງ​ໃນ​ການ​ຊຸກ​ຍູ້​ໃຫ້​ຈີນ​ສືບ​ຕໍ່​ຜ່ານ​ຜ່າ​ອຸ​ປະ​ສັກ​ຕ່າງໆ​ເພື່ອ​ມຸ້ງ​ໝັ້ນ​ກ້າວ​ໄປ​ສູ່​ເປົ້າ​ໝາຍ​ທີ່​ໄດ້​ກຳ​ນົດ​ໄວ້.