ຕາມການໃຫ້ສຳພາດຂອງ ດຣ ພອນສະຫວັນ ອິນສີຊຽງໃໝ່ ຫົວໜ້າຫ້ອງ ການສາທາລະນະສຸກເມືອງ ຈຳພອນ ແຂວງສະຫວັນນະເຂດໃຫ້ຮູ້ກ່ຽວກັບການສັກວັກຊີນຕ້ານພະຍາດໂຄວິດ 19 ໃຫ້ປະຊາຊົນ ແລະ ກຸ່ມເປົ້າໝາຍພາຍໃນເມືອງ ເຊິ່ງມາຮອດວັນທີ 11 ຕຸລາ ສາທາລະນະສຸກເມືອງສາມາດສັກວັກຊີນໄດ້ທັງໝົດ 28% ເຊິ່ງເປົ້າໝາຍໃນພາຍເມືອງແມ່ນໃຫ້ປະຊາຊົນໄດ້ຮັບວັກຊີນຈຳນວນ 70%ຂອງປະຊາກອນທັງໝົດ , ທົ່ວເມືອງມີ 170 ບ້ານ,ມີ ຈຸດຮັບວັກຊີນ ໂຮງໝໍເມືອງ ຈຳພອນ ແລະອີກ 18 ຈຸດຂອງໂຮງໝໍນ້ອຍໃນທົ່ວເມືອງ , ປະຊາກອນທັງໝົດມີ 70 ພັນກວ່າຄົນ , ອາຍຸ 60ປີຂື້ນໄປມີ 5 ພັນກວ່າຄົນ , ຜູ້ທີ່ມີພະຍາດຊຳເຮື້ອ 4 ພັນກວ່າຄົນ , ໄດ້ຮັບວັກຊີນແລ້ວ 33 ພັນ 111 ຄົນ ແລະ ຍັງຈະສືບຕໍ່ສັກວັກຊີນໃຫ້ພໍ່ແມ່ປະຊາຊົນຄົບຕາມຈຳນວນທີ່ກຳນົດໄວ້ ນອກຈາກການສັກວັກຊີນຕ້ານພະຍາດໂຄວິດ 19 ແລ້ວນັ້ນ ທາງສາທາລະນະສຸກເມືອງຍັງໄດ້ເລັ່ງໃສ່ວຽກງານປ້ອງກັນພະຍາດໄຂ້ເລືອດອອກ ທີ່ມາໃນຊ່ວງລະດູຝົນ ໃນນີ້ມີບ້ານທີ່ເຜົ້າລະວັງຈຳນວນ 87 ບ້ານທີ່ເຄີຍເກີດມີການລະບາດ ແລະ ທາງສາທາລະນະສຸກເມືອງກໍ່ໄດ້ຈັດສົ່ງພະນັກງານລົງສຳຫລວດ ໜອນນ້ຳພ້ອມທັງຈັດຊຸດຝືກອົບຮົມໃຫ້ແກ່ພະນັກງານວິຊາການອີກດ້ວຍ
Loading...