ຕອນເຊົ້າ ຂອງວັນທີ 30 ມິຖຸນາ 2021 ນີ້ ສ່ວຍສາອາກອນ ປະຈຳເມືອງຊະນະຄາມ ໄດ້ເປີດກອງປະຊຸມເຜີຍແຜ່ ນິຕິກຳຕ່າງໆ ໃຫ້ຜູ້ປະກອບການ ຫົວ ໜ່ວຍທຸລະກິດການຊຶື້-ຂາຍ ນໍ້າມັນເຊື້ອໄຟຢູພາຍໃນເມືອງຊະນະຄາມ ແຂວງວຽງຈັນ ໂດຍໃຫ້ກຽດຂື້ນເປັນປະທານ ຂອງທ່ານ ບຸນຊ່ວງ ວັນສີ ຮອງເຈົ້າເມືອງໆຊະນະຄາມ ຜູ້ຊີ້ນຳວຽກງານເສດ ຖະກິດ ແລະວັດທະນະທຳ-ສັງຄົມ, ມີທ່ານ ຄຳເພັດ ຈອມແກ້ວ ຫົວໜ້າ ສ່ວຍສາອາກອນປະຈຳເມືອງຊະນະຄາມ, ຫ້ອງການອຸດສະຫະກຳ ແລະການຄ້າ, ພະນັກງານສ່ວຍສາອາກອນ, ແລະບັນດາຜູ້ປະກອບການຫົວໜ່ວຍທຸລະກິດການຊື້-ຂາຍນໍ້າມັນເຊື້ອໄຟ ຢູ່ພາຍໃນເມືອງ ກໍເປັນກຽດເຂົ້າຮ່ວມຢ່າງພ້ອມພຽງ.
ໃນວາລະການດຳເນີນກອງປະຊຸມດັ່ງກ່າວ ທ່ານ ຄຳເພັດ ຈອມແກ້ວ ຫົວໜ້າສ່ວຍສາອາກອນປະຈຳເມືອງຊະນະຄາມ ໄດ້ຂື້ນຜ່ານເອກະສານຕ່າງໆທີ່ສຳຄັນ ໃຫ້ຜູ້ປະກອບການໄດ້ຮັບຟັງເຊັ່ນ: ເອກະສານ ໂຄງສ້າງລາຄານໍ້າມັນເຊື້ອໄຟ ສະບັບເລກທີ 0174/ກຄພນ.ຄສລ, ລົງວັນທີ 09 ມີນາ 2021 , ເຊິ່ງໄດ້ກໍານົດການເສຍພັນທະ, ໂດຍສະເພາະອາກອນຈາກເມື່ອກ່ອນ 10 ກີບ/ລິດ, ມາເປັນ 26 ກີບ/ຕໍ່ລິດ, ແຈ້ງການສະບັບເລກທີ 0175/ກຄພນ.ຄສລ, ລົງວັນທີ 09 ມີນາ 2021, ເລື່ອງ:ປັບຂຶ້ນລາຄານໍ້າມັນຂາຍຍ່ອຍນໍ້າມັນເຊື້ອໄຟໃນຂອບເຂດເທດສະບານ ແລະ ເມືອງ, ແຈ້ງການສະບັບເລກທີ 0176/ອຄ.ກຄພນ, ລົງວັນທີ 09 ມິນາ 2021, ເລື່ອງ: ປັບລາຄາຂາຍຍ່ອຍນໍ້າມັນເຊື້ອໄຟໃນຂອບເຂດທົ່ວປະເທດ, ເອກະສານແຈ້ງການ ສະບັບເລກທີ 1626/ກງ, ລົງວັນທີ 30 ພຶດສະພາ 2019, ເລື່ອງ:ການຄຸ້ມຄອງສາງສິນຄ້ານໍ້າມັນເຊື້ອໄຟ ແລະ ອາຍແກ໋ດ.
ຈຸດປະສົງ ໃນການເປີດກອງປະຊຸມໃນຄັ້ງນີ້ກໍ່ເພື່ອເປັນການເຜີຍແຜ່ແນະນໍາ ນິຕິກໍາຕ່າງໆ ໃຫ້ແກ່ບັນດາຫົວໜ່ວຍທຸລະກິດ, ໂດຍສະເພາະຫົວໜ່ວຍທຸລະກິດທີ່ດໍາເນີນທຸລະກິດດ້ານການຊື້-ຂາຍນໍ້າມັນເຊື້ອໄຟ( ປໍ້ານໍ້າມັນໃນທົ່ວເມືອງ)ໃຫ້ມີຄວາມຮັບຮູ້ ແລະ ເຂົ້າໃຈດ້ານພັນທະຕ່າງໆທີ່ຕິດພັນກັບການຊື້-ຂາຍນໍ້າມັນເຊື້ອໄຟ ແລະ ຫຼີກລ້ຽງການຊື້-ຂາຍນໍ້າມັນເຊື້ອໄຟທີ່ບໍ່ຖືກຕ້ອງ.
ໃນຕອນທ້າຍຂອງກອງປະຊຸມ ຍັງໄດ້ຮັບຟັງການໂອ້ລົມຈາກປະທານກອງປະຊຸມ ເຊິ່ງທ່ານໄດ້ນັ້ນໜັກຕໍ່ກັບເນື້ອໃນເອກະສານ ເປັນຕົ້ນແມ່ນການຈັດເກັບລາຍຮັບ ຈາກການຈໍາໜ່າຍນໍ້າມັນເຊື້ອໄຟໃນທົ່ວເມືອງຊະນະຄາມ ໃຫ້ມີຄວາມເປັຍເອກະພາບກັນ ພ້ອມກັນຈັດເກັບ ແລະ ມອບເຂົ້າງົບປະມານໃຫ້ທັນຕາມກໍານົດເວລາຕາມລະດັບຄາດໝາຍ ແລະ ລື່ນຄາດໝາຍທີ່ວາງໄວ້.
ຂ່າວ: ເມືອງຊະນະຄາມ
May be an image of 1 person, sitting and standing
Loading...