ໃນວັນທີ 19 ຕຸລາ 2022 ທີ່ຫ້ອງປະຊຸມຫ້ອງວ່າການປົກຄອງເມືອງຊານໄຊ ແຂວງອັດຕະປື ໄດ້ຈັດກອງປະຊຸມຮອບວຽນ ຄັ້ງທີ XVII ປະຈຳປີ 2022 ຂອງຄະນະນຳຜູ້ແທນ 3 ເມືອງ ລາວ-ຫວຽດ ນາມ ຄື: ເມືອງຊານໄຊ ແຂວງ ອັດຕະປື ແລະ ເມືອງດາກຈຶງ ແຂວງເຊກອງ ຂອງ ລາວ,ເມືອງດັກໄລ ແຂວງກອນຕູມ ສສ ຫວຽດນາມ, ໃຫ້ກຽດເຂົ້າຮ່ວມເປັນປະ ທານໂດຍມີທ່ານ ສຸວັນສີ ແກ້ວວິເສີດ ກໍາມະການພັກແຂວງ,ເລຂາພັກເມືອງ ເຈົ້າເມືອງຊານໄຊ, ມີທ່ານ ອຸ່ນຄຳ ຫຼ້າທະຈັກ ຮອງເລຂາພັກເມືອງ ຮອງເຈົ້າເມືອງດາກຈຶງ, ມີທ່ານ ອາເຟືິອງ ຮອງເຈົ້າເມືອງ, ຜູ້ປະຈຳການພັກເມືອງ,ເຈົ້າເມືອງດັກໄລ, ພ້ອມດ້ວຍຄະນະຜູ້ແທນຈາກ 3 ເມືອງດັ່ງກ່າວເຂົ້າຮ່ວມ .
ກອງປະຊຸມທັງ 3 ເມືອງ ໄດ້ພ້ອມກັນທົບທວນຄືນການຈັດຕັ້ງປະຕິບັດບົດບັນທຶກຊ່ວຍຈຳ ວ່າດ້ວຍ ການຄຸ້ມຄອງຊາຍແດນ ແລະ ດ່ານຊາຍແດນ ລະຫວ່າງ ປະເທດ ລາວ-ຫວຽດນາມ ແລະ ບົດບັນທຶກກອງປະຊຸມ ຄະນະຜູ້ແທນ ຊາຍແດນ ລາວ- ຫວຽດນາມ ຄັ້ງທີ່ XVI,ເຊິ່ງໄລຍະຜ່ານມາ,ຄະນະນໍາຜູ້ແທນຂອງ 3 ເມືອງ ໄດ້ມີການຮ່ວມມືກັນຕະຫຼອດມາ ໃນຫຼາຍວຽກງານ ເປັນຕົ້ນ: ວຽກງານການຄຸ້ມ ຄອງຊາຍແດນ,ການພັດທະນາເສດຖະ ກິດ,ການຄ້າ,ວັດທະນະທຳ ແລະທ່ອງ ທ່ຽວ,ການເຊື່ອມຕໍ່ເສັ້ນທາງຄົມມະ ນາຄົມ,ການເຂົ້າ-ອອກຜ່ານແດນ,ການແກ້ໄຂ ບັນຫາຜູ້ຍົກຍ້າຍຕັ້ງພູມລຳເນົາຕາມລຳພັງໃຈ ຢູ່ບໍລິເວນຊາຍແດນ,ການສ້າງຄອບຄົວ ບໍ່ຖືກລະບຽບກົດໝາຍ, ການລັກລອບຂຸດຄົ້ນຊັບພະຍາກອນທຳມະຊາດ,ເຄື່ອງປ່າຂອງດົງ,ການຄ້າ ຂາຍເຖື່ອນ,ຄົນເຂົ້າອອກເມືອງທີ່ຂັດຕໍ່ລະບຽບກົດໝາຍຂອງສອງປະເທດ,ເຊິ່ງການຮ່ວມມືດັ່ງກ່າວ ໄດ້ເປັນການປະ ກອບສ່ວນເຮັດໃຫ້ສາຍພົວພັນມິດຕະ ພາບ ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ທີ່ເປັນມູນເຊື້ອ ລະຫວ່າງ ສອງພັກ,ສອງລັດ ແລະປະຊາ ຊົນສອງຊາດ ລາວ-ຫວຽດນາມ ທີ່ມີມາແຕ່ດົນນານ ໃຫ້ຈະເລີນງອກງາມຍິ່ງໆຂື້ນໄປ ທັງເປັນການສ້າງຊາຍແດນຂອງສອງປະເທດໃຫ້ກາຍເປັນຊາຍແດນແຫ່ງສັນຕິພາບມິດຕະພາບ ແລະການຮ່ວມມື ພັດທະນາແບບຍືນຍົງ .
ໂອກາດດັ່ງກ່າວທັງ 3 ເມືອງຄື: ເມືອງຊານໄຊ ແຂວງອັດຕະປື,ເມືອງດາກຈຶງ ແຂວງເຊກອງ ແລະ ເມືອງດັກໄລ ແຂວງກອນຕູມສສ ຫວຽດນາມ ໄດ້ພ້ອມກັນເຊັນບົດບັນທືກຊ່ວຍຈໍາ ໂດຍເນື້ອໃນສໍາຄັນໃນບົດບັນທຶກ ມີຢູ່ວ່າ: ທັງສາມເມືອງ ຂອງສອງປະເທດ ຈະສືບຕໍ່ເພີ່ມທະວີການຮ່ວມມື ວຽກງານການຄຸ້ມຄອງຊາຍແດນລະຫວ່າງສອງປະເທດ ໂດຍການຊຸກຍູ້ໃຫ້ພາກສ່ວນທີ່ກ່ຽວຂ້ອງສະກັດກັ້ນບັນດາປະກົດການຫຍໍ້ທໍ້ ທີ່ເກີດຂຶ້ນຕາມບໍລິເວນຊາຍແດນ ສອງປະເທດ,ສືບຕໍ່ໂຄສະນາເຜີຍແຜ່ລະບຽບການຄຸ້ມ ຄອງຊາຍແດນ,ການປົກປັກຮັກເສັ້ນຊາຍແດນ ໃຫ້ແກ່ປະຊາຊົນ ຢູ່ຕາມບໍລິເວນຊາຍແດນ ໄດ້ຮັບຮູ້ເຂົ້າໃຈ ແຈ້ງ ກ່ຽວກັບຂອບເຂດອຳນາດອະທິປະໄຕ ແລະ ຜືນແຜນດິນອັບຄົບຖ້ວນຂອງທັງ ສອງຊາດ,ເພີ່ມທະວີ ບັນດາມາດຕະການຊຸກຍູ້ໃຫ້ເສດຖະກິດ,ການຄ້າ,ວັດ ທະນະທຳ,ການທ່ອງທ່ຽວ ຢູ່ຕາມບໍລິເວນຊາຍ ແດນ ໃຫ້ ມີການຂະຫຍາຍຕົວ,ພັດທະນາລະບົບເສັ້ນທາງຄົມມະນາຄົມ.
ຂ່າວ: ໄຊຈະເລີນ
