ໃນວັນທີ 27 ພຶດສະພາ 2021 ນີ້ ຢູ່ເມືອງຊຽງຮ່ອນ ໄດ້ຈັດກອງປະຊຸມ ເຊື່ອມຊືມ ແລະ ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ໃຫ້ຄະນະພັກ, ເລຂາໜ່ວຍພັກສຳນັກງານຫ້ອງການ ກົມກອງ ແລະ ເລຂາໜ່ວຍພັກບ້ານເທດສະບານເມືອງ ໂດຍການເປັນກຽດເຂົ້າຮ່ວມຂອງ ສະຫາຍ ສຳລານ ສຸວັນນະໂຊດ ຄະນະປະຈຳພັກແຂວງ ຫົວໜ້າຄະນະຈັດຕັ້ງ ແຂວງໄຊຍະບູລີ.

ເອກກະສານທີ່ນໍາມາເຊື່ອມຊຶມປະກອບມີຄື:  ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ໂດຍສົມທຽບກັບມະຕິກອງປະຊຸມໃຫຍ່ຜູ້ແທນອົງຄະນະພັກແຂວງ ຄັ້ງທີ VII ແລະ ມະຕິກອງປະຊຸມໃຫຍ່ຄັ້ງທີ VII ຂອງເມືອງ, ຜ່ານເອກກະສານແຜນພັດທະນະເສດຖະກິດ-ສັງຄົມແຫ່ງຊາດ ຄັ້ງທີ IX ພ້ອມທັງສົມທຽບໃສ່ແຜນພັດທະນາເສດຖະກິດສັງຄົມ ຂອງແຂວງ, ຂອງເມືອງ ແລະ ຜ່ານເອກກະສານເພີ່ມທະວີຊີ້ນຳວຽກງານການເມືອງ-ແນວຄິດ ໃນການສະກັດກັ້ນ,ປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19  ໃຫ້ພະນັກງານການນໍາພາ-ຄຸ້ມຄອງ ພາຍໃນເມືອງໄດ້ຮັບຮູ້ແລະ ເຊື່ອມຊຶມພ້ອມທັງເປັນບ່ອນອີງໃຫ້ແກ່ຄະນະພັກ ອົງການປົກຄອງຂັ້ນຕ່າງໆ ໃນທົ່ວເມືອງ ເພື່ອພ້ອມກັນຜັນຂະຫຍາຍ ໃຫ້ກາຍເປັນແຜນງານ, ໂຄງການລະອຽດ ຕິດພັນກັບການຜັນຂະຫຍາຍມະຕິກອງປະຊຸມໃຫຍ່ຂັ້ນຂອງຕົນໃຫ້ກົມກຽວ ແລະ ເພື່ອຍູ້ແຮງ ການຈັດຕັ້ງປະຕິບັດໃຫ້ເປັນຂະບວນຟົດຟື້ນ ແລະ ກວ້າງຂວາງ ເຮັດໃຫ້ການປ່ຽນແປງແນວທາງໃໝ່ຮອບດ້ານ ແລະ ມີຫຼັກການຂອງພັກ ສືບຕໍ່ຈັດຕັ້ງປະຕິບັດຢ່າງເລິກເຊິ່ງ ຮອບດ້ານໃນແຕ່ລະຂົງເຂດວຽກງານ.  ຈຸດປະສົງໃນການເຊື່ອມຊຶມໃນຄັ້ງນີ້ ກໍ່ເພື່ອເປັນການ ສ້າງຄວາມເປັນເອກກະພາບແຕ່ຫົວທີ ແລະ ເສີມຂະຫຍາຍສະຕິປັນຍາ, ຫົວຄິດປະດິດສ້າງ, ຄວາມຮັບຮູ້-ເຂົ້າໃຈຕໍ່ການຫັນປ່ຽນໃໝ່ ຂອງຄະນະພັກທຸກຂັ້ນໃນທົ່ວເມືອງ ເພື່ອພ້ອມກັນຈັດຕັ້ງປະຕິບັດໃຫ້ເປັນຮູບປະທໍານຳຜົນປະໂຫຍດຕົວຈິງໃຫ້ແກ່ປະເທດຊາດ ແລະ ປະຊາຊົນບັນດາເຜົ່າ.

ໂດຍ: ດອນ ຂຽວພະນາ ຖວທ ຊຽງຮ່ອນ

Loading...