ກອງປະຊຸມຄົມຄະນະບໍລິຫານງານພັກເມືອງ ຄັ້ງທີ 4 ສະໄໝທີ VII ໄດ້ຈັດຂື້ນໃນຕອນເຊົ້າຂອງວັນທີ 27 ມັງ ກອນ 2021 ຢູ່ທີ່ຫໍປະຊຸມຂອງເມືອງ ໂດຍການເປັນປະທານຂອງ ສະຫາຍ ບຸນລ້ວນ ຊົມສີຫາປັນຍາ ກຳມະ ການພັກແຂວງ ເລຂາພັກເມືອງ ເຈົ້າເມືອງໆຊຽງຮ່ອນ ແຂວງໄຊຍະບູລີ.
ສະຫາຍ ອິນຕາ ນິ້ມນວນ ຮອງເລຂາພັກເມືອງຊຽງຮ່ອນ ໄດ້ຜ່ານບົດສະຫຼຸບບົດ ຕີລາຄາການຊີ້ນຳ-ນຳພາວຽກ ງານຮອບດ້ານປະຈຳປີ 2020 ແລະ ທິດທາງແຜນການ ວຽກງານຈຸດສຸມປະຈໍາປີ 2021 ເປັນຕົ້ນ ໄດ້ສຸມໃສ່ນຳພາສຶກສາອັບຮົມດ້ານການເມືອງແນວຄິດສອດຫ້ອຍເຂົ້າໃນທຸກຂົງເຂດວຽກງານໃນການຜັນຂະຫຍາຍແນວທາງນະ
ໂ ຍບາຍ ໃຫ້ແກ່ສະມາຊິກພັກພະນັກງານລັດຖະກອນ ແລະ ປະຊາຊົນບັນດາເຜົ່າຢ່າງເປັນປົກກະຕິ ດ້ວຍຫຼາຍຮູບການ ໄດ້ຊີ້ນຳ-ນຳພາວຽກງານປ້ງກັນຊາດປ້ອງກັນຄວາມສະຫງົບ ລົງສູ່ຮາກຖານ ແກ້ໄຂບັນດາປະກົດການຫຍໍ້ທໍ້ຕ່າງໆ ເຮັດໃຫ້ປະກົດການຫຍໍ້ທໍ້ ມີທ່າອ່ຽງລຸດລົງ ແລະ ເຮັດໃຫ້ເມືອງມີຄວາມສະຫງົບ ສັງຄົມມີຄວາມເປັນລະບຽບຮຽບຮ້ອຍໂດຍພື້ນຖານ ເສດຖະກິດມີການຂະຫຍາຍຕົວຢ່າງຕໍ່ເນື່ອງໃນລະດັບ 7,82 % ຕໍ່ປີ ລວມຍອດຜະລິດຕະພັນພາຍໃນບັນລຸ 609 ຕື້ກີບ ລາຍຮັບສະເລ່ຍໃສ່ຫົວຄົນບັນລຸ 2.201 ໂດລາສະຫະລັດຕໍ່ຄົນຕໍ່ປີ ບັນດາປັດໃຈໃໝ່ກໍ່ໄດ້ເກີດຂື້ນ ເປັນຕົ້ນແມ່ນ ການຜະລິດຕິດພັນກັບການປຸງແຕ່ງ ແລະ ການນຳໃຊ້ເຕັກນິກໃໝ່ເຂົ້າໃນການຜະລິດກໍ່ນັບມື້ນັບເພື່ມຂື້ນ ວຽກງານວັດທະນະທໍາສັງຄົມກໍ່ໄດ້ເອົາໃຈໃສ່ປະຕິບັດເປົ້າໝາຍສະຫັດສະວັດການພັດທະນາ ຂອງຂະແໜງການສຶກສາ, ເອົາໃຈໃສ່ໂຄສະ ນາສຸຂະສຶກສາ ຕ້ານພະຍາດຕາມລະດູການ ແລະ ສະກັດກັ້ນ ຕ້ານການລະບາດຂອງພະຍາດ ໂຄວິດ 19 ຍົກສູງຄຸນນະພາບການປິ່ນປົວ ນອກນັ້ນຍັງຫັນເອົາພະນັກງານວິຊາການດ້ານການປູກຝັງ ລ້ຽງສັດລົງສູ່ຮາກຖານ ຈັດຕັ້ງປະຕິບັດ 4 ເນື້ອໃນ 4 ຄາດໝາຍ ຕິດພັນກັບການປະຕິບັດທິດນຳ 3 ສ້າງ ປັບປຸງອົງການປົກຄອງບ້ານ.
ມາຮອດປະຈຸບັນ ທົ່ວເມືອງສ້າງບ້ານພັດທະນາໄດ້ທັງ ໝົດ 25 ບ້ານ ຕາມມາດຖານ ດຳລັດ 348, ຈາກນັ້ນຜູ້ກອງປະຊຸມໄດ້ພ້ອມກັນປະກອບຄຳຄິດຄຳເຫັນໃສ່ຕໍ່ກັບວຽກງານຮອບດ້ານປະຈຳປີ 2020 ໃນໄລຍະຜ່ານມາໂດຍໄດ້ຍົກໃຫ້ເຫັນດ້ານດີດ້ານອ່ອນຂໍ້ຄົງຂ້າງ ແລະ ບົດຮຽນທີ່ຖອດຖອນໄດ້ ແລະ ຍັງໄດ້ພ້ອມກັນເອົາຮັບຮອງເອົາວຽກ ງານຈຸດສຸມໃນຕໍ່ໜ້າເປັນຕົນແມ່ນ ສຶບຕໍ່ໂຄສະນາເຜີຍແຜ່ແນວທາງນະໂຍບາຍ ມະຕິຄຳສັ່ງ ຂອງພັກ ກົດໝາຍຂອງລັດ, ຫັນເອົາພະນັກງານສະມາຊິກພັກ ກຳລັງປະກອບອາວຸດລົງກໍ່ສ້າງຮາກຖານ, ສຸ້ຊົນໃຫ້ເສດຖະກິດມີການຂະຫຍາຍຕົວຢ່າງຕໍ່ເນື່ອງ, ສຶບຕໍ່ຕິດຕາມກວດກາ ການຈັດຕັ້ງປະຕິບັດບັນດາໂຄງການລົງທຶນຕ່າງໆໃຫ້ມີປະສິດ ທິພາບສູງ ແລະ ສຶບຕໍ່ປະຕິບັດຂົງເຂດວຽກງານວັດທະ ນະທຳ-ສັງຄົມໃຫ້ບັນລຸຕາມລະດັບຄາດໝາຍທີ່ວາງອອກ.
ຕອນທ້າຍຍັງໄດ້ຮັບຟັງການໂອ້ລົມຂອງ ສະຫາຍ ສຳລານ ສຸວັນນະໂຊດ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງ ໂດຍສະຫາຍໄດ້ເໜັ້ນໜັກໃຫ້ ຄະນະ ພັກ ອົງການປົກຄອງທຸກຂັ້ນ ຈົ່ງພ້ອມກັນຍົກສູງຄວາມຮັບຜິດຊອບຕໍ່ໜ້າທີ່ການເມືອງ ເອົາໃຈໃສ່ເປັນແບບຢ່າງໃຫ້ແກ່ສະມາຊິກພັກ ພະນັກງານ ແລະ ປະຊາຊົນບັນດາເຜົ່າ ແລະ ພ້ອມກັນເອົາໃຈໃສ່ແກ້ໄຂປະກົດການຫຍໍ້ທໍ້ທາງສັງຄົມໃຫ້ນັບມື້ນັບຫຼຸດນ້ອຍຖອຍລົງ.
Cr: ດອນ ຂຽວພະນາ
Loading...