ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນຕອນເຊົ້າວັນທີ 28 ພຶດສະພາ 2024 ນີ້, ເມືອງທຸລະຄົມ ແຂວງວຽງຈັນ ໄດ້ຈັດພິທີເປີດການສອບເສັງຈົບຊັ້ນຮຽນ ປ5 ໃນທົ່ວເມືອງຂຶ້ນພ້ອມກັນມີ 8 ສູນສອບເສັງ, ສໍາລັບພິທີເປີດການສອບເສັງຢູ່ສູນບ້ານ ບຸ່ງພ້າວ ໄດ້ຮັບກຽດເຂົ້່າຮ່ວມເປັນປະທານຂອງ ທ່ານ ນາງ ວົງເດືອນ ວັດຕະໂສ ເຈົ້າເມືອງທຸລະຄົມ, ປະທານຄະນະພັດທະນາການສຶກສາຂັ້ນເມືອງ, ມີ ທ່ານ ສົມເພັດ ລ້ວນສີພະຈັນ, ຫົວໜ້າຫ້ອງການສຶກສາທິການ ແລະ ກິລາ ເມືອງ, ພ້ອມດ້ວຍພາກສ່ວນກ່ຽວຂ້ອງ ແລະ ນ້ອງນັກຮຽນເຂົ້າຮ່ວມ.
ທ່ານ ສົມເພັດ ລ້ວນສີພະຈັນ ກ່າວວ່າ: ທົ່ວເມືອງທຸລະຄົມ ແຂວງວຽງຈັນ ມີຫ້ອງສອບເສັງ 8 ສູນ ໃນນັ້ນສູນສອບເສັງ ໂຮງຮຽນປະຖົມສົມບູນ ໄຊປັນຍາ ມີນັກສອບເສັງທັງໝົດ 176 ຄົນ, ຍິງ 90 ຄົນ ມາຈາກ 6 ໂຮງຮຽນ; ສູນສອບເສັງໂຮງຮຽນປະຖົມສົມອານຸສິນ ມີນັກສອບທັງໝົດ 100 ຄົນ, ຍິງ 74 ຄົນ ມາຈາກ 3 ໂຮງຮຽນ; ສູນສອບເສັງ ໂຮງຮຽນປະຖົມສົມບູນ ນາແພງ ມີນັກສອບເສັງທັງໝົດ 134 ຄົນ, ຍິງ 75 ຄົນ ມາຈາກ 7 ໂຮງຮຽນ; ສູນນສອບເສັງ ໂຮງຮຽນປະຖົມສົມບູນນາຫວ້າ ມີນັກສອບເສັງທັງໝົດ 123 ຄົນ, ຍິງ 57 ຄົນ ມາຈາກ 5 ໂຮງຮຽນ; ສູນສອບເສັງ ໂຮງຮຽນປະຖົມບູນວັງເຮືອ ມີນັກສອບເສັງທັງໝົດ 80 ຄົນ, ຍິງ 46 ຄົນ ມາຈາກ 2 ໂຮງ ຮຽນ; ສູນສອບເສັງ ໂຮງຮຽນປະຖົມສົມບູນຕານປ່ຽວ, ມີນັກສອບເສັງທັງໝົດ 125 ຄົນ, ຍິງ 68 ຄົນ ມາຈາກ 6 ໂຮງ ຮຽນ; ສູນສອບເສັງ ໂຮງຮຽນປະຖົມສົມບູນບຸ່ງພ້າວ, ມີນັກສອບເສັງທັງໝົດ 90 ຄົນ, ຍິງ 43 ຄົນ ມາຈາກ 5 ໂຮງ ຮຽນ; ສູນສອບເສັງ ໂຮງຮຽນປະຖົມສົມບູນໂພນແພງ ມີນັກສອບເສັງທັງໝົດ 41 ຄົນ, ຍິງ 19 ມາຈາກ 3 ໂຮງຮຽນ.
ຂ່າວ: ບ່າວທົ່ງ-ລ້ອງງື່ມ.