ວັນທີ່ 9 ມັງກອນ 2023 ນີ້ ຄະນະບໍລິຫານງານພັກເມືອງບໍ່ແຕນ ແຂວງໄຊຍະບູລີ ໄດ້ຕ້ອນຮັບທີມງານ ຄາລະວານເດີມຕາມຮອຍປະຫວັດສາດບັ້ນຮົບຕາແສງນາບໍ່ນ້ອຍ ເມືອງບໍ່ແຕນ ແຂວງໄຊຍະບູລີ. ໂດຍໃຫ້ກຽດຕ້ອນຮັບຂອງທ່ານ ສົມສະໜຸກ ໄຊອຸດົມ ວ່າການເລກຂາພັກເມືອງ ເຈົ້າເມືອງບໍ່ແຕນ, ເຊິ່ງນໍາພາທີມງານຄາລະວານໂດຍທ່ານ ໜູໄຊ ນໍກີຍາ ກໍາມະການພັກແຂວງ ກໍາມະການສູນກາງຊາວໜຸ່ມ ເລຂາຄະນະບໍລິຫານງານຊາວໜຸ່ມແຂວງ. ໂດຍມີຄະນະປະຈໍາພັກເມືອງ, ນ້ອງນ້ອຍເຍົາວະຊົນ, ຊາວໜຸ່ມທົງໝົດ 600 ກວ່າຄົນໃຫ້ການຕ້ອນຮັບ.
ຕອນເຊົ້າວັນທີ່ 10 ມັງກອນ 2023 ຄະນະທິມງານຄາລາວານຕາມຮອຍປະຫວດສາດ ບັ້ນຮົບຕາແສງນາບໍ່ນ້ອຍ ໄດ້ເຂົ້າວາງກະຕ່າດອກໄມ້ຢູ່ອານຸສອນສະຖານຮູບປັ້ນ ປະທານ ໄກສອນ ພົມວິຫານ ແລະ ວາງພວງມາລາຢູ່ທີ່ອານຸສາວະລີນັກຮົບນິລະນາມ. ຈາກນັ້ນໄດ້ລົງເຄື່ອນໄຫວທ່ຽວຊົມຈຸດປະຫວັດສາດ, ວັດທະນະທໍາ ແລະ ທໍາມະຊາດພາຍໃນເມືອງ. ການຈັດກິດຈະກໍາຄາລະວານໃນຄັ້ງນີ້ກໍ່ເພື່ອເຮັດໃຫ້ສະມາຊິກພັກ, ພະນັກງານໄດ້ຮັບຮູ້ເຂົ້າໃຈແຈ້ງກ່ຽວກັບແນວຄິດນໍາພາຊີ້ນໍາຂອງຄະນະພັກອົງການປົກຄອງແຂວງໄຊຍະບູລີພາຍຫຼັງທີ່ປົດປ່ອຍປະເທດຊາດມາ 47 ປີທີ່ສ່ອງແສງໃຫ້ເຫັນເຖິງມູນເຊື້ອປະຫວັດສາດ, ວັດທະນະທໍາ, ຮີດຄອງປະເພນີອັນດີງານຂອງຊາດ, ຂອງທ້ອງຖິ່ນ ແລະ ສ່ອງແສງເຖິງການເສຍສະຫຼະຊີວິດເລືອດເນື້ອຂອງນັກຮົບປະຕິວັດຢູ່ໃນດິນແດນສະໝໍລະພູມແຫ່ງນີ້ ຍົກໃຫ້ເຫັນເຖິງມູນເຊື້ອອັນອົງອາດກ້າຫານ, ຄວາມສາມັກຄີເປັນປຶກແຜ່ນຂອງກອງທັບ ແລະ ປະຊາຊົນລາວ, ນອກນີ້ຍັງເປັນການສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວວັນທີ່ 20 ມັງກອນຄົບຮອບ 74 ປີ.
ໂດຍບ: ສາຍຄໍາ ບຸນຍາວົງ
