ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ງານຕະຫຼາດນັດວາງສະແດງ ແລະ ຂາຍສິນຄ້າ ກະສິກຳ, ຫັດຖະກຳ, ອຸດສາຫະກຳ, ໜຶ່ງບ້ານ ໜຶ່ງຜະລິດຕະພັນ ຄັ້ງທີ XIII ປະຈຳປີ 2024 ຂອງ ເມືອງປາກງື່ມ ຈັດຂື້ນຢ່າງເປັນທາງການລະຫວ່າງ ວັນທີ 7-9 ກຸມພາ 2024 ທີ່ເດີ່ນໂຮງ ຮຽນປະຖົມບ້ານພ້າວ ເມືອງປາກງື່ມ ນະຄອນຫຼວງວຽງຈັນ ໂດຍມີທ່ານ ຄໍາຫມູນ ຕຽງທະລາດ, ເຈົ້າເມືອງປາກງື່ມ ພົນຈັດຕະວາ ບົວພັນ ຟອງມະນີ, ຫົວໜ້າກອງບັນຊາການປ້ອງກັນຄວາມ ສະຫງົບນະ ຄອນຫລວງວຽງຈັນ, ຊາວ ຄ້າຂາຍ ແລະຄອບຄົວຕົວແປບ້ານການຜະລິດພາຍໃນເມືອງເຂົ້າຮ່ວມ.
ທ່ານ ຄໍາຫມູນ ຕຽງທະລາດ ໃຫ້ສໍາພາດວ່າ: ຈຸດປະສົງການຈັດງານໃນຄັ້ງນີ້ເພື່ອກະຕຸກຊຸກຍູ້ຫົວໜ່ວຍທຸລະກິດ, ການຜະລິດເປັນສິນຄ້າຢູ່ພາຍໃນໃຫ້ມີການເຕີບໃຫຍ່ຂະຫຍາຍຕົວ, ເຂັ້ມແຂງ ແລະ ຢືນຍົງ, ຕາມນະໂຍບາຍໜຶ່ງ ບ້ານໃຫ້ມີໜຶ່ງຜະລິດຕະພັນ ແລະ ໜຶ່ງເມືອງບໍ່ໃຫ້ຫຼຸດ 5 ຜະລິດຕະພັນ; ທັງເປັນການເປີດໂອກາດ ແລະ ສົ່ງເສີມ ໃຫ້ຜູ້ຜະລິດ, ຜູ້ປະກອບການ ແລະ ຄອບຄົວຕົວແບບດ້ານຕ່າງໆນໍາເອົາຜະລິດຕະພັນ ແລະ ສິນຄ້າຂອງຕົນເອງ ມາວາງໂຄສະນາ ແລະ ຈຳໜ່າຍ, ເຮັດໃຫ້ສັງຄົມໄດ້ຮູ້, ໄດ້ເຫັນ ແລະ ມີຄວາມສົນໃຈຕໍ່ສິນຄ້າ, ເຮັດໃຫ້ຜູ້ຜະລິດ ແລະ ຜູ້ຊົມໃຊ້ສາມາດເຂົ້າ ເຖິງກັນ ແລະ ຫັນມາຊົມໃຊ້ຜະລິດຕະພັນຢູ່ພາຍໃນໃຫ້ຫຼາຍຂຶ້ນ; ອີກດ້ານໜື່ງເພື່ອເປັນການ ໂຄສະນາ ແລະ ດຶງດູດເອົານັກທ່ອງທ່ຽວຢູ່ພາຍໃນ ແລະ ຕ່າງປະເທດ ຮູ້ຈັກສະຖານທີ່ທ່ອງທ່ຽວ ແລະ ສິນຄ້າຂອງ ເມືອງປາກງື່ມໃຫ້ຫຼາຍຂຶ້ນ ແນໃສ່ກະຕຸ້ນເສດຖະກິດຂອງປະຊາຊົນໃຫ້ນັບມື້ດີຂຶ້ນ.
ໃນງານຄັ້ງນີ້ມີຫົວໜ່ວຍຜະລິດສິນຄ້າຫັດຖະກຳ,ອຸດສະຫະກຳປຸງແຕ່ງ,ກະສິກໍາ ແລະການ ບໍລິການຕ່າງໆເຂົ້າຮ່ວມຫລາຍກວ່າ 60 ຮ້ານ ຄາດຄະເນມູນຄ່າຫລາຍກວ່າ 1ຕື້ກີບ ໃນນີ້ ມີສິນຄ້າໜຶ່ງເມືອງໜຶ່ງຜະລິດຕະພັນພາຍໃນເມືອງ, ຈາກຕ່າງແຂວງ ແລະສິນຄ້າຈາກຄອບ ຄົວຕົວແບບດ້ານການຜະລິດ, ສິນຄ້າທົ່ວໄປ ແລະອື່ນໆ.
May be an image of 2 people, knife and text
May be an image of 1 person, shiitake mushrooms and puffball mushroom
May be an image of 9 people, shiitake mushrooms, puffball mushroom and mushroom
May be an image of 5 people and text