ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ເມືອງປາກທາ ສະເຫຼີມສະຫຼອງວັນແພດລາວ ແລະ ວັນຕ້ານໄຂ້ຍຸງລາຍອາຊຽນ

ພິທີສະເຫຼີມຫຼອງວັນແພດລາວຄົບຮອບ 54 ປີ ວັນທີ 18 ມິຖຸນາ ປີ 1965 – ວັນທີ 18 ມິຖຸນາ ປີ 2019 ແລະ ວັນຕ້ານໄຂ້ຍຸງລາຍອາຊຽນ ຄົບຮອບ 8 ປີ ໄດ້ຈັດຂຶ້ນ ວັນທີ 13 ມິຖຸນາ 2019ນີ້ ທີ່ສະໂມສອນຂອງເມືອງ ໂດຍໃຫ້ກຽດເຂົ້າຮວມຂອງທ່ານ ສາລີ ວັນນະສານ ຮອງເຈົ້າເມືອງປາກທາ ມີຫົວໜ້າ-ຮອງຫົວໜ້າຫ້ອງການ ພະນັກງານແພດໝໍ, ພະນັກງານຫຼັກແຫຼງອ້ອມຂ້າງເມືອງຕະຫຼອດຮອດນ້ອງນັກຮຽນເຂົ້າຮວມ.

        ດຣ ສີວິໄຊ ແສງຄະກຸນ ຫົວໜ້າຫ້ອງການສາທາລະນະສຸກ ເມືອງປາກທາ ກ່າວວ່າ: ວັນແພດລາວ ແມ່ນວັນສ້າງຕັ້ງຂຶ້ນເພື່ອໃຫ້ທົ່ວປວງຊົນລາວທັງຊາດ, ຄົນເຈັບ, ຄອບຄົວ ແລະ ຍາດຕິພີ່ນ້ອງຂອງຄົນເຈັບໄດ້ສະແດງຄວາມຮູ້ບຸນຄຸນ ກະຕັນຍູຕໍ່ແພດທີ່ໄດ້ທຳການບົ່ງມະຕິ, ປິ່ນປົວ, ບົວລະບັດຮັກສາບໍລິການດ້ານອື່ນໆ ເປັນວັນສ້າງຂະບວນການກິດຈະກຳຕ່າງໆເພື່ອລະນຶກຜົນງານ ແລະ ສັນລະເສີນຄຸນງາມຄວາມດີຂອງແພດລາວໃນສະໄໝຕໍ່ສູ້ກູ້ຊາດກໍ່ຄື່ສະໄໝປົກປັກຮັກສາ ສ້າງສາພັດທະນາປະເທດຊາດ ເພື່ອປຸກລະດດົມມ່ວນຊົນໃຫ້ເຫັນຄວາມສຳຄັນເຂົ້າໃຈ ແລະ ເປັນເຈົ້າການສົ່ງເສີມຮັກສາສຸຂະພາບຂອງຕົນ,ຊຸມຊົນ ແລະ ສັງຄົມ, ພ້ອມນີ້ທ່ານຍັງໃຫ້ຮູ້ຕື່ມວ່າ: ປີ 2010 ກອງປະຊຸມສາທາລະນະສຸກອາຊຽນ ທີ່ປະເທດສິງກະໂປ ໄດ້ເປັນເອກະພາບກັນເລືອກເອົາ ວັນທີ 15 ມິຖຸນາ 2011 ເປັນວັນຕ້ານໄຂ້ຍຸງລາຍອາຊຽນ ເຊິ່ງການສະກັດກັ້ນບໍ່ໃຫ້ມີພະຍາດໄຂ້ຍຸງລາຍແມ່ນໜ້າທີ່ຂອງໝົດທຸກຄົນ ພ້ອມກັນຮ່ວມມືປະກອບສ່ວນທາງດ້ານເຫື່ອແຮງສະຕິປັນຍາ ແລະ ກຳລັງຊັບໃນການປະຕິບັດ 5 ປໍ ປາບໄຂ້ເລືອດອອກ.

        ທ່ານ ສົມສະຫວັດ ທັດສະພອນ ຮອງຫົວໜ້າຫ້ອງການສາທາລະນະສຸກ ເມືອງປາກທາ ຍັງໄດ້ກ່າວຕື່ມວ່າ: ຈຸດປະສົງໃນຄັ້ງນີ້ ກໍ່ເພື່ອເຮັັດໃຫ້ຜົົນລະເມືອງລາວບັນດາເຜົ່າທຸກຊັ້ນຄົນພະນັກງານແພດໝໍເຫັນໄດ້ຄວາມເຕີບໃຫ່ຍຂະຫຍາຍຕົວຢ່າງບໍ່ຢຸດຢັ້ງຂອງວຽກງານສາທາລະນະສຸກ, ຖັນແຖວແພດໝໍລາວໄນແຕ່ລະໄລຍະ ເພື່ອເຊີດຊູກຽດສັກສີ ແລະ ຖານະບົດບາດຂອງແພດໝໍລາວໃນສັງຄົມ ຄຸນງາມຄວາມດີຂອງແພດໝໍ ຕໍ່ປະເທດຊາດ ພ້ອມທັງກຳຈັດໜອນນ້ຳ, ທຳລາຍແຫຼ່ງເພາະພັນຍຸງລາຍໃນແຕ່ລະບ້ານແຕ່ລະຄົວເຮືອນ.

ພາບ-ຂ່າວ: ພອນສະຫວັນ ມະນີສີ.