ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ເມືອງປາກທາ ສະເຫຼີມສະຫຼອງວັນປຸກຕົ້ນໄມ້ແຫ່ງຊາດ 1 ມິຖຸນາ 2020

ຕອນເຊົ້າວັນທີ 1 ມິຖຸນາ 2020 ນີ້ຢູ່ທີ່ເດີ່ນຮົ່ມສະໂມສອນຂອງເມືອງ ໄດ້ຈັດພິທີປູກຕົ້ນໄມ້ແຫ່ງຂຶ້ນຢ່າງເປັນຂະບວນ ໂດຍການເຂົ້າຮ່ວມຂອງທ່ານ ສຸໄລ ດວງຜາຄຳ ກຳມະການພັກແຂວງ ເລຂາພັກເມືອງ ເຈົ້າເມືອງໆປາກທາ, ມີຄະນະປະຈຳພັກ,​ ກໍາມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ຄະນະພັກຮາກຖານ, ອໍານາດການປົກຄອງບ້ານ, ທະຫານຕຳຫຼວດ ຕະຫຼອດຮອດພະນັກງານຫ້ອງການກະສິກໍາ ແລະ ປ່າໄມ້ເຂົ້າຮ່ວມ.

ທ່ານ ສຸໄລ ດວງຜາຄຳ ເຈົ້າເມືອງໆປາກທາໃຫ້ຮູ້ວ່າ: ຄຳວ່າປ່າໄມ້ ແມ່ນຊັບພະຍາກອນທຳມະຊາດອັນລ້ຳຄ່າ ແລະ ມີຄວາມໝາຍຄວາມສຳຄັນຕໍ່ກັບມະນຸດເຮົາ ເວົ້າລວມແລ້ວ ແມ່ນເຮັດໃຫ້ທຳມະຊາດມີຄວາມສົມດູນເຮັດໃຫ້ສະພາບດິນຟ້າອາກາດຖືກຕ້ອງຕາມລະດູການ ສະນັ້ນ ພັກ-ລັດຖະບານ ຈຶ່ງໄດ້ກຳນົດເອົາວັນທີ 1 ເດືອນ ມິຖຸນາຂອງທຸກໆປີເປັນວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ ເພື່ອປຸກຈິດສຳນຶກ ແລະ ສ້າງສະຕິແນວຄວາມຄິດທີ່ດີ, ທີ່ສ້າງສັນໃຫ້ແກ່ພໍ່ແມ່ປະຊາຊົນບັນດາເຜົ່າ ໂດຍສະເພາະແມ່ນອານຸຊົນ ເພື່ອໃຫ້ເຂົາເຈົ້າມີຄວາມເຂົ້າໃຈກ່ຽວກັບຄວາມໝາຍຄວາມສຳຄັນ ແລະ ຄຸນປະໂຫຍດຂອງປ່າໄມ້ ທັງນີ້ກໍເພື່ອເປັນການກະຕຸກຊຸກຍູ້ພາກລັດ, ພາກເອກະຊົນ ພໍ່ແມ່ປະຊາຊົນບັນດາເຜົ່າ ແລະ ບັນດາໂຄງການຊ່ວຍເຫຼືອຈາກສາກົນ ໃຫ້ສຸມໃສ່ໃນການຟື້ນຟູປ່າໄມ້ໃນຂອບເຂດປ່າເຊື່ອມໂຊມ, ປອກໂລ້ນ ແລະ ມີມາດຕະການປົກປັກຮັກສາປ່າໄມ້ໃຫ້ມີຄວາມອຸດົມສົມບູນທາງທຳມະຊາດ ແລະ ມີຄວາມຍືນຍົງຕະຫຼອດໄປ ພ້ອມນັ້ນກໍ່ໄດ້ປູກຕົ້ນໄມ້ຕາມຂອບເຂດຮັບຜິດຊອບ ແລະ ຂອບເຂດປ່າອະນຸລັກຫົວງານນ້ຳປະປາຢ່າງເປັນຂະບວນ,​ ໃນວັນດຽວກັນນີ້ຢູ່ທີ່ຄ້າຍຄຸມຂັງດັດສ້າງ ບ້ານຫ້ວຍທອງ ເມືອງປາກທາກໍ່ໄດ້ມີຂະບວນການປູກຕົ້ນໄມ້ ເຊິ່ງນຳໂດຍທ່ານ  ພັທ ບຸນສີ  ທອງສະໄຫວ ກຳມະການພັກເມືອງ ຫົວໜ້າກອງບັນຊາການ ປກສ ເມືອງ ພ້ອມຄະນະໄດ້ນຳພາອ້າຍນ້ອງປູກຕົ້ນ ສຳລັບຕົ້ນໄມ້ທີ່ນຳມາປູກໃນຄັ້ງນີ້ມີໄມ້ຄ່າ, ໄມ້ຝາງແດງ ແລະ ໄມ້ໃຫ້ໝາກຈຳນວນໜຶ່ງ.

ຂ່າວ: ວັນນະເດດ ວິໄລຄຸນ