ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ເມືອງປາກທາ ແຂວງບໍ່ແກ້ວ ໄຂກອງປະຊຸມໃຫຍ່ຜູ້ແທນອົງຄະນະພັກເມືອງ ຄັ້ງທີ VII

ກອງປະຊຸມໃຫຍ່ຜູ້ແທນອົງຄະນະພັກເມືອງປາກທາ ຄັ້ງທີ VII ໄດ້ໄຂຂຶ້ນໃນວັນທີ 13 ມັງກອນນີ້ ທີ່ສະໂມສອນຂອງເມືອງພາຍໃຕ້ຄຳຂວັນ ສືບຕໍ່ພັດທະນາເມືອງປາກທາໃຫ້ໜັກແໜ້ນທາງດ້ານການເມືອງ ເຂັ້ມແຂງດ້ານປ້ອງກັນຊາດ-ປ້ອງກັນຄວາມສະຫງົບ ຕິດພັນການຜະລິດກະສິກຳທີ່ດີ. ໂດຍການເປັນປະທານ ຂອງສະຫາຍ ສຸໄລ ດວງຜາຄຳ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງປາກທາ, ເປັນກຽດເຂົ້າຮ່ວມມີ ສະຫາຍ ປອ ບົວຄົງ ນາມມະວົງ ກຳມະການສຳຮອງສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງບໍ່ແກ້ວ, ມີບັນດາຄະນະປະຈຳພັກແຂວງ, ກຳມະການພັກແຂວງ ຄະນະປະຈຳພັກເມືອງ, ກຳມະການພັກເມືອງ, ແຂກເຊີນຂັ້ນແຂວງ, 4 ເມືຶອງພາຍໃນແຂວງ, ເມືອງຄອບ ແຂວງໄຊຍະບູລີ  ແລະ ຜູ້ແທນສົມບູນ 103 ສະຫາຍ, ຍິງ 14 ສະຫາຍທີ່ເປັນຕົວແທນໃຫ້ແກ່ສະມາຊິກພັກທັງໝົດ 794 ສະຫາຍ, ຍິງ 223 ສະຫາຍ.

ກອງປະຊຸມສະຫາຍ ສາລີ ວັນນະສານ ຮອງເລຂາພັກເມືອງ ຮອງເຈົ້າເມືອງປາກທາ ໄດ້ລາຍງານສະ ພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ 2014-2019 ແລະ ທິດທາງແຜນການ 5 ປີ ຄັ້ງທີ VII 2020-2024. ທົ່ວເມືອງມີ 8 ຄະນະພັກຮາກຖານ, ມີ 55 ໜ່ວຍພັກ, ມີສະມາຊິກພັກທັງໝົດ 794 ສະຫາຍ, ຍິງ 223 ສະຫາຍ, ຕະຫຼອດໄລຍະຜ່ານມາໄດ້ຖືເອົາວຽກງານການເມືອງແນວຄິດເປັນບັນຫາສຳຄັນ ຕິດພັນກັບວຽກງານປ້ອງກັນຊາດ-ປ້ອງກັນຄວາມສະຫງົບ ຄ່ຽງຄູ່ກັບ ແຜນພັດທະນາເສດ ຖະກິດ-ສັງຄົມ, ເຮັດໃຫ້ເມືອງມີສະຖຽນທາງດ້ານການເມືອງທີ່ ເຂັ້ມແຂງ-ໜັກແໜ້ນ, ສັງຄົມມີຄວາມສະ ຫງົບປອດໄພ. ການພັດທະນາເສດຖະກິດ ຕິດພັນກັບ ການແກ້ໄຂຄວາມທຸກຍາກໄດ້ຊຸກຍູ້ສົ່ງເສີມການປູກ,ການລ້ຽງ ແລະ ຜະລິດເປັນສິນຄ້າເປັນຕົ້ນແມ່ນ: ການຜະລິດແບບຄອບຄົວ, ເປັນກຸ່ມ, ເຮັດໃຫ້ຊີວິດການເປັນຢູ່ຂອງປະຊົນຊົນດີຂຶ້ນ, ການເຕີບໂຕທາງດ້ານເສດຖະກິດ ລວມຍອດຜະລິດຕະພັນພາຍໃນ GDP ບັນລຸໄດ້ 210,25 ຕື້ກີບ ການເຕີບໂຕຂອງເສດຖະກິດສະເລ່ຍ 6,7%, ສະເລ່ຍລາຍຮັບໃສ່ຫົວຄົນຜູ້ໜຶ່ງໄດ້ 1.159 ໂດລາຕໍ່ຄົນຕໍ່ປີ. ດ້ານການຄ້ຳສະບຽງອາຫານສາມາດຜະລິດເຂົ້າໄດ້ 46.200 ໂຕນ, ສະເລ່ຍປີໜຶ່ງໄດ້ເຂົ້າເປືອກ 9.240 ໂຕນ. ສະເລ່ຍເຂົ້າເປືອກຜູ້ໜຶ່ງໄດ້ 435 ກິໂລກຼາມ/ຄົນ/ ປີ, ມີເຂົ້າເຫຼືອກິນ ແລະ ແຮ່ໄວ້ຂາຍຈຳນວນໜຶ່ງ. ດ້ານວຽກງານອຸດສາຫະກຳ-ການຄ້າໄດ້ຄຸ້ມຄອງ ແລະ ສົ່ງເສີມດ້ານການປຸງແຕ່ງໃນທົ່ວເມືອງມີ 181 ແຫ່ງໃນນັ້ນ ໂຮງງານຂະໜາດກາງ 4 ແຫ່ງ, ຂະໜາດນ້ອຍ 28 ແຫ່ງ, ຫັດຖະກຳແບບຄອບຄົວ 149 ແຫ່ງ, ມູນຄ່າການຜະລິດອຸດສາຫະກຳ-ຫັດຖະກຳໄດ້ 1,21 ຕື້ກີບ. ປະຈຸບັນມີຈໍານວນ 34 ບ້ານໃນທົ່ວເມືອງໄດ້ຊົມໃຊ້ໄຟຟ້າແລ້ວ 100%, ວຽກງານວັດທະນະທຳ-ສັງຄົມໄດ້ປະກາດເປັນເມືອງຈົບຊັ້ນໂຮງຮຽນປະຖົມ ແລະ ມັດທະນຍົມຕອນຕົ້ນ, ປະກາດບ້ານສາທາແບບຢ່າງໄດ້ 29 ບ້ານ, ທົ່ວເມືອງມີໂຮງໝໍ 1 ແຫ່ງ,ສຸກສາລາ 6 ແຫ່ງ ມີຖົງຢາປະຈຳບ້ານ 16 ຖົງ, ໄດ້ປະກາດບ້ານວັດທະນະທຳ 16 ບ້ານ, ມີຄອບຄົວວັດທະນະທຳ 2.258 ຄອບຄົວ ແລະ ວຽກງານອື່ນໆໄດ້ຮັບຜົນສຳເລັດ. ພ້ອມທັງໄດ້ວາງຄາດໝາຍສູ້ຊົນແຜນພັດທະນາເສດຖະກິດ-ສັງຄົມ 5 ປີຄັ້ງທີ VII 2020-2024 ດ້ານເສດຖະກິດມະຫາພາກລວມຍອດຜະລິດ ຕະພັນພາຍໃນ GDP ໃຫ້ບັນລຸໄດ້ 297,49 ຕື້ກີບ ເຮັດໃຫ້ເສດຖະກິດຂະຫຍາຍ ຕົວໃນລະດັບ 7,8% .

ກອງປະຊຸມໃນຄັ້ງນີ້ ຍັງຈະໄດ້ຮັບຟັງລາຍງານການຈັດຕັ້ງປະຕິບັດວຽກງານແຕ່ລະຂົງເຂດ ພ້ອມປ່ອນປັດ ເລືອກຕັ້ງເອົາຄະນະບໍລິຫານງານພັກເມືອງ ປາກທາ ຊຸດທີ 7 ແລະຈະດຳເນີນໄປເປັນເວລາ 2 ວັນຈື່ງສຳເລັດ.

ຂ່າວຈາກ: ບຸນຈັນ ມະນີໄຊ ວັນທີ