ພິທີທໍາລາຍສິນຄ້າໝົດອາຍຸ ເຊື່ອຄຸນນະ ພາບ ແລະ ອາຫານສົດທີ່ມີສານປົນເປື້ອນໃນອາຫານ ໄດ້ຈັດຂື້ນໃນຕອນບ່າຍຂອງວັນທີ 30 ມີນາ 2023, ທີ່ສະໜາມຖີ້ມຂີ້ເຫື້ຍອບ້ານ ນໍ້າຊົ້ງ ເມືອງປາກລາຍ ແຂວງໄຊຍະບູລີ ໂດຍການໃຫ້ກຽດເຂົ້າຮວ່ມຂອງທ່ານ ບຸນພະລັງ ວິໄລສັກ ຮອງເຈົ້າເມືອງໆປາກລາຍ ມີຫົວໜ້າຮອງຫົວໜ້າຫ້ອງ ການ ພະນັກງານວິຊາການຈາກຂະແໜງການທີ່ກຽ່ວຂ້ອງຂອງເມືອງເຂົ້າຮວ່ມ.
ສິນຄ້າທີ່ນໍາມາທໍາລາຍຖິ້ມໃນຄັ້ງນີ້ແມ່ນໄດ້ມາຈາກການລົງກວດກາຕົວຈິງຂອງເຈົ້າໜ້າທີ່ກຽ່ວຂ້ອງໃນທ້າຍເດືອນກຸມພາ 2023 ຜ່ານມາ ໃນ 13 ບ້ານເທດສະບານເມືອງ ໄດ້ລົງກວດກາຮ້ານຄ້າທັງໝົດ 89 ຮ້ານ ແລະ ໄດ້ກວດພົບສິນຄ້າໝົດອາຍຸ 17 ຮ້ານ,ຈໍານວນ 75 ລາຍການ ມູນຄ່າ9ລ້ານກົ່ວກີບ ການລົງກວດກາສິນຄ້າຕົວຈິງໃນຄັງນີ້ ໄດ້ກວດພົບສານປົນເປຶ້ອນໃນອາຫານ ໂດຍສະເພາະສານ: Formalin ແລະ Brorax ໃນອາຫານປະເພດສົດ,ອາຫານແຊ່ແຂງ 2ລາຍການ: ຍໍ່ຂ່າວ ແລະ ປາມຶກແຫ້ງຈໍານວນ 5 ກິໂລ, ອາຫານແຊ່ແຂງມີ9ລາຍການປະກອບມີ: ປອດໝູ,ເຄື່ອງໃນໄກ່,ປີກໄກ່,ນ່ອງໄກ່,ຂາໄກ່,ຊີກໂຄງໄກ່,ຮ໋ອດ ດ໋ອດແດງ, ຮ໋ອດດ໋ອກຊີດ, ເບຼຄ່ອນ ຈໍານວນ 49 ໂລ, ອາຫານເສີມ 4 ລາຍການ,ເຄື່ອງສໍາອາງ 13 ລາຍການ,ເຄື່ອງປຸງ 14 ລາຍການ, ໝີ່,ເຂົ້າໜົມ 16 ລາຍການ,ຊາ,ນົມ,ກາເຟ, ແລະ ນໍ້າອັດລົມ 17 ລາຍການ ຕໍ່ກັບບັນດາຫ້າງຮ້ານທີ່ຂາຍສິນຄ້າໝົດອາຍຸ ເຊື່ອຄຸນນະພາບ ແລະ ອາຫານສົດທີ່ມີສານປົນເປື້ອນໃນອາຫານທາງເຈົ້າໜ້າທີ່ແມ່ນໄດ້ສຶກສາອົບຮົມກ່າວເຕືອນ,ເຮັດບົດບັນທຶກ ແລະ ປັບໃໝຕາມລະບຽບການ.
ຕໍ່ກັບສະພາບການດັ່ງກ່າວທ່ານ ບຸນພະລັງ ວິໄລສັກ ຮອງເຈົ້າເມືອງໆປາກລາຍ ກໍໄດ້ຮຽກຮ້ອງມາຍັງຜູ້ປະກອບການ ຫ້າງຮ້ານຕ່າງຕ່າງໃນທົ່ວເມືອງ ຕ້ອງໄດ້ຕິດຕາມກວດກາສິນຄ້າຂອງຕົນຢ່າງເປັນປະຈໍາກ່ອນຈະມາວາງຈໍາໜ່າຍ ເມື່ອໝົດອາຍຸເຊື່ອມຄຸນແລ້ວຕ້ອງໄດ້ທໍາລາຍຖິ້ມ ຕໍ່ກັບຜູ້ບໍລິໂພກ ກອ່ນຈະຊື້ສິນຄ້າປະເພດຕ່າງໆ ຕ້ອງມີສະຕິລະວັງຕົວ ເບິ່ງວັນເດືອນປີໝົດອາຍຸຂອງສິນຄ້າດັ່ງກ່າວກ່ອນ ຈຶ່ງຊື້ມາບໍລິໂພກ ເພຶ່ອໃຫ້ໄດ້ສິນຄ້າທີ່ດີ ມີຄຸນນະພາບ ແລະ ມີຜົນປະໂຫຍດຕໍ່ສຸຂະພາບຂອງທ່ານເອງເມື່ອນໍາໄປບໍລິໂພກ.
ຂ່າວ: ກ່າ ຄຸດທະວັງສັກ
Loading...