ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ເມືອງປາກລາຍ ແຂວງໄຊຍະບູລີ ຈັດພິທີສະເຫຼີມສະຫຼອງ ວັນປູກຕົ້ນໄມ້ແຫ່ງຊາດ

ເມືອງປາກລາຍ ແຂວງໄຊຍະບູລີ ຈັດພິທີສະເຫຼີມສະຫຼອງ ວັນປູກຕົ້ນໄມ້ແຫ່ງຊາດວັນທີ່ 1 ມິຖຸນາ ຄົບຮອບ 40 ປີ, ວັນເດັກນ້ອຍສາກົນ ຄົບຮອບ 96 ປີ, ວັນສິ່ງແວດລ້ອມໂລກ ວັນທີ່ 5 ມິຖຸນາ ຄົບຮອບ 40 ປີ ແລະ ວັນສິ່ງແວດລ້ອມແຫ່ງຊາດ ຄົບຮອບ 8 ປີ ແລະ ວັນຕ້ານການໃຊ້ແຮງງານເດັກ 12 ມິຖຸນາ ຄົບຮອບ 18 ປີ ຈັກຂຶ້ນໃນວັນທີ 29 ພຶດສະພາ 2020 ນີ້ທີ່ໂຮງຮຽນປະຖົມບ້ານໄຊຍະມຸງຄຸນ ໂດຍການໃຫ້ກຽດເຂົ້າຮວ່ມຂອງທ່ານ ສົມຈິດ ຈັນທະວົງ ກໍາມະການພັກແຂວງເລຂາພັກເມືອງເຈົ້າເມືອງໆປາກລາຍ, ມີບັນດາຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ, ພະນັກງານ, ທະຫານ, ຕໍາຫຼວດ, ຄູ-ອາຈານນ້ອງນ້ອຍນັກຮຽນ ພໍ່ແມ່ປະຊາຊົນພາຍໃນບ້ານເທດສະບານເຂົ້າຮ່ວມ. ໃນພິທີທ່ານ ສົມຈິດ ຈັນທະວົງ ເຈົ້າເມືອງໆປາກລາຍກໍ່ໄດ້ຍົກໃຫ້ເຫັນເຖິງຄວາມໝາຍ, ຄວາມສໍາຄັນຂອງວັນດັ່ງກ່າວ ເພື່ອເປັນການຫວນຄືນ ແລະ ປູກຈິດສໍານຶກໃຫ້ແກ່ພະນັກງານລັດຖະກອນ, ຫົວໜວ່ຍທຸລະກິດ-ຄ້າຂາຍ, ນ້ອງນ້ອຍນັກຮຽນ ແລະ ພໍ່ແມ່ປະຊາຊົນພາຍໃນເມືອງໄດ້ຮັບຮູ້ ແລະ ເຂົ້້າໃຈຢ່າງກວ້າງຂວາງ ແລະ ອີກດ້ານໜຶ່ງກໍ່ເພື່ອບັນລຸແຜນຍຸດທະສາດຂອງລັດຖະບານເຮົາຮອດ ປີ 2020 ໃຫ້ມີເນື້ອທີ່ປ່າໄມ້ປົກຫຸ້ມກວມເອົາ 70% ໃນທົ່ວປະເທດ ແລະ ໃຫ້ບັນລຸຕາມແຜນການແບ່ງປັນຂອງພະແນກກະສິກໍາ ແລະ ປ່າໄມ້ແຂວງ ເພື່ອສ້າງແຜນຄຸ້ມຄອງສິງແວດລ້ອມໃຫ້ເປັນລະບົບຕໍ່ເນື່ອງ ແລະ ມີປະສິດທິຜົນ ເພື່ອສ້າງໃຫ້ເມືອງປາກລາຍເປັນເມືອງສີຂຽວ, ອາກາດສົດຊື່ນຕາມຄໍາຂວັນທີ່ວ່າ: ສ້າງໃຫ້ເມືອງປາກລາຍໃຫ້ເປັນເມືອງຜະລິດກະສິກໍາ, ຕິດພັນກັບການປຸງແຕ່ງ, ການບໍລິການທາງຜ່ານ ແລະ ການທ່ອງທຽ່ວທີ່ເປັນມິດກັບສິ່ງແວດລ້ອມ ສະເພາະປີນີ້ທົ່ວເມືອງມີແຜນປູກໄມ້ທັງໝົດ 30ພັນຕົ້ນ ໃນເນື້ອທີ່ 30 ເຮັກຕາ ໃນນັ້ນມີໄມ້ປະດັບ ແລະ ໄມ້ກິນໝາກ 250 ຕົ້ນ ແລະ ໄມ້ອຸດສາຫະກໍາ 29ພັນກວ່າຕົ້ນ ຈາກນັ້ນບັນດາຜູ້ເຂົ້າຮວ່ມພ້ອມດວ້ຍນ້ອງນ້ອຍນັກຮຽນ ກໍ່ໄດ້ພ້ອມກັນປູກຕົ້ນໄມ້ປະດັບ ແລະ ໄມ້ກິນໜາກໃສ່ເດີ່ນໂຮງຮຽນດັ່ງກ່າວ ແລະ ປູກໄມ້ອຸດສາຫະກໍາໃສເນື້ອທີ່ເປົ່າຫວ່າງຂອງບ້ານໄຊຍະມຸງຄຸນ ແລະ ແຈກຂອງຂວັນໃຫ້ແກ່ເດັກເນື່ອງໃນໂອກາດວັນດັ່ງກ່າວຢ່າງເປັນຂະບວນການຟົດຟື້ນ.