ພິທີປະກາດຮັບຮອງ 6 ບ້ານປະກອບມີ: ບ້ານດອນແດງ, ບ້ານໂນນແສນພັນ, ບ້ານວັງຕາແຫຼວ, ດອຂັ່ງ, ບ້ານໜອງຂີ້ຕົມ ແລະບ້ານໜອງອ່ຽນ ເປັນສາທາລະນະສຸກແບບຢ່າງລໍາດັບທີ 61-66 ຂອງເມືອງລະຄອນເພັງ ແລະປະກາດຮັບຮອງ 8 ບ້ານປະກອບມີ: ບ້ານນາພະບາງນ້ອຍ, ນາທຶນໃຕ້, ບ້ານດອນແດງ, ບ້ານໂນນແສນພັນ, ບ້ານວັງຕາແຫຼວ, ດອນຂັ່ງ, ບ້ານໜອງຂີ້ຕົມ ແລະບ້ານໜອງອ່ຽນ ເປັນບ້ານຊຸມຊົນເປັນເຈົ້າການດ້ານສຸຂະອານາໄມລໍາດັບທີ 59-66 ຂອງເມືອງລະຄອນເພັງ ໄດ້ຈັດຂຶ້ນຢ່າງເປັນ ແລະສົມກຽດ ໃນວັນທີ 17 ສິງຫາ 2022 ນີ້ ທີ່ວັດບ້ານນາພະບາງນ້ອຍ ໂດຍການເປັນປະທານຮ່ວມຂອງທ່ານ ທອງດີ ຈັນທະວົງ ເຈົ້າເມືອງລະຄອນເພັງ, ທ່ານ ດຣ ຄໍາຄ້າຍ ຄໍາສິງສະຫວັດ ຮອງຫົວໜ້າພະແນກ ສາທາລະນະສຸກແຂວງສາລະວັນ ແລະທ່ານ ພູວຽງ ຜິ່ນຄໍາຜິວ ຫົວໜ້າຫ້ອງການສາທາລະ ນະສຸກເມືອງລະຄອນເພັງ ມີທ່ານໄຊຊະນະ ສີສະຫວັດ ຮອງເຈົ້າເມືອງຜູ້ຊີ້ນໍາວຽກວັດທະນະທໍາ-ສັງຄົມ, ການຈັດຕັ້ງບ້ານກ່ຽວຂ້ອງ, ມົນຊົນບ້ານນາພະບາງນ້ອຍ, ແຂກຖືກເຊີນ ແລະພາກສ່ວນກ່ຽວຂ້ອງເຂົ້າຮ່ວມ.
ໃນພິທີນອກຈາກໄດ້ຮັບຟັງ ບົດສະຫຼຸບ ການເກັບກໍາຂໍ້ມູນສາທາລະນະສຸກຂອງບ້ານ, ການຊຸກຍູ້ປຸກລະດົມ, ບາດກ້າວ, ຂັ້ນຕ້ອນ ແລະການກະກຽມປະກາດຂອງຫ້ອງການສາທາລະນະສຸກເມືອງ, ຮັບຟັງບົດສະຫຼຸບຂອງບ້ານ, ຮັບຟັງຂໍ້ຕົກລົງວ່າດ້ວຍການຮັບຮອງເອົາບ້ານສາທາ ລະນະສຸກແບບຢ່າງສາທາລະນະສຸກ, ຂໍ້ຕົກລົງວ່າດ້ວຍການຮັບຮອງເອົາບ້ານຊຸມຊົນເປັນເຈົ້າການດ້ານສຸຂະອາ ນາໄມ, ມອບໃບຢັ້ງຢືນແລ້ວ ທ່ານເຈົ້າເມືອງລະຄອນເພັງ ແລະທ່ານຮອງຫົວໜ້າແນກສາທາລະນະສຸກແຂວງສາລະວັນ ຍັງໄດ້ໃຫ້ກຽດຕັດແຖບຜ້າເບີດປ້າຍ,ລັ່ນຄ້ອງເກົ້າບາດເພື່ອເປັນສິລິມຸງຄຸນ ແລະຍ່າງສໍາຫຼວດເບິ່ງຄວາມສະອາດຂອງບ້ານຕື່ມອີກ.
Cr: ສື່ມວນຊົນລະຄອນເພັງ
Loading...