ວັນທີ 7 ມັງກອນ 2021 ທີ່ຫ້ອງປະຊຸມຂອງຫ້ອງວ່າການເມືອງລະຄອນເພັງ ແຂວງສາລະວັນ ໄດ້ຈັດກອງປະ ຊຸມກ່ຽວກັບການປ້ອງກັນພະຍາດໂຄວິດ-19 ພາຍໃຕ້ປະທານຂອງ ທ່ານ ສົມໃຈ ອຸ່ນຈິດ ຮອງເຈົ້າແຂວງສາລະວັນ, ຜູ້ຊີ້ນໍາຂົງເຂດວັດທະນະທໍາສັງຄົມ, ທັງເປັນປະທານຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ແຂວງ.
ໃນກອງປະຊຸມ ທ່ານ ທອງດີ ຈັນທະວົງ ເຈົ້າເມືອງລະ ຄອນເພັງ ໄດ້ລາຍງານໃນການຈັດຕັ້ງປະຕິບັດຕາມຄໍາສັ່ງ ເລກທີ 06/ນຍ, ລົງວັນທີ29ມິນາ2020 ວ່າດ້ວຍການເພີ້ມທະວີມາດຕະການສະກັດກັ້ນການລະບາດຄວບຄຸມ ແລະ ກຽມຄວາມພ້ອມຮອບດ້ານຕ້ານພະຍາດໂຄວິດ19, ແລະ ແຈ້ງການຂອງຫ້ອງວ່າການສໍານັກງານນາຍຍົກລັດ ຖະມົນຕີ ເລກທີ 1414/ຫສນຍ, ລົງວັນທີ 23/12/2020, ໃຫ້ຮູ້ເຖີງສະພາບລວມຂອງເມືອງ ກໍ່ຄື ຄະນະສະເພາະກິດຂັ້ນເມືອງໃນການຈັດຕັ້ງປະຕິ ບັດແຕ່ລະດ້ານ ໃນນີ້ໄດ້ປິດດ່ານປະເພນີ, ດ່ານທ້ອງຖີ່ນ, ບໍ່ອະນຸຍາດໃຫ້ຈັດງານຄອນເສີດ, ງານລາຕີສະໂມສອນ, ງານສະເຫຼີມສະຫຼອງຕ່າງໆ ທີ່ມີຈໍານວນຫຼາຍ, ຕິດ ຕາມກວດກາ-ຈໍາກັດຄົນເຂົ້າອອກຕາມຊາຍແດງ, ປະຕິບັດມາດຕະການຕໍ່ແຮງງານ ທີ່ຖືກກັກກັ້ນຕົວຂອງແຮງງານຢ່າງເຂັ້ມງວດ. ມາຮອດປະຈຸບັນ ທົ່ວເມືອງມີຈຸດຈໍາກັດບໍລິເວນ 4 ຈຸດ, ແຕ່ປະຕິບັດພຽງແຕ່ 2ຈຸດ ຄື: ໂຮງໝໍເມືອງ ແລະ ໂຮງ ໝໍນ້ອຍປາກຕະພານ, ເຊີ່ງມີຈໍານວນແຮງງານທີ່ເດີນທາງມາທັງໝົດ ສະ ສົມແຕ່ວັນທີ 20ທັນວາ 2020 – ວັນທີ 5 ມັງກອນ 2021 ໃນຈໍານວນ 37ຄົນ, ຍີງ 16 ຄົນ, ເກັບຕົວຢ່າງໄປກວດບໍ່ພົບເຊື້ອພະຍາດໂຄວິດ19.
ຜູ້ເຂົ້າຮ່ວມກອງປະຊຸມ ກໍ່ຄືຄະນະສະເພາະກິດຂັ້ນແຂວງ ແລະ ເມືອງ ຍັງໄດ້ປຶກ ສາຫາລືຫາທາງອອກ ແລະ ພ້ອມກັນຈັດຕັ້ງປະຕິບັດມັດຕະການຕ້ານ, ສະກັດກັ້ນຄວບຄຸມ, ເປັນເຈົ້າການໂຄສະນາຜ່ານສື່ຕ່າງໆ ທາງລະບົບໂທລະໂຄ່ງ, ວິທະຍຸ, ທາງດ້ານປ້ອງກັນຊາດ, ປ້ອງກັນຄວາມສະຫົງບ , ຈັດຕັ້ງແພດໝໍ່ ແລະ ໜ່ວຍງານທີ່ກ່ຽວ ຂ້ອງ ຈັດຕັ້ງກຳລັງລາດຕະເວນຕາມຊາຍແດນເພື່ອປ້ອງ ກັນການລັກລອບຂ້າມລອຍໃຫ້ເຂັ້ມງວດ.
   
Cr: ສຸກໄຊ ມະໂນທຳ, ຖວທ ເມືອງເມືອງລະຄອນເພັງ
Loading...