ຫ້ອງການສຶກສາທິການ ແລະ ກິລາເມືອງ ລະຄອນເພັງ ແຂວງສາລະວັນ ຈັດກອງປະຊຸມເຜີຍແຜ່, ເຊື່ອມຊຶມເອກະສານໂຄງການຍົກສູງຄຸນນະພາບການສຶກສາ ແລະ ກິລາ 40 ເມືອງເປົ້າໜາຍ ຢູ່ເຂດຫ່າງໄກສອກຫຼີກ ໃຫ້ປະ ທານກຸ່ມ, ຮອງກຸ່ມ, ໂຮງຮຽນ, ຄະນະພັດທະນາການສຶກ ສາຂັ້ນບ້ານ ທີ່ຂຶ້ນກັບກຸ່ມຕົວແບບ, ຜູ້ອໍານວຍການໂຮງ ຮຽນ ອະນຸບານ, ປະຖົມ, ມັດທະຍົມພາຍໃນເມືອງ ໃນຕອນເຊົ້າວັນທີ 4 ພະຈິກ 2020 ນີ້ ທີ່ສະໂມສອນໂຮງຮຽນ ມສ ລະຄອນສີ ໂດຍເຂົ້າຮ່ວມເປັນກຽດຂອງທ່ານ ໄຊຊະ ນະ ສີສະຫວັດ ຮອງເຈົ້າເມືອງ ລະຄອນເພັງ.

ໃນພິທີ ໄດ້ຮັບຟັງການເຜີຍແຜ່ ເຊື່ອມຊຶມ ເອກະສານທີ່ສຳຄັນເປັນຕົ້ນແມ່ນ ຜ່ານຂໍ້ຕົກລົງວ່າດ້ວຍການຫັນເອົາພະນັກງານ ລົງກໍ່ສ້າງຮາກຖານຂອງຂະແໜງການສຶກສາ ແລະ ກິລາສະບັບເລກທີ 499/ສສກ, ລົງວັນທີ 12/2/2019, ຄໍາສັ່ງແນະນໍາຂອງລັດຖະມົນຕີກະຊວງສຶກສາທິການ ແລະ ກິລາວ່າດ້ວຍ ການສ້າງໂຮງຮຽນຕົວແບບສາຍສາມັນ ສະບັບເລກທີ 763/ສສ.ສມ 07, ລົງວັນທີ 10/9/2007, ຂໍ້ຕົກລົງຂອງລັດຖະມົນຕີ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກຸ່ມໂຮງຮຽນປະ ຖົມ ສະບັບເລກທີ 4868/ສສກ.ອປ ລົງວັນທີ 15/11/2016, ຂໍ້ຕົກລົງຂອງລັດຖະມົນຕີ ວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງກຸ່ມ ໂຮງຮຽນມັດທະ ຍົມ ເລກທີ 3683/ສສກ ລົງວັນທີ 5/8/2019, ຂໍ້ຕົກລົງຂອງລັດຖະມົນຕີວ່າດ້ວຍການນິເທດ ການສຶກສາກ່ອນໄວຮຽນ ແລະ ປະຖົມສຶກສາ, ເອກະສານສ້າງສະຖານການສຶກສາ/ກຸ່ມໂຮງຮຽນ/ຫົວໜ້າໜ່ວຍພັດທະນາ ປະກອບດ້ວຍ 4 ດ້ານ, 53 ຕົວຊີ້ວັດ ຈາກນັ້ນກໍ່ໄດ້ຜ່ານມະຕິກອງປະຊຸມຜູ້ບໍລິຫານການສຶກສາ ແລະ ກິລາທົ່ວແຂວງ ເພື່ອໃຫ້ບັນດາຜູ້ບໍລິຫານການສຶກສາໄດ້ຮັບຮູ້ແລະ ເຂົ້າໃຈຢ່າງລະອຽດ ແລະ ເລິກເຊິ່ງ ພ້ອມທັງນຳໄປຈັດຕັ້ງປະຕິບັດໃຫ້ເກີດຜົນສຳເລັດໃນຕໍ່ໜ້າ.

Cr: ແຫຼັງຄຳ ບຸດນາໂຄກ

Loading...