ໃນຕອນເຊົ້າວັນທີ 1 ເມສາ 2021 ທີ່ສະໂມສອນໃຫຍ່ຂອງເມືອງລະຄອນເພັງ ຈັດພິທີປະກາດການແຕ່ງຕັ້ງ ຫົວໜ້າໜ່ວຍງານ ແລະ ຮອງໜ່ວຍງານຂອງບັນດາກົມກອງຫ້ອງການອ້ອມຂ້າງເມືອງ ໂດຍການເປັນປະທານຂອງ ທ່ານ ທອງດີ ຈັນທະວົງ ກໍາມະການພັກແຂວງ ເຂລາພັກເມືອງ-ເຈົ້າເມືອງຯລະຄອນເພັງ ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ-ຮອງຫົວໜ້າຫ້ອງການ ພ້ອມດ້ວຍພະນັກງານຫຼັກແຫຼ່ງ ແລະ ວິຊາການທີ່ກ່ຽວຂ້ອງ ເຂົ້າຮ່ວມ.
ໃນພິທີ ທ່ານ ສີສຸພັນ ມະຫາວົງ ຄະນະປະຈໍາພັກເມືອງ ຫົວໜ້າຄະນະຈັດຕັ້ງເມືອງໄດ້ຜ່ານຂໍ້ຕົກລົງຂອງເຈົ້າເມືອງລະຄອນເພັງ ສະບັບເລກທີ 61-67/ ຈມ.ລພ ລົງວັນທີ 26 ມີນາ 2021 ວ່າດ້ວຍການແຕ່ງຕັ້ງ ພະນັກງານ-ລັດຖະກອນເຂົ້າໃສ່ຕໍາແໜ່ງງານບໍລິຫານ ປະເພດ 6 ແລະ ປະເພດ 7ມີລາຍລະອຽດດັ່ງນີ້: 1.ທ່ານ ໂສພາ ອິນທະປານີ ຫົວໜ້າຈຸງານແມ່ ແລະ ເດັກ ມາເປັນຫົວໜ້າ ໂຮງໝໍນ້ອຍ ບ້ານປາກຕາພານ. 2.ທ່ານ ນາງ ຄໍາໄຜ່ ລາດທະວົງ ວິຊາການໂຮງໝໍນ້ອຍ ບ້ານທ່າ ມາເປັນຫົວໜ້າ ໂຮງໝໍນ້ອຍ ບ້ານທ່າ. 3.ທ່ານ ບຸນປອນ ກົມມະນີວົງ ຫົວໜ້າໜ່ວຍງານບໍລິຫານ ແລະ ແຜນການ ມາເປັນຫົວໜ້າໜ່ວຍງານ ບໍລິຫານ. 4.ທ່ານ ພຸດສະກັນ ຫຼ້າຫຼ່ຽມທະວີໄຊ ຫົວໜ້າໜ່ວຍງານ ຕິດຕາມກວດກາຊັບພະຍາກອນທໍາມະຊາດ ແລະ ສິ່ງແວດລ້ອມ ມາເປັນຫົວໜ້າໜ່ວຍງານ ບໍລິຫານ. 5.ທ່ານ ນາງ ດາລາວັນ ສີວົງທອງ ຮອງຫົວໜ້າໜ່ວຍງານ ທີ່ດິນ ມາເປັນຮອງຫົວໜ້າໜ່ວຍງານ ວິຊາການ. 6.ທ່ານ ບຸນຍະເດດ ສີລາດວງໃຈ ຮອງຫົວໜ້າໜ່ວຍງານ ຕິດຕາມກວດກາຊັບພະຍາກອນທໍາມະຊາດ ແລະ ສິ່ງແວດລ້ອມ ມາເປັນຮອງຫົວໜ້າໜ່ວຍງານ ບໍລິຫານ. 7.ທ່ານ ນາງ ພູລໍາພອນ ພົມມາລາ ວິຊາການຈາກຫ້ອງການສຶກສາທິການ ແລະ ກິລາເມືອງ ມາເປັນຮອງຫົວໜ້າໜ່ວຍງານ ປ້ອງກັນພັກ-ພະນັກງານ. 8.ທ່ານ ໜູກັນ ຖິ່ນນາເມືອງ ອໍານວຍການ ມຕ ນາງລາວ ມາເປັນອໍານວຍການ ມສ ດ່ານນາເລົາ. 9.ທ່ານ ນາງ ສີອໍາພອນ ແກ້ວດາວເຮືອງ ຮອງຫົວໜ້າໜ່ວຍງານ ຈັດຕັ້ງ-ກວດກາ ມາເປັນຫົວໜ້າໜ່ວຍງານ ຈັດຕັ້ງ-ກວດກາ. 10.ທ່ານ ນາງ ທິບເກສອນ ກຸນລະວົງ ຮອງຫົວໜ້າໜ່ວຍງານ ບໍລິຫານ ມາເປັນຫົວໜ້າໜ່ວຍງານ ບໍລິຫານ. 11.ທ່ານ ນາງມະລີນາ ຈຳປາຄໍາ ຮອຫົວໜ້າໜ່ວຍງານ ຄົ້ນຄວ້າ-ສັງລວມ ມາເປັນຫົວໜ້າໜ່ວຍງານ ບໍລິຫານ ພິທີການ-ການເງິນ. 12.ທ່ານ ທິດອໍາພອນ ສີຫາປັນຍາ ຮອງຫົວໜ້າໜ່ວຍງານ ບໍລິຫານ ພິທີການ-ການເງິນ ມາເປັນຫົວໜ້າໜ່ວຍງານ ຈັດຕັ້ງ-ກວດກາ. 13.ທ່ານ ສຸວັນນະລາສີ ທົງອາສາ ວິຊາການ ມາເປັນຮອງໜ່ວຍງານ ຄົ້ນຄວ້າ-ສັງລວມ (ທັງແມ່ນຜູ້ຮັກສາການ). ຕອນທ້າຍກອງປະຊຸມປະທານກໍໄດ້ມີຄໍາເຫັນໂອ້ລົມ, ສະແດງຄວາມຍ້ອງຍໍຊົມເຊີຍຕໍ່ຜູ້ທີ່ໄດ້ຮັບຜົນງານ ແລະ ໃຫ້ກໍາແໜ້ນທີ່ຕັ້ງ, ພາລະບົດບາດ, ໜ້າທີ່, ຂອບເຂດສິດ,ແບບແຜນວິທີເຮັດວຽກ ແລະ ກໍາແໜ້ນແນວທາງນະໂຍບາຍຂອງພັກ, ກົດໝາຍຂອງລັດ ໂດຍສະເພາະກ່ຽວກັບກົດໝາຍຂົງເຂດໜ່ວຍງານຕົນຮັບຜິດຊອບ ເພື່ອຈັດຕັ້ງປະຕິບັດວຽກງານໃຫ້ໄດ້ຮັບໝາກຜົນອັນສຳເລັດຈົບງາມ.
ພາບ- ຂ່າວ : ຈັນດາວອນ ສີນາມົນຕີ ຫ້ອງການ ຖວທ ເມືອງ ລະຄອນເພັງ
Loading...