ວັນທີ 28 ມັງກອນ 2021 ທີ່ສະໂມສອນເມືອງລະ ຄອນເພັງ, ແຂວງສາລະວັນ ໄຂກອງປະຊຸມຄົບຄະນະບໍລິຫານງານພັກເມືອງລະຄອນເພັງ ເປີດກວ້າງ ຄັ້ງທີ 5 ສະໄຫມທີ VIII ພາຍໃຕ້ປະທານຂອງ ສະຫາຍ ທອງດີ ຈັນທະວົງ ກຳມະການພັກແຂວງ ເລຂາພັກເມືອງ ເຈົ້າເມືອງລະຄອນເພັງ.
ໃນກອງປະຊຸມ ຜູ້ເຂົ້າຮ່ວມໄດ້ຮັບຟັງຮ່າງບົດຕິລາຄາການນໍາພາຮອບດ້ານໄລຍະ 1ປີ ແລະ ທິດທາງແຜນການໃນຕໍ່ໜ້າຈາກ ສະຫາຍ ແກ້ວຜາ ສີລາດວງໃຈ ຮອງເລຂາພັກເມືອງ ຜູ້ຊີ້ນໍາວຽກງານການເມືອງແນວຄິດ ພັກ-ພະ ນັກງານ ໃຫ້ຮູ້ເຖີງຜົນງານພົ້ນເດັ່ນໃນຂົງເຂດປ້ອງກັນຊາດ-ປ້ອງກັນຄວາມສະຫງົບທີ່ໄດ້ຫັນລົງກໍ່ສ້າງຮາກຖານການເມືອງຕາມຈຸດບ້ານເປົ້າໝາຍ, ເສດຖະກິດກະມີການຂະຫຍາຍຕົວ ລວມຍອດພະລິດຕະພັນພາຍໃນປະຕິບັດໄດ້872,26ຕື້ກວ່າກີບເພີ້ມຂື້ນ 7,55%ລື່ນ 0,73% ເກັບລາຍຮັບເຂົ້າຫງົບປະມານໄດ້ 4,810ຕື້ນກວ່າກີບ, ທຽບໃສ່ແຜນປີໄດ້ 108,13%, ໄດ້ຊຸກຍູ້ກຸ່ມຫັດຖະກຳຈັກສານບ້ານແບ່ງດ່ານ, ກຸ່ມຫັດຖະກຳຕໍ່າຜ້າຍລາວ ບ້ານໜອງແໜງ ສານສາດເຕີຍບ້ານທ່າຄັນຊຸມຊົວ ໄດ້ຈັດພິທີເປີດປ້າຍນາມມະຍົດ ນອກນີ້ ເມືອງລະຄອນເພັງກໍ່ໄດ້ປະກອບສ່ວນວັດຖຸປັດໃຈເຄື່ອງອຸປະໂພກ-ບໍລິໂພກ ນໍາອົງການຈັດຕັ້ງສັງຄົມໄປຊ່ວຍເຫຼືອຜູ້ທີຖືກລົມພະຍຸ, ນໍ້າຖ້ວມ ເມືອງສະໝ້ວຍ, ທ່າປາງທອງ, ສອງຄອນລວມມູນຄ່າ 62 ລ້ານກວ່າກີບ, ດ້ານຂົງເຂດບໍລິຫານລັດ, ອົງການປົກຄອງ-ຍຸຕິທໍາ, ຂົງເຂດການເມືອງ ແລະ ພັກພະນັກງານ ອົງການແນວລາວສ້າງຊາດ ອົງການຈັດຕັ້ງມະຫາຊົນ ມີຫຼາຍອັນທີ່ພົ້ນເດັ່ນ, ນອກນີ້ກອງກອງປະຊຸມຍັງວາງແຜນສືບຕໍ່ໃນແຕ່ລະຂົງເຂດໃຫ້ບັນລຸຕາມລະຄາດໝາຍທີ່ກຳນົດໄວ້ໃນປີ 2021.
ຈາກນັ້ນ ສະຫາຍ ສີສຸພັນ ມະຫາວົງ ຄະນະປະຈໍາພັກເມືອງ ຫົວໜ້າຄະນະຈັດຕັ້ງເມືອງ ໄດ້ຜ່ານມະຕີແບ່ງງານມອບວຽກໃຫ້ຄະນະບໍລິຫານງານພັກເມືອງສະໄໝທີ VIII ແລະ ສະຫາຍ ສາຍທອງ ລີນທະສອນ ຮອງຄະນະຈັດຕັ້ງເມືອງ, ກໍ່ໄດ້ ຜ່ານເອກະສານ ຂໍ້ກຳນົດກອງທຶນຊ່ວຍເຫຼືອສະມາຊິກຂັ້ນເມືອງ2021-2025, ພ້ອມດຽວກັນນັ້ນ ຜູ້ເຂົ້າຮ່ວມຍັງໄດ້ສັບປ່ຽນປະກອບຄໍາເຫັນໃສ່ຮ່າງຕິລາຄາການນໍາພາຂອງອົງຄະນະພັກເມືອງ ໃນໄລຍະຜ່ານມາ ແລະ ເພື່ອພ້ອມກັນແກ້ໄຂໜ້າວຽກງານທີ່ຍັງຄົງຄ້າງໃຫ້ບັນລຸຕາມເປົ້າໝາຍທີ່ກຳນົດໄວ້.
ຕອນທ້າຍກອງປະຊຸມ ປະທານກອງປະຊຸມ ໄດ້ມີຄໍາເຫັນໂອ້ລົມ ໃນແຕ່ລະຂົງເຂດວຽກງານ ເພື່ອໃຫ້ບັນລຸ ຕາມເປົາໝາຍ ພ້ອມທັງໄດເໜັ້ນໃຫ້ເອົາໃຈໃສ ປະຕິບັດກໍ່ຄື : ຕ້ານຄວບຄຸມ, ການປ້ອງກັນ ພະຍາດໂຄວິດ19, ດ້ານກອງທຶນຊ່ວຍເຫຼືອຂອງສະມາຊິພັກ, ການໃຊ້ສື່ສັງຄົມອອນລາຍ, ວຽກງານໂຍທາ, ວຽກງານການປູກການລຽ້ງສັດ, ຕ້ານແລ້ງ ຕ້ານຖ້ວມ, ວຽກງານການສ້າງຕົວແບບດ້ານຕ່າງໆ, ແລະວຽກງານການລົງທຶນພື້ນຖານໂຄງລ້າງໃຫ້ມີການພັດທະນາທຸກຂົງເຂດ ຂື້ນເປັນກ້າວໆ.
 
Cr: ຖວທ ເມືອງລະຄອນເພັງ
Loading...