ວັນທີ 25 ກຸມພາ 2021 ທີ່ຫໍວັດທະນາທຳ ບ້ານລ້ອງແຈ້ງ, ເມືອງລ້ອງແຈ້ງ ແຂວງໄຊສົມບູນ ໄດ້ຈັດກອງປະຊຸມສະຫລຸບລາຍງານວຽກງານການລົງເລືອກຕັ້ງ ສະມາຊີກສະພາແຫ່ງຊາດຊຸດທີ ເຂດເລືອກຕັ້ງທີ18 ແຂວງໄຊສົມບູນ ແລະ ສະມາຊິກສະພາປະຊາຊົນຂັ້ນແຂວງ ຊຸດທີ II ເຂດເລືອກຕັ້ງເມືອງລ່ອງແຈ້ງ ພາຍໃຕ້ການເປັນປະທານຂອງ ທ່ານ ອິນຕອງ ໂຄດປັນຍາ ເຈົ້າເມືອງລ່ອງແຈ້ງ ປະທານຄະນະກຳມະການເລືອກຕັ້ງຂັ້ນເມືອງ.
ທ່ານ ຕູ້ລໍ່ ຫົວໜ້າຫ້ອງວ່າການເມືອງ ທັງເປັນຫົວໜ້າກອງເລຂາ ໄດ້ຂື້ນຜ່ານບົດສະຫລຸບລາຍງານການເຄ່ືອນໄຫວວຽກງານຮອບດ້ານກ່ຽວກັບການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນຂັ້ນແຂວງ ຊຸດທີ II ຊື່ງສາມາດຢັ້ງຢືນໄດ້ວ່າ ທຸກພາກສ່ວນທີ່ໄດ້ຮັບການແຕ່ງຕັ້ງຈາກຄະນະກໍາມະການເລືອກຕັ້ງຂັ້ນເມືອງ ໄດ້ເອົາໃຈໃສ່ປຸກລະດົມຂະບວນການເພື່ອເປັນການຂໍ່ານັບຮັບຕ້ອນບັ້ນເລືອກຕັ້ງ ເປັນຕົ້ນ ຂະບວນການອອກແຮງງານລວມຂອງພະນັກງານ, ປະຊາຊົນບັນດາເຜົ່າອານາໄມຕາມສຳນັກງານອົງການ, ກົມກອງ,ແຄມເສັ້ນທາງ ແລະ ຂອບເຂດຂອງບ້ານ ໃນທົ່ວເມືອງ, ສ້າງຂະບວນການກິລາປະເພດຕ່າງໆຕາມເງື່ອນໄຂ, ໄດ້ນຳພາການລົງສະເໜີໂຕຫາສຽງ ຂອງຜູ້ສະໝັກຮັບເລືອກຕັ້ງ ຢູ່ 17 ຈຸດ ໃນນັ້ນນຳພາສະມາຊີກສະພາແຫ່ງຊາດ ມີ 4ຈຸດ. ນອກຈາກນີ້ ບັນດາທ່ານທີ່ເຂົ້າຮ່ວມປະຊຸມໄດ້ຜັດປ່ຽນກັນຂື້ນປະກອບຄຳຄິດຄຳເຫັນ ເພື່ອຍົກໃຫ້ເຫັຍດ້ານດີ ແລະ ຂໍ້ຄົງຄ້າງໃນການປະຕິບັດວຽກງານຕ່າງຯ ເພື່ອຮັບໃຊ້ການເລືອກຕັ້ງໃນຄັ້ງນີ້.
ສຳລັບແຂວງໄຊສົມບູນ ຊຶ່ງເປັນເຂດເລືອກຕັ້ງທີ 18 ມີຜູ້ລົງຮັບສະ ໝັກເລືອກຕັ້ງເປັນ ສສຊ ຊຸດທີ IX ທັງໝົດ 9 ທ່ານ, ຍິງ 1 ທ່ານ ເລືອກເອົາ 6 ທ່ານ, ສ່ວນຜູ້ລົງສະໝັກຮັບເລືອກຕັ້ງເປັນ ສສຂ ຊຸດທີ II ປະຈໍາເມືອງລ້ອງແຈ້ງ ມີທັງໝົດ 6 ທ່ານ, ຍິງ 1 ທ່ານ ເລືອກເອົາ 4 ທ່ານ. ທົ່ວເມືອງລ້ອງແຈ້ງ ມີພົນລະເມືອງຜູ້ມີສີດປ່ອນບັດເຂົ້າຮ່ວມທັງໝົດ 4.121 ຄົນ, ຍີງ 1.835 ຄົນ.
Cr: ນັກຂ່າວເມືອງລ້ອງແຈ້ງ
Loading...