ເມືອງສັງທອງ, ນະຄອນຫລວງວຽງຈັນ ມີແຜນຈະພັດ ທະນາ 6 ສະຖານ ທີ່ສຳຄັນເປັນແຫລ່ງທ່ອງທ່ຽວແຫ່ງໃໝ່ຂອງເມືອງ ເພື່ອປະກອບສ່ວນສຳ ຄັນໃນການດຶງດູກນັກທ່ອງທ່ຽວທັງພາຍໃນ ແລະ ຕ່າງປະເທດມາທ່ອງທ່ຽວຢູ່ນະຄອນຫລວງວຽງຈັນ ກໍຄື ເມືອງສັງທອງ ໃຫ້ນັບມື້ເພີ່ມຂຶ້ນໃນຕໍ່ໜ້າ.
ທ່ານ ພົງສະຫວັນ ສິລິພັນ, ເຈົ້າເມືອງສັງທອງ ໃຫ້ສໍາພາດວ່າ: 6 ສະ ຖານທີ່ນີ້ ລວມມີ: ຈຸດພັກສະເດັດສຸພານຸວົງ ທີ່ຜູ້ນໍາລາວຈຳນວນ 16 ທ່ານໂຕນອອກຈາກຄຸກໂພນເຄັງແລ້ວໄປພັກຢູ່ສາຍພູພະນັກເຂດບ້ານທ່ານາຂາມໃນເມື່ອກ່ອນ, ຈຸດທີ່ຕັ້ງຂອງກອງຮ້ອຍຟ້າງຸ່ມ (ບ້ານຫີນສີ່ວ), ອະນຸ ສອນສະຖານວິລະຊົນສີທອງ ( ບ້ານນາຫອຍປັງ ), ເຂດດົງປ່າແຕ້-ປ່າແຄນ ຕິດພັນກັບການທ່ອງທ່ຽວຕາມສາຍນໍ້າສັງ, ເຂດດອນເຈົ້າ ແລະ ຄ້ອຍແລນມານ (ພັດທະ ນາເປັນຈຸດຊົມວີວ, ຈຸດພັກລົດ ແລະ ບໍລິການອາຫານ).
ເຈົ້າເມືອງສັງທອງ ກ່າວຕື່ມວ່າ: ປັດຈຸບັນ ທັງ 6 ສະ ຖານທີ່ດັ່ງກ່າວ ຍັງບໍ່ທັນໄດ້ຮັບການພັດທະນາເທື່ອ ແລະ ຢູ່ລະຫວ່າງການຮຽກການລົງທຶນນັກນັກລົງທຶນທັງພາຍ ໃນ ແລະ ຕ່າງປະເທດ. ດັ່ງນັ້ນ ຖ້າຫາກນັກລົງທຶນມີຄວາມສົນໃຈສາມາດພົວພັນໄດ້ ເຊີ່ງອົງການປົກຄອງເມືອງພ້ອມ ແລ້ວທີ່ຈະອຳນວຍຄວາມສະດວກຕາມພາລະບົດບາດຂອງຕົນ.
ຂ່າວ: ບຸນຕຽງ ຈັນທະວົງ
ພາບ: ຂປລ
Loading...