ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ເມືອງສິງ ແຂວງຫຼວງນ້ຳທາ ຈັດພິທີປາຖະກະຖາວັນສ້າງຕັ້ງ 4 ວັນປະຫວັດສາດ

ເມືອງສິງ ແຂວງຫຼວງນ້ຳທາ ຈັດພິທີປາຖະກະຖາວັນສ້າງຕັ້ງ 4 ວັນປະຫວັດສາດ, ວັນຢຶດອໍານາດທົ່ວປະເທດ ສ ປປ ລາວ ຄົບຮອບ 45 ປີ , ວັນລັດຖະທໍາມະມູນ ຄົບຮອບ 29 ປີ, ວັນສືມວນຊົນແຫ່ງຊາດ ແລະ ການພິມຈຳໜ່າຍ ຄົບຮອບ 70 ປີ ແລະ ວັນຕ້ານການຄ້າມະນຸດສາກົນ. ຈັດຂື້ນໃນຕອນເຊົ້າຂອງວັນທີ 13 ສິງຫາ 2020 ຢູ່ທີ່ສະໂມສອນເມືອງ.
ເປັນກຽດເຂົ້າຮ່ວມຂອງທ່ານ ຈັນພິພັກ ກອງຈໍາປາ ກໍາມະການພັກແຂວງ ເລຂາພັກເມືອງເຈົ້າເມືອງໆ ສິງ, ມີກໍາມະການປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງ-ຮອງຫ້ອງການ, 2 ກອງບັນຊາການ ປກຊ-ປກສ, ເລຂາຄະນະພັກຮາກຖານ, ພະນັກງານລັດຖະກອນ ຕະຫຼອດຮອດນາຍບ້ານອ້ອມຂ້າງເມືອງເຂົ້າຮ່ວມ.
ໃນພິທີຜັນປ່ຽນກັນຂື້ນເລົ່າມູນເຊື້ອ ແລະ ການເຕີບໃຫຍ່ຂະຫຍາຍຕົວຂອງ 4 ວັນປະຫວັດສາດ, ຊາດລາວເປັນຊາດໜື່ງທີ່ມີປະຫວັດສາດແຫ່ງການກໍ່ຕັ້ງອັນສະຫງ່າງາມ ແລະ ໄດ້ປົກປັກຮັກສາເປັນເວລາດົນນານມາແລ້ວ ຕົ້ນສະຕະວັດທີ 20 ໄດ້ຕົກເປັນຫົວເມືອງຂື້ນຂອງບັນດາປະເທດຈັກກະພັດ, ດ້ວຍນ້ຳໃຈຮັກຊາດ ຄຽດແຄ້ນຕໍ່ການຮຸນຮານ ແລະ ການກົດຂີ່ຂູດຮີດຢ່າງແສນສາຫັດຂອງພວກລ່າເມືອງຂື້ນ ປະຊາຊົນບັນດາເຜົ່າໄດ້ລຸກຮືຂື້ນຕໍ່ສູ້ເພື່ອຄວາມເປັນເອກະລາດເສລີພາບ ແລະ ຄວາມຢູ່ດີກິນດີຂອງປະຊາຊົນລາວ. ມາເຖິງວັນທີ 23 ສິງຫາ 1975 ປະເທດລາວສາມາດຢຶດອໍານາດທົ່ວປະເທດລາວຢ່າງສະຫງ່າງາມ ແລະ ມາເຖິງວັນທີ 2 ທັນວາ 1975 ກອງປະຊຸມໃຫ້ຜູ້ແທນທົ່ວປະເທດໄດ້ໄຂຂື້ນຢ່າງສະຫງ່າຜ່າເຜີຍຢູ່ນະຄອນຫຼວງວຽງຈັນ ໄດ້ຕົກລົງລົບລ້າງລະບອບລາຊາທິປະໄຕ ທີ່ຫຼ້າສະໄໝ ແລະ ສະຖາປະນາລະບອບ ສາທາລະນະລັດ ປະຊາທິປະໄຕ ປະຊາຊົນລາວ, ສ້າງຕັ້ງສະພາສູງສຸດ ແຕ່ງຕັ້ງປະທານປະເທດ ແລະ ສ້າງຕັ້ງລັດຖະບານ, ກໍານົດທຸງຊາດ, ເພງຊາດ ແລະ ພາສາທາງການ. ສະນັ້ນຊາດລາວຖືເອົາວັນທີ 2 ທັນວາ ຂອງທຸກໆປີເປັນວັນຊາດຂອງ ສ ປປ ລາວ. ພ້ອມນັ້ນໃນພິທີຍັງໄດ້ຮັບຟັງການເຕີບໃຫຍ່ຂະຫຍາຍຕົວຂອງວັນສື່ມວນຊົນຂອງຊາດລາວ ແລະ ຍັງໄດ້ມອບໃບກຽດຕິຄຸນໃຫ້ລັດວິສາຫະກິດ ບຸກຄົນທີ່ປະກອບສ່ວນວັດຖຸປັດໄຈ ແລະ ທຶນຮອນເຂົ້າໃນວຽກງານສື່ມວນຊົນອີກດ້ວຍ.
ນັກຂ່າວ ແສງສະຫວັນ ວິລະຈິດ