ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ເມືອງສີໂຄດຕະບອງໄດ້ຮັບການພັດທະນາຢ່າງຮອບດ້ານພາຍໃຕ້ການນຳພາຂອງພັກ

ເຈົ້າເມືອງໆສີໂຄດຕະບອງ ນະຄອນຫລວງວຽງຈັນ ຢັ້ງຢືນວ່າ: ພາຍໃຕ້ການຊີ້ນໍາ-ນຳພາຂອງພັກ ຕະຫລອດໄລຍະ 65 ປີ ຜ່ານມານີ້, ປະເທດຊາດລາວເຮົາໄດ້ຮັບການພັດທະນາ ແລະ ເຕີບໃຫ່ຍຂະຫຍາຍຕົວເປັນກ້າວໆ, ປະຊາຊົນລາວບັນດາເຜົ່າມີຊີວິດການເປັນຢູ່ດີຂື້ນ, ໃນນັ້ນ ລວມທັງຢູ່ເມືອງສີໂຄດຕະບອງ, ໂດຍປະຊາຊົນມີລາຍຮັບສະເລ່ຍຫລາຍກວ່າ 40 ລ້ານກີບ ຫລື ປະມານ 4.500 ກວ່າໂດລາສະຫະລັດຕໍ່ຄົນຕໍ່ປີໃນປະຈຸບັນ.

ທ່ານ ວິລະສັກ ນາມມຸນຕີ, ເຈົ້າເມືອງໆສີໂຄດຕະບອງ ໃຫ້ທັດສະນະວ່າ: ນັບແຕ່ມື້ປະ ເທດຊາດໄດ້ຮັບການປົດປ່ອຍໃນປີ 1975 ເປັນຕົ້ນມາ, ໂດຍພາຍໃຕ້ການຊີ້ນໍາ-ນຳພາອັນສະຫລາດສ່ອງໃສຂອງພັກປະຊາຊົນປະຕິວັດລາວ, ບໍ່ມີຍຸກໃດສະໄໝໃດທີ່ປະເທດຊາດຈະໄດ້ຮັບການພັດທະນາ ແລະ ຈະເລີນຮຸ່ງເຮືອງເໝືອນດັ່ງທຸກວັນນີ້, ໂດຍສະເພາະແມ່ນການພັດທະນາພື້ນຖານໂຄງລ່າງທາງດ້ານເສດຖະກິດ-ສັງຄົມ ນັບແຕ່ສູນກາງຮອດທ້ອງຖີ່ນ ຊຶ່ງສ້າງເງື່ອນໄຂສະດວກແກ່ປະຊາຊົນລາວບັນດາເຜົ່າໃຫ້ມີຢູ່ມີກິນ ແລະ ຫລຸດພົ້ນອອກຈາກຄວາມທຸກຍາກເທື່ອລະກ້າວ ຕາມອຸດົມການຂອງພັກໄດ້ກຳນົດໄວ້ຄື: ສ້າງໃຫ້ປະເທດຊາດມັ່ງຄັ່ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມມີຄວາມສາມັກຄືປອງດອງ, ສີວິໄລ ແລະຍຸຕິທຳ.

ໃນໂອກາດວັນສ້າງຕັ້ງພັກປະຊາຊົນປະຕິວັດລາວ ວັນທີ 22 ມີນາ ຄົບຮອບ 65 ປີນີ້, ທ່ານ ວິລະສັກ ນາມມຸນຕີ, ເຈົ້າເມືອງໆສີໂຄດຕະບອງ ໄດ້ສະແດງຄວາມຮູ້ບຸນຄຸນຢ່າງລົ້ນເຫລືອຕໍ່ການນໍາພັ-ລັດທີ່ໄດ້ຊ່ວຍກໍ່ສ້າງຊຸບຫລໍ່ ແລະ ຝຶກຝົນຫລໍ່ຫລອມຕົນເອງໃຫ້ມີໂອກາດໄດ້ຮັບໃຊ້ປະເທດຊາດ ແລະ ປະຊາຊົນຄືດັ່ງໃນປະຈຸບັນນີ້.

ໃນໂອກາດອັນສະຫງ່າລາສີນີ້, ຈຶ່ງຂໍສັນລະເສີນມູນເຊື້ອ, ຜົນງານ ແລະ ໄຊຊະນະອັນຍິ່ງໃຫຍ່ ແລະ ສະຫງ່າງາມທີ່ພັກປະຊາຊົນປະຕິວັດລາວສາມາດຍາດມາໄດ້ໃນໄລຍະຜ່ານມາ; ຂໍອວຍພອນໄຊອັນປະເສີດໃຫ້ຜູ້ນໍາພັກ-ລັດທຸກຂັ້ນ ຈົ່ງມີສຸຂະພາບເຂັ້ມແຂງ ສືບຕໍ່ຊີ້ນໍາ-ນຳພາປະເທດຊາດ ໃຫ້ກ້າວສູ່ຄວາມຈະເລີນຮຸ່ງເຮືອງໃນຕໍ່ໜ້າ.

ຂ່າວ;ພາບ: ຈັນທະສອນ ສີຫານາດ