ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ເມືອງຫົງສາ ເປີດບັ້ນການສອບເສັງຈົບຊັ້ນ ມ 7 ພ້ອມກັນກັບໂຮງຮຽນແຫ່ງຕ່າງໆ ໃນທົ່ວປະເທດ.

ວັນທີ 29-30 ເດືອນກໍລະກົດນີ້, ນັກຮຽນມັດທະຍົມປາຍປີສຸດທ້າຍ ຫຼື ມ 7 ໃນທົ່ວເມືອງຫົງສາ ແຂວງໄຊຍະບູລີ ໄດ້ດຳເນີນການສອບເສັງຈົບຊັ້ນຂຶ້ນຢ່າງເປັນທາງການ . ໂດຍການໃຫ້ກຽດເຂົ້າຮ່ວມ ພ້ອມເປີດຫົວບົດສອບເສັງຂອງທ່ານ ຄຳຫຼ້າ ຜິວວັນນາ ເຈົ້າເມືອງຫົງສາ, ມີຄະນະກຳມະການຈາກແຂວງ, ເມືອງ, ມີຜູ້ອໍານວຍການໂຮງຮຽນມັດທະຍົມພາຍໃນເມືອງ ພ້ອມດ້ວຍພະນັກງານຄູ-ອາຈານ ທີ່ເຮັດໜ້າທີ່ຮັບຜິດຊອບເປັນຄະນະກໍາມະການ ຄວບຄຸມຫ້ອງສອບເສັງ ແລະ ນ້ອງນັກຮຽນຊັ້ນ ມ 7 ເຂົ້າຮ່ວມສອບເສັງ.
ທ່ານ ທອງສຸກ ປ້ອງຄຳ ຫົວໜ້າຫ້ອງການ ສຶກສາທິການ ແລະ ກິລາເມືອງຫົງສາ ຮອງປະທານການສອບເສັງຈົບຊັ້ນຂັ້ນເມືອງ ໄດ້ກ່າວໃຫ້ຮູ້ວ່າ: ໃນທົ່ວເມືອງ ມີນັກສອບເສັງທັງໝົດ 266 ນ້ອງ ຍິງ 118 ນ້ອງ, ມາຈາກໂຮງຮຽນ 5 ແຫ່ງຄື: ໂຮງຮຽນ ມສ ຫົງສາ, ມສ ບ້ານຫານ, ມສ ນາປຸ່ງ, ມສ ຄົກແອກ ແລະ ມສ ພູແລ້ງ. ຈັດເປັນ 1 ສູນການສອບເສັງ ຄື: ສູນ ມສ ຫົງສາ ແລະ ມີ 15 ຫ້ອງສອບເສັງ, ຫ້ອງໜຶ່ງບັນຈຸນັກສອບເສັງໄດ້ປະມານ 16-18 ຄົນ, ມີຄະນະກໍາມະການ ຍາມຫ້ອງສອບເສັງທັງໝົດ 30 ຄົນ ແລະ ສ່ວນບັນຫາຫົວບົດສອບເສັງນັ້ນ, ທາງຄະນະກໍາມະການ ໄດ້ເອົາໃຈໃສ່ ຢ່າງເຂັ້ມງວດເປັນພິເສດ, ທັງຮັບປະກັນຄວາມໂປ່ງໃສ ແລະ ເປັນເອກະພາບໃຊ້ 4 ວິຊາເຂົ້າສອບເສັງຄື: ວິຊາພາສາລາວ-ວັນນະຄະດີ, ຄະນິດສາດ, ຊີວະສາດ ແລະ ວິຊາພູມສາດ.
ການສອບເສັງຈົບຊັ້ນມັດທະຍົມປາຍສົກຮຽນ 2019-2020 ນີ້, ແມ່ນຄາດໝາຍຕ້ອງໃຫ້ບັນລຸ 98% ຂຶ້ນໄປ.

ພາບ-ຂ່າວ: ກິດຕິສັກ ບົວໄລ