ວັນທີ 12 ເມສາ 2021 ນີ້ຢູ່ທີ່ສະໂມສອນເມືອງເງິນ ແຂວງໄຊຍະບູລີ ໄດ້ຈັດພິທີປະກາດການຈັດຕັ້ງ ແລະ ມອບຮັບໜ້າທີ່ລະຫວ່າງ ເລຂາພັກເມືອງ ເຈົ້າເມືອງຜູ້ເກົ່າ ແລະ ວ່າການເລຂາພັກເມືອງ ວ່າການເຈົ້າເມືອງຜູ້ໃຫມ່. ເຂົ້າຮ່ວມເປັນກຽດມີທ່ານ ພົງສະຫວັນ ສິດທະວົງ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງ ໄຊຍະບູລີ, ມີກຳມະການປະຈໍາພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ກົມກອງ, ພະນັກງານຫຼັກແຫ່ງ,: ພະນັກງານປະຕິວັດອາວຸໂສບຳນານ, ອຳນວຍການໂຮງຮຽນ-ໂຮງໝໍ, ທ່ານ ນາຍບ້ານເຂົ້າຮ່ວມ.

ທ່ານ ສຳລານ ສຸວັນນະໂຊດ ກຳມະການປະຈຳພັກແຂວງ ຫົວໜ້າຄະນະຈັດຕັ້ງແຂວງ ໄດ້ຜ່ານຂໍ້ຕົກລົງຂອງທ່ານເຈົ້າແຂວງສະບັບເລກທີ 552 ລົງວັນທີ 9 ເມສາ 2021 ວ່າດ້ວຍການຍົກຍ້າຍພະນັກງານໄປຮັບໜ້າທີ່ໃໝ່ ອີງຕາມກົດໝາຍປົກຄອງທ້ອງຖິ່ນ(ສະບັບປັບປຸງ) ສະບັບເລກທີ 68/ສພຊ ລົງວັນທີ 14 ທັນວາ 2015 ພາກທີ III ໝວດທີ 4 ມາດຕາ 20 ວ່າດ້ວຍສິດ ແລະ ໜ້າທີ່ຂອງທ່ານເຈົ້າແຂວງ, ເຈົ້າຄອງນະຄອນ, ອີງຕາມກົດໝາຍວ່າດ້ວຍພະນັກງານລັດຖະກອນສະບັບເລກທີ 74/ສພຊ ລົງວັນທີ 18 ທັນວາ 2015 ພາກທີ II ໝວດທີ 3 ມາດຕາ 20 ການຍົກຍ້າຍ ທ່ານ ຄຳແພງ ຕັດສະຫວັດ ກຳມະການພັກແຂວງ ເລຂາພັກເມືອງ ເຈົ້າເມືອງໆ ເງິນ ໄປຮັບໜ້າທີ່ໃໝ່ຢູ່ພະແນກການຕ່າງປະເທດແຂວງ, ແຕ່ງຕັ້ງ ທ່ານ ທະວີສັກ ໄຊຍະວົງ ກຳມະການປະຈຳພັກເມືອງ ຮອງເຈົ້າເມືອງ ຂຶ້ນເປັນວ່າການເລຂາພັກເມືອງ ວ່າການເຈົ້າເມືອງຜູ້ໃໝ່, ແຕ່ງຕັ້ງທ່ານ ສີທະນົນໄຊ ທອງເທພາ ກຳມະການປະຈຳພັກເມືອງ ຮອງເຈົ້າເມືອງ  ຂຶ້ນເປັນຮອງເລຂາພັກເມືອງ, ເຫັນດີບົ່ງຕົວ ແຕ່ງຕັ້ງ ທ່ານ ນາງ ສີຈົມ ບຸນມານະທຳ ກຳມະການພັກເມືອງ, ຫົວໜ້າຄະນະໂຄສະນາອົບຮົມເມືອງ ມາເປັນກຳມະການປະຈຳພັກເມືອງ ເປັນຮອງເລຂາພັກເມືອງ, ຍົກຍ້າຍ ທ່ານ ດຣ ບຸນເລື່ອນ ບົວໄລ ກຳມະການພັກເມືອງ ຫົວໜ້າຫ້ອງການສາທາລະນະສຸກເມືອງ ໄປຮັບໜນ້າທີ່ໃໝ່ ຢູ່ຫ້ອງວ່າການ ເປັນຄະນະປະຈຳພັກເມືອງ ເປັນຮອງເຈົ້າເມືອງ, ເຫັນດີບົ່ງຕົວແຕ່ງຕັ້ງ ທ່ານ ທອງພັນ ສຸກສະຫວັດ ກຳມະການພັກເມືອງ ຫົວໜ້າຫ້ອງວ່າການເມືອງ ຂຶ້ນເປັນຄະນະປະຈຳພັກເມືອງ ທັງເປັນຮອງເຈົ້າເມືອງ, ເຫັນດີບົ່ງຕົວແຕ່ງຕັ້ງ ທ່ານ ພັນໂທ ບຸນມີ ໄຊສັນຕິ ກຳມະການພັກເມືອງ ຫົວໜ້າກອງບັນຊາການທະຫານເມືອງ  ຂຶ້ນເປັນຄະນະປະຈຳພັກເມືອງ, ເຫັນດີບົ່ງຕົວທ່ານ ຄອນສະຫວັນ ຟອງປະດິດ ຫົວໜ້າຫ້ອງການອຸດສາຫະກຳ ແລະ ການຄ້າ ເປັນກຳມະການພັກເມືອງ ແລະ ຜ່ານຂໍ້ຕົກລົງ ວ່າດ້ວຍການອະນຸມັດໃຫ້ພະນັກງານ-ລັດຖະກອນ ພັກການເພື່ອລໍຖ້າ ເຂົ້າຮັບອຸດໜູນບຳນານ ຕາມລະບຽບຫຼັກການ ຈຳນວນ 2 ທ່ານຄື: ທ່ານ ສອນສຸກ ພວງແກ້ວ ຄະນະປະຈຳພັກເມືອງ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງ, ແລະ ທ່ານ ບຸນສົດ ອິນທະປັນຍາ ຄະນະປະຈຳພັກເມືອງ ຮອງເລຂາພັກເມືອງ ປະທານກວດກາພັກເມືອງ.

ໂດຍ: ສຸລິຍາ ແສງເດືອນ.

Loading...