ພິທີສອບເສັງ ຈົບຊັ້ນ ມ7 ໃນທົ່ວເມືອງໂຂງ ແຂວງຈຳປາສັກ ຈັດຂຶ້ນ ໃນລະຫວ່າງວັນທີ 19-21 ມິຖຸນາ 2024 ນີ້, ສະເພາະຢູ່ເມືອງໂຂງ ໄດ້ຈັດພິທີເປີດຫົວບົດສອບເສັງ ຢູ່ ໂຮງຮຽນ ມ.ສ ຂີ້ນາກ ມີ ທ່ານ ຄຳສິງ ບຸນຈະເລີນ ຮອງເຈົ້າເມືອງໆໂຂງ, ພ້ອມດ້ວຍພາກສ່ວນກ່ຽວຂ້ອງ ແລະ ນັກສອບເສັງທັງໝົດ 291 ຄົນ, ຍິງ 142 ຄົນ, ຂາດ 3 ຄົນ, ຍິງ 1 ຄົນ ເຂົ້າຮ່ວມ.
ເມືອງໂຂງ ມີສູນສອບເສັງ 2 ສູນຄື: ໂຮງຮຽນ ມ.ສ ໂຂງ ແລະ ໂຮງຮຽນ ມ.ສ ຂີ້ນາກ; ໃນນີ້ ສູນ ໂຮງຮຽນ ມ.ສ ໂຂງ ມີ 5 ໂຮງຮຽນຄື: ມ.ສ ໂຂງ, ມ.ສ ຫົວໂຂງ, ມ.ສ ຫ້ວຍຫຼວງ, ມ.ສ ຫ້ວຍ ແລະ ມ.ສ ລົບປາກດີ ມີຈຳນວນ 7 ຫ້ອງສອບ. ສຳລັບສູນສອບເສັງ ໂຮງຮຽນ ມ.ສ ຂີ້ນາກ ມີ 5 ໂຮງຮຽນຄື: ມ.ສ ຂີ້ນາກ, ມ.ສ ນາກະສັງ, ມ.ສ ຄອນ, ມ.ສ ໂພນສະອາດ ແລະ ມ.ສ ນາຝັ່ງ ມີຈຳນວນ 9 ຫ້ອງສອບ, ມີກຳມະການທັງໝົດ 32 ຄົນ, ຍິງ 16 ຄົນ.
ສໍາລັບການສອບເສັງ ມີ 5 ວິຊາຄື: ພາສາລາວ-ວັນນະຄະດີ, ວິທະຍາສາດທຳມະຊາດ, ວິທະຍາສາດສັງຄົມ ແລະ ຄະນິດສາດ.
