ວັນທີ 28 ມີຖຸນາ ປີ 2021 ນີ້ ທີ່ໂຮງຮຽປະຖົມສົມບູນສຶກສາວັງຊຽງ 1 ເມືອງໂພນທອງ ແຂວງຫລວງພະບາງ ໄດ້ຈັດພິທີເປີດການສອບເສັງ ຈົບຊັ້ນປະຖົມທົ່ວເມືອງ, ມີ ທ່ານ ອຳຄາ ແກ້ວອຳພອນ ຮອງເຈົ້າເມືອງໂພນທອງ, ທ່ານ ສົມແພດ ພົມມະຈັນ ຫົວໜ້າຫ້ອງການສຶກສາ ທິ ການ ແລະ ກິລາເມືອງ, ພ້ອມດ້ວຍຄະນະອຳນວຍການໂຮງຮຽນ ຄູສອນ ສະມາຄົມພໍ່ແມ່ນັກຮຽນ ຕະຫລອດຮອດ ນັກຮຽນຊັ້ນ ປໍ 5 ເຂົ້າຮ່ວມ. ພິທີ ທ່ານ ບຸນທັນ ທຳ ມະວົງ ພະນັກງານຫ້ອງການສຶກສາທິ ການ ແລະ ກິລາເມືອງ ໄດ້ຂື້ນຜ່ານຂໍຕົກ ລົງຂອງທ່ານເຈົ້າເມືອງໂພນທອງ ແລະຂໍຕົກລົງ ຂອງຫ້ອງການສຶກສາທິການ ແລະ ກິລາເມືອງ ວ່າດ້ວຍການອານຸມັດ ແຕ່ງ ຕັ້ງຄະນະຮັບຜິດຊອບ ການເຝົ້າ ແລະກວດກາຫ້ອງສອບເສັງຈົົບຊັ້ນ ປໍ 5 ແລະກົດລະບຽບການສອບເສັງ ເພື່ອໃຫ້ນັກສອບເສັງ ແລະຄະນະກຳມະການ ປະ ຕິບັດຢ່າງເຂັ້ມງວດ, ໃນສົກຮຽນ 2020- 2021 ທົ່ວເມືອງໂພນທອງມີ 16 ສູນສອບເສັງ, ມີນັກສອບເສັງ ທັງໝົດ 524 ຄົນ ຍິງ 272 ຄົນ, ສອບເສັງ 4 ວິຊາຫຼັກ ຄື: ພາສາລາວ-ຫັດແຕ່ງ, ຄະນິດສາດ, ໂລກອອມຕົວ ແລະຂຽນທວາຍ. ຈາກນັ້ນ ທ່ານ ອຳຄາ ແກ້ງອຳພອນ ໄດ້ເໜັ້ນໜັກໃຫ້ຄະນະຮັບຜິດຊອບການເຝົ້າຫ້ອງສອບເສັງ ຕ້ອງມີຄວາມເຂັ້ມງວດ ຕາມລະບຽບຫລັກການ ສ່ວນນັກສອບເສັງ ຕ້ອງຕັ້ງໃຈຄົ້ນຄ້ວາຫົວບົດສອບເສັງ ແລະຕອບໃຫ້ທັນເວລາ ຮັບປະກັນໃຫ້ການສອບເສັງໃຫ້ໄດ້ຮັບຜົນດີ, ມີຄຸນ ນະພາບ, ຕອນທ້າຍ ທ່ານໄດ້ໃຫ້ກຽດເປີດຫົວບົດສອບເສັງຈົບຊັ້ນ ປໍ 5 ສົກປີ 2020-2021 ຢ່າງເປັນທາງການ.
ຂ່າວ ທ້າວສົມເພັດ ໄຊມີກອນ ນັກຂ່າວເມືອງໂພນທອງ.
Loading...