ຕອນເຊົ້າວັນທີ 25 ພະຈິກ 2022 ນີ້ເມືອງ ແລະ ແຂວງໄຊຍະບູລີ ຈັດກອງປະຊຸມ ສະມາຄົມພະນັກງານບໍານານ – ເສຍອົງຄະ ຄັ້ງທີ X ຂື້ນ ທີ່ຫ້ອງປະຊຸມຫ້ອງວ່າການເມືອງ ເປັນກຽດເຂົ້າຮ່ວມ ຂອງ ທ່ານ ນາງ ພິລາວັນ ອົງແກ້ວ ຄະນະປະຈໍາພັກເມືອງ ຮອງເຈົ້າເມືອງໄຊຍະບູລີ ຜູ້ຊີ້ນໍາວຽກງານຂົງເຂດວັດທະນະທໍາ-ສັງຄົມຂັ້ຮເມືອງ, ມີ ທ່ານ ແສງຈັນ ກັນທະວົງ ປະທານສະມາຄົມພະນັກງານບໍານານ- ເສຍອົງຄະ, ພະແນກແຮງງານ ສະຫວັດດີການ ແລະ ສັງຄົມ, ພະນັກງານອາຍຸໂສບໍານານ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.
ໃນກອງປະຊຸມ ທ່ານ ແສງຈັນ ກັນທະວົງ ປະທານສະມາຄົມພະນັກງານບໍານານ- ເສຍອົງຄະ ໄດ້ກ່າວເປີດກອງປະຊຸມຢ່າງເປັນທາງການ ພ້ອມທັງ ຜ່ານບົດສະຫຼຸບຕີລາຄາການເຄື່ອນໄຫວວຽກງານຂອງຂອງຄະນະສະມາຄົມພະນັກງານບໍານານ-ເສຍອົງຄະ ໃນໄລຍະ 5 ປີ ຜ່ານມາ ແລະ ທິດທາງແຜນການ 5 ປີ ຕໍ່ໜ້າ ທ່ານໃຫ້ຮູ້ວ່າ: ສະມາຄົມຂອງພະນັກງານບໍານານ-ເສຍອົງຄະ ແມ່ນອົງການຈັດຕັ້ງສັງຄົມໜຶ່ງໃນລະບອບການເມືອງ ປະ ຊາທິປະໄຕ ປະຊາຊົນ ເຊິ່ງຢູ່ພາຍໃຕ້ຄວາມຮັບຜິດຊອບຂອງຫ້ອງການແຮງງານ ສະຫວັດດີການ ແລະ ສັງຄົມ ເມືອງໄຊຍະບູລີ ມີພາລະບົດບາດເຕົ້າໂຮມເອົາພະນັກງານບໍານານ- ເສຍອົງຄະ ຝ່າຍປົກຄອງທີ່ກະສຽນອາຍຸພົ້ນລັດຖະການ ເພື່ອເຂົ້າສະມາຄົມ ແລະ ສ້າງຮ່າງກົດລະບຽບຂອງສະມາຄົມຂື້ນ ເປົ້າໝາຍຂອງສະ ມາຄົມ ແມ່ນສືບຕໍ່ເຮັດໜ້າທີ່ການສືກສາອົບຮົມການເມືອງແນວຄິດ ແລະ ເຕົ້າ ໂຮມຄວາມສາມັກຄີເປັນປືກແຜ່ນແໜ້ນ ໜາພາຍໃຕ້ຖັນແຖວພະນັກງານບໍານານ- ເສຍອົງຄະທຸກລະດັບສືບຕໍ່ພາລະກິດປະຕິວັດເສີມຂະຫຍາຍມູນເຊື້ອຮັກຊາດລະບອບໃຫມ່. ໃນກອງປະຊຸມໃຫຍ່ ຄັ້ງທີ IV ຂອງສະມາຄົມພະນັກງານບໍານານ, ເສຍອົງຄະໄດ້ຄັດເລືອກເອົາຄະນະບໍລິ ຫານຂອງສະມາຄົມ ຈໍານວນ 9 ທ່ານ, ຍິງ 1 ທ່ານ ແຕ່ລະທ່ານມີຄວາມຮັບຜິດຊອບຕາມພາລະບົດບາດ ສິດ ແລະ ໜ້າທີ່ ເຊີ່ງໃນກອງປະຊຸມ ແລະ ກົດລະບຽບຂອງສະມາຄົມໄດ້ກຳນົດອອກຢ່າງລະອຽດເພື່ອຄວາມສະດວກໃນການຄຸ້ມຄອງທາງສະມາຄົມໄດ້ຈັດຕັ້ງເປັນ 54 ໜ່ວຍຮ່ວມຊີວິດ ມາຮອດ ວັນທີ 14 ມັງກອນ 2021 ໄດ້ແຍກພາກສ່ວນ ປກສ, ປກຊ ອອກຈາກພະນັກງານບໍານານຝ່າຍປົກ ຄອງ ຕາມຂໍ້ຕົກລົງຂອງລັດຖະມົນຕິກະຊວງແຮງງານ ແລະ ສະຫວັດດີການສັງຄົມ ສະບັບເລກທີ 0202/ຮສສ, ລົງວັນທີ 22 ມັງກອນ 2020 ວ່າດ້ວຍການຄຸ້ມຄອງນາຍ ແລະ ພົນທະຫານ, ນາຍ ແລະ ພົນຕໍ່າຫຼວດ ທີ່ໄດ້ຮັບນະໂຍບາຍອູດໜູນບໍານານ- ເສຍອົງຄະ ຍ້ອນ ການສູ້ຮົບ ແລະ ຮັບໃຊ້ການສູ້ຮົບ ມາຮອດປະຈຸບັນມີສະມາຊິກສະມາຄົມທັງໝົດ 750 ທ່ານ, ຍິງ 305 ທ່ານ ໃນນັ້ນຄະນະຮາກຖານ 99 ທ່ານ, ຍິງ 05 ທ່ານ, ວຽກງານນະໂຍບາຍ ແລະ ເສດຖະກິດແກ້ໄຂຊີວິດການເປັນຢູ່ ເພື່ອຍົກສູງບົດບາດຂອງສະມາຄົມໃຫ້ສູງຂື້ນ ທາງສະມາຄົມໄດ້ວາງກົດລະບຽບ ລະດົມທືນຈາກສະມາຊີກ 100,000 ຕໍ່ຄົນ/ປີ ເຂົ້າເປັນເງີນກອງທືນສະມາຄົມ ເປົ້າໝາຍຂອງສະມາຄົມການນໍາໃຊ້ກອງທືນແມ່ນໃຊ້ຈ່າຍບໍລິຫານຂອງສະມາຄົມ, ຈ່າຍຊ່ວຍສະມາຄົມເວລາເຈັບເປັນນອນໂຮງໝໍ ແລະ ເສຍຊີວິດ ເຊິ່ງລາຍຮັບປະຈໍາ 5 ປີ ມີຈໍານວນ 429,305,404 ກີບ, ລາຍຈ່າຍ 378,393,000 ກີບ, ມາຮອດປະຈຸບັນມີເງີນເຫຼືອຕົວຈິງ 41 ,912,404 ກີບ ພ້ອມນັ້ນຍັງໄດ້ຮັບຟັງການຜ່ານກົດລະບຽບຂອງສະມາຄົມພະນັກງານບໍານານ- ເສຍອົງຄະ ແລະ ທ່ານ ແສງຈັນ ກັນທະວົງ ປະທານສະມາຄົມຊຸດເກົ່າຂື້ນລາໜ້າທີ່ ຈາກນັ້ນ ສະຖາບັນຈຸລະພາກ ສີນຊັບເມືອງເໜືອ ກໍ່ໄດ້ຂື້ນມີຄໍາເຫັນ ແລະ ອາທິບາຍການກູ້ຢືມເງີນ ຈາກສະຖາບັນດັ່ງກ່າວ ເຊິ່ງມີເງື່ອນໄຂໃຫ້ ສະມາຄົມພະນັກງານບໍານານ-ເສຍອົງຄະເຂົ້າຫາແຫຼ່ງທືນເພື່ອນໍາໄປສ້າງເສດຖະ ກິດໃຫ້ຄອບຄົວ ແລະ ໄດ້ຮັບຟັງ ການຜ່ານມະຕິແຕ່ງຕັ້ງພະນັກງານບໍານານ- ເສຍອົງຄະ ແລະ ປະທານກໍ່ໄດ້ມີຄໍາເຫັນໂອ້ລົມຕໍ່ກອງປະຊຸມ, ຄະນະສະມາຄົມພະນັກງານບໍານານ-ເສຍອົງຄະ ຂື້ນຮັບໜ້າທີ່ ແລະ ຮັບຄໍາໂອວາດ ໂດຍແມ່ນ ທ່ານ ແສງຈັນ ກັນທະວົງ ເປັນປະທານສະມາຄົມພະນັກງານບໍານານ-ເສຍອົງຄະຕື່ມອີກ.
ພາບ-ຂ່າວ: ລັດດາວອນ ແກ້ວໄພທູນ
