ກອງປະຊຸມພົບປະແລກປ່ຽນສອງຝ່າຍລະຫວ່າງຄະນະນຳ ເມືອງໄຊທານີ ນະຄອນຫຼວງວຽງຈັນ ແລະ ເມືອງຫົງເຫີ ແຂວງຢຸນນານ ສປ ຈີນ ຈັດຂຶ້ນວັນທີ 6 ມີນາ 2024 ຢູ່ຫ້ອງວ່າ ການ ເມືອງໄຊທານີ ເຊິ່ງນຳໂດຍທ່ານ ວຽງຄຳ ສີຫາໂຄດ ເລຂາພັກເມືອງ,ທັງເປັນເຈົ້າເມືອງໄຊທານີ ແລະ ທ່ານ ເສີນໂຢງຫົງ ເລຂາພັກເມືອງຫົງເຫີ.
ການພົບປະຄັ້ງນີ້ສອງຝ່າຍໄດ້ປຶກສາຫາລື ແລກປ່ຽນບົດ ຮຽນນຳກັນຫຼາຍດ້ານ ແລະໄດ້ລາຍງານສະພາບການພັດທະນາເສດຖະກິດ-ສັງຄົມໂດຍຫຍໍ້ ຂອງສອງຝ່າຍ ໃຫ້ກັບຊາບ, ເພື່ອເປັນການສືບຕໍ່ເສີມຂະຫຍາຍສາຍພົວພັນຮ່ວມມືທີ່ເປັນມູນ ເຊື້ອ ຕາມທິດການຮ່ວມມືແບບເພື່ອນມິດຍຸດທະສາດຮອບດ້ານ ໝັ້ນຄົງ ຍາວນານ ຕາມທິດ 4ດີ ແລະ ຄູ່ຮ່ວມຊະຕາກຳລາວ-ຈີນ ລະຫວ່າງສອງພັກ,ສອງລັດ ແລະປະຊາຊົນສອງຊາດລາວ-ຈີນ ໂດຍສະເພາະເມືອງມິດຕະພາບລະຫວ່າງສອງຝ່າຍໃຫ້ກ້າວສູ່ລວງເລິກຍິ່ງຂຶ້ນ , ສອງຝ່າຍໄດ້ລົງນາມບົດບັນທຶກການຮ່ວມມືໃນ 2 ຂະແໜງວຽກງານຄື: ວຽກງານວັດທະນະທຳ-ທ່ອງທ່ຽວ ແລະ ວຽກງານສົ່ງເສີມການລົງທຶນ ໂດຍການລົງນາມຂອງທ່ານ ຄຳພັນ ສຸລິຍະນັນ ຮອງເຈົ້າເມືອງໄຊທານີ ກັບ ທ່ານ ນາງ ຖານລຸ້ນ ຮອງເຈົ້າເມືອງຫົງເຫີ.
Cr: Vientiane Mai
