ຕາມການລາຍງານຂອງໜ່ວຍງານປູກຝັງ ແລະ ລ້ຽງສັດຂອງຫ້ອງການກະສິກໍາ-ປ່າໄມ້ເມືອງໄຊພູທອງ ແຂວງສະຫວັນນະເຂດ ໃນຄັ້ງວັນທີ 17 ມີຖຸນານີ້ ໃຫ້ຮູ້ວ່າ: ແຜນການປີ 2024 ການຜະລິດເຂົ້າໃນລະດູຝົນເນື້ອທີ່ 14.125,5 ເຮັກຕາ, ແນວປູກທັງໝົດ 847,53 ໂຕນ, ຄາດຄະເນສະມັດຕະພາບ 4,5 ໂຕນ/ເຮັກຕາ, ຄາດຄະເນຜົນຜະລິດ 63.564,75 ໂຕນ, ແຜນປູກພືດລະດູຝົນໄຫ້ໃດ້ 1.646,13 ເຮັກຕາ, ໃນລະບົບຊົນລະປະທານ 200 ເຮັກຕາ, ແຜນປັບນາເປັນໄຮ່ໃຫຍ່ 250 ເຮັກຕາ, ແຜນຂະຫຍາຍເນື້ອທີ່ນາ 73,04 ເຮັກຕາ, ແຜນຝຸ່ນຄອກ 15.740 ໂຕນ, ແຜນຝຸ່ນວິທະຍາສາດ+ຊີວະພາບ 3.488 ໂຕນ.
ມາຮອດປັດຈຸບັນນີ້ ທົ່ວເມືອງໄຊພູທອງ ຕົກກ້າໄດ້ທັງໝົດ 681 ໂຕນ, ເທົ່າກັບ 80,35% ຂອງແນວປູກທັງໝົດ 847,53 ໂຕນ. (ເພີ່ມໃນທິດນີ້ 150 ໂຕນ. ນາວ່ານ1.354 ເຮັກຕາ, ແນວປູກ 81,24 ໂຕນ, ເທົ່າກັບ 9,58% ຂອງແນວປູກທັງໝົດ 847,53 ໂຕນ. (ເພີ່ມໃນທິດນີ້ 462 ເຮັກຕາ)ນາຢອດ 582 ເຮັກຕາ, ແນວປູກ 34,92 ໂຕນ, ເທົ່າກັບ 4,12% ຂອງແນວປູກທັງໝົດ 847,53 ໂຕນ (ເພີ່ມໃນທິດນີ້ 62 ເຮັກຕາ) ລວມປະຕິບັດທັງໝົດ 797,16ໂຕນ, ເທົ່າກັບ 94,05% ຂອງແນວປູກທັງໝົດ 847,53 ໂຕນ. ແລະ ບາງເຂດທີ່ມີເງື່ອນໄຂກໍໄດ້ລົງມືປັກດໍາເຂົ້ານາປີແລ້ວ.
ສ່ວນການປູກພືດລະດູຝົນໃນລະບົບ ແລະ ນອກລະບົບໃດ້ 749,5 ເຮັກຕາ, ເທົ່າກັບ 45,53% ຂອງແຜນປີ 1.646,13 ເຮັກຕາ (ເພີ່ມໃນທິດນີ້ 102 ເຮັກຕາ) ສາລີຫວານ 58 ເຮັກຕາ, ໝາກຖົ່ວດິນ 53 ເຮັກຕາ, ໝາກເຜັດ 24 ເຮັກຕາ, ໝາກເຂືອ 19 ເຮັກຕາ, ໝາກແຕງ 21 ເຮັກຕາ, ໝາກຖົ່ວຍາວ 28 ເຮັກຕາ, ໝາກໂມ 2 ເຮັກຕາ, ມັນດ້າງ 5 ເຮັກຕາ, ໝາກເລັ່ນ 0,2 ເຮັກຕາ, ກ້ວຍ 39 ເຮັກຕາ, ໝາກຮຸ່ງ 3 ເຮັກຕາ, ມັນຕົ້ນ 409 ເຮັກຕາ, ພືດຜັກ 42 ເຮັກຕາ, ອ້ອຍ 46 ເຮັກຕາ. ມັນເພົາ 0,3ເຮັກຕາ. ໄປຄຽງຄູ່ກັບວຽກງານຄຸ້ມຄອງ ແລະ ພັດທະນາທີ່ດິນ ການປັບນາໄຮ່ນ້ອຍເປັນໄຮ່ໃຫຍ່ໃດ້ 355,5 ເຮັກຕາ, ເທົ່າກັບ 142,4% ຂອງແຜນປີ 250 ເຮັກຕາ. ເພີ່ມທິດນີ້ 27 ເຮັກຕາ. ນາຊ່າວໃໝ່ໃດ້ 41,5 ເຮັກຕາ, ເທົ່າກັບ 21,61% ຂອງແຜນປີ 192 ຮຕ. ເພີ່ມທິດນີ້ 15 ເຮັກຕາ. ຂົນຝຸ່ນຄອກໃສ່ນາໄດ້ 12.837 ໂຕນ, ເທົ່າກັບ 81,47% ຂອງແຜນປີ 15.755 ເຮັກຕາ.
(ຂ່າວ-ພາບ: ພັນທະມິດ ວົງສຸທິ)
