ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ເມືອງໄຊເຊດຖາ ນະຄອນຫລວງວຽງຈັນ ເລີ່ມຈັດຕັ້ງປະຕິບັດການເຮັດທົດລອງວຽກງານຈັດສັນ ຄວາມເປັນລະບຽບຕາມສາຍທາງ

ຕອນເຊົ້າວັນທີ 08 ກຸມພາ 2018 ນີ້ ຫ້ອງການໂຍທາທິການ ແລະ ຂົນສົ່ງເມືອງໄຊເຊດຖາ ຮ່ວມ ກັບກອງຮ້ອຍ ຈາລະຈອນເມືອງໄຊເຊດຖາ ນະຄອນຫລວງວຽງຈັນ, ນຳໂດຍ ທ່ານ ທະວີໄຊ ໄຊປະ ເສີດ ຫົວຫນ້າຫ້ອງການໂຍທາທິການ ແລະ ຂົນສົ່ງເມືອງ ໄດ້ລົງຕິດຕາມການປະຕິບັດ ວຽກງານການຈັດສັນ ຄວາມເປັນ ລະບຽບຮຽບຮ້ອຍພາຍໃນເມືອງ

  ທ່ານ ທະວີໄຊ ໄຊປະເສີດ ໃຫ້ສຳພາດວ່າ: ສຳລັບວຽກງານຈັດສັນຄວາມເປັນລະບຽບ ຮຽບຮ້ອຍ ພາຍໃນເມືອງໄຊເຊດຖາ ແມ່ນມີ 5 ເສັ້ນທາງສາຍຫລັກຈະຕ້ອງໄດ້ຈັດສັນຄືນໃຫມ່  ໃນນີ້ໄດ້ກຳນົດ ເອົາ 2 ເສັ້ນທາງເປັນການເຮັດທົດລອງ ຄື: ຈຸດທີ່ 1 ນັບແຕ່ວົງວຽນທາດຫລວງ ຫາ 4 ແຍກ ໄຟອຳ ນາດທາດຫລວງ ຈົນຮອດ 4ແຍກໄຟອຳນາດຫລັກ 6 ເຊີ່ງໄດ້ຈັດຕັ້ງປະຕິບັດ ເປັນທີ່ຮຽບ ຮ້ອຍແລ້ວ ຈຸດທີ່ 2 ນັບແຕ່ສາມແຍກຂົວຮ່ອງແຊງ ຫາ 4 ແຍກໄຟອຳນາດໂພນທັນ ເຊີ່ງໄດ້ຈັດຕັ້ງປະຕິບັດ ໃນຕອນເຊົ້າ ວັນທີ 08 ກຸມພາ 2018 ນີ້, ໂດຍໄດ້ເກັບກຳຂໍ້ມູນຮ້ານຄ້າ,  ການປຸກເທີບ ການຈອດລົດ ຊະຊາຍ ລວມເຖິງການຕິດຕັ້ງປ້າຍຕ່າງໆ ພາຍຫລັງໄດ້ຂໍ້ມູນແລ້ວຈະນຳໄປຜ່ານໃນ ກອງປະຊຸມ ຮ່ວມ ກັບເຈົ້າເມືອງ ເພື່ອປຶກສາຫາລື ແລະ ຊອກຫາແນວທາງແກ້ໄຂ.

 

ທ່ານ ທະວີໄຊ ໄຊປະເສີດ ໃຫ້ຮູ້ຕື່ມວ່າ : ວຽກງານຈັດສັນຄວາມເປັນລະບຽບ ຮຽບຮ້ອຍພາຍ ໃນເມືອງໄຊເສດຖາແມ່ນວຽກງານຫລັກ ໂດຍຜ່ານການຮ່ວມມືຈາກ ຫ້ອງວ່າການປົກຄອງເມືອງ, ຫ້ອງການໂຍທາທິການ ແລະ ຂົນສົ່ງເມືອງ ເຈົ້າຫນ້າທີ່ຕຳຫລວດຈາລະຈອນ ຫ້ອງການການຄ້າເມືອງ ຫ້ອງການວັດທະນາທຳ ຕະຫລອດຮອດອຳນາດການປົກຄອງບ້ານ ແລະ ພະນັກງານທ້ອງຖິ່ນຮາກ ຖານ ພ້ອມກັນປະຕິບັດວຽກງານນີ້ ເປັນເວລາ 3 ເດືອນ ຄາດວ່າຈະສຳເລັດໃນເດືອນພຶດສະພາປີນີ້  ເພື່ອຄວາມເປັນລະບຽບຮ້ອຍໃນຕົວເມືອງ ພ້ອມທັງປະກອບສ່ວນສົ່ງເສີມການທ່ອງທ່ຽວ ໃນໂອກາດ ປີທ່ອງທ່ຽວລາວ 2018.