ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ເມືອງໄຊເສດຖາແຂວງອັດຕະປື ພົບຜູ້ຕິດເຊື້ອໄຂ້ຍຸງລາຍ 90 ກໍລະນີ

ແຂວງອັດຕະປື ເປັນແຂວງໜຶ່ງທີ່ພົບມີຜູ້ຕິດເຊື້ອໄຂ້ຍຸງລາຍ ຫຼາຍທີ່ສຸດ ໃນນັ້ນ ຢູ່ 5 ເມືອງຂອງແຂວງອັດຕະປື ພົບຜູ້ຕິດເຊື້ອພະຍາດໄຂ້ຍຸງລາຍ ສູງກ່ວາໜູ່ແມ່ນເມືອງໄຊເສດຖາ ມີເຖິງ 90 ກໍລະນີ ແຕ່ບໍ່ມີກໍລະນີເສຍຊີວິດ.

ດ໋ອກເຕີ ວົງອາໄພ ວົງຊາລະສິດ ຫົວໜ້າຫ້ອງການສາທາລະນະສຸກເມືອງ ໄຊເສດຖາ ແຂວງອັດຕະປື ໄດ້ໃຫ້ຮູ້ວ່າ: ປະຈຸບັນນອກຈາກວຽກສະກັດກັ້ນແລະຄວບຄຸມການແຜ່ລະບາດຂອງເຊື້ອພະຍາດໂຄວິດ-19 ແລ້ວ ຍັງໄດ້ເພີ້ມທະວີສຸມໃສ່ໃນການປ້ອງກັນ ແລະຄວບຄຸມການຕິດເຊື້ອຂອງພະຍາດໄຂຍຸງລາຍໄປພ້ອມກັນ, ໂດຍໄດ້ມີການແຕ່ງຕັ້ງ ແບ່ງຄວາມຮັບຜິດຊອບໃຫ້ ພະນັກງານສາທາເມືອງ ໂຮງໝໍເມືອງ ແລະສຸກສາລາເມືອງເປັນບ່ອນຕິດຕາມ ກວດກາ ແລະໄດ້ສົ່ງວິຊາການສາທາລະນະສຸກ ລົງໄປ ເຮັດ ສຸຂະສຶກສາໃຫ້ຄວາມຮູ້, ນຳພາປະຊາຊົນ ທໍາລາຍແຫຼງເພາະພັນຂອງຍຸງລາຍ.

ດ໋ອກເຕີ ວົງອາໄພ ວົງຊາລະສິດ ຍັງໄດ້ຮຽກຮ້ອງໃຫ້ປະຊາຊົນຈົ່ງເປັນເຈົ້າການໃນການທໍາລາຍແຫຼງພັນພັນຂອງຍຸງລາຍ ແລະປ້ອງກັນຕົນເອງ, ນອນໃນມຸງ ພ້ອມປະຕິບັດຕາມຫຼັກການ 5 ປໍ ທີ່ກະຊວງສາທາວາງອອກ.

 

ຂ່າວ ອູ່ທອງ