ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ເມືອງໝື່ນ ແຂວງວຽງຈັນ ຈັດກອງປະຊຸມເຜີຍແຜ່ກົດລະບຽບກອງທຶນປະກັນສຸກຂະພາບແຫ່ງຊາດ

ກອງປະຊຸມເຜີຍແຜ່ກົດລະບຽບກອງທຶນປະກັນສຸກຂະພາບແຫ່ງຊາດ ຈັດຂຶ້ນໃນວັນທີ 9 ມັງກອນ 2019 ທີ່ສະໂມສອນໃຫຍ່ຫ້ອງວ່າການປົກຄອງເມືອງໝື່ນ ແຂວງວຽງຈັນ.ພາຍໃຕ້ການເປັນປະທານຂອງທ່ານ ພອນເທີດ ສຸຫວັດດີ  ຮອງເຈົ້າເມືອງ – ເມືອງໝື່ນ , ມີທ່ານ ນາງ ວະໄລລັກ ຂາວປະເສີດ ຫົວໜ້າຫ້ອງການປະກັນສຸຂະພາບແຫ່ງຊາດ ເເຂວງວຽງຈັນ, ມີພະນັກງານຈາກເເຂວງ, ຫ້ອງການອ້ອມຂ້າງເມືອງ ແລະ ວິຊາການຈາກຫ້ອງການສາທາລະນະສຸກເມືອງເຂົ້າຮ່ວມຮັບຟັງ.

ທ່ານ ພອນເທີດ ສຸຫວັດດີ  ໄດ້ໃຫ້ກຽດໂອ້ລົມ ຍົກໃຫ້ເຫັນຄວາມໝາຍຄວາມສຳຄັນ ຂອງກອງທຶນປະກັນສຸຂະພາບແຫ່ງຊາດ ພ້ອມທັງກ່າວໄຂກອງປະຊຸມຢ່າງເປັນທາງການ ຈາກນັ້ນ ທ່ານ ນາງ ວະໄລລັກ ຂາວປະເສີດ  ໄດ້ຜ່ານບົດບັນທຶກ ວ້າດ້ວຍ: ການເຮັດທົດລອງການໂຮມວຽກປະກັນສຸຂະພາບ ຂອງກອງທຶນປະກັນສັງຄົມແຫ່ງຊາດ ເຂົ້າກັບກອງທຶນປະກັນສຸຂະພາບແຫ່ງຊາດ.  ເພື່ອເປັນການໂຮມ 2 ລະບົບປະກັນສຸຂະພາບ ເຂົ້າກັນໃຫ້ບັນລຸຕາມນະໂຍບາຍຂອງລັດຖະບານກໍ່ຄືເນື້ອໃນຈິດໃຈຂອງດຳລັດ 470/ນຍ ແລະ ປັບປຸງໃຫ້ເປັນມາດຕະຖານດຽວກັນ ທາງດ້ານການບໍລິການປິ່ນປົວ,ດ້ານຜົນປະໂຫຍດ ແລະ ດ້ານກົນໄກການຈ່າຍເງິນ ໃຫ້ສະຖານທີ່ບໍລິການປິ່ນປົວ ເພື່ອຊອກໃຫ້ເຫັນດ້ານຕັ້ງໜ້າທີ່ຄວນສົງເສີມ ແລະ ດ້ານຫຍຸ້ງຍາກ,ຄົງຄ້າງ ທີ່ຄວນປັບປຸງແກ້ໄຂ ຂອງການຮ່ວມຕົວ ເປັນຕົ້ນຂໍ້ມູນ ແລະ ຫຼັກຖານ ດ້ານການຊົມໃຊ້ການບໍລິການ,ການຈ່າຍເງິນ ທົດແທນໃຫ້ແກ່ໂຮງໝໍ ເພື່ອນຳໃຊ້ເຂົ້າໃນການສ້າງ ແລະ ປັບປຸງການສ້າງນິຕິກຳຄຸ້ມຄອງ ບໍລິຫານກອງທຶນ ແລະ ວຽກງານປະກັນສຸຂະພາບໃຫ້ແທດເໝາະກັບຄວາມເປັນຈິ່ງ. ກອງປະຊຸມຍັງໄດ້ຮັບຟັງການເຜີຍແຜ່ ຄຳສັ່ງເເນະນຳ ສະບັບເລກທີ 0476/ສທ ,ລົງວັນທີ 16 ພຶດສະພາ 2018 ກ່ຽວກັບກົນໄກການເກັບເງິນສົມທົບ,ການຈ່າຍເງິນ ແລະ ການຄິດໄລອັດຕາຄ່າບໍລິການສຳລັບກອງທຶນປະກັນສຸຂະພາບແຫ່ງຊາດ ຈາກທ່ານ ນາງ ວະໄລລັກ ຂາວປະເສີດ ຫົວໜ້າຫ້ອງການປະກັນສຸຂະພາບແຫ່ງຊາດເເຂວງວຽງຈັນ ຕື່ມອີກ.

ຂ່າວ ແຫວນຄຳ