ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປປ ລາວ ປະທານປະເທດ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ສະຫາຍ ຫງວ໋ຽນ ຮວາ ບິງ ປະທານສານປະຊາຊົນສູງສຸດ ແຫ່ງ ສສ ຫວຽດນາມ ພ້ອມດ້ວຍຄະນະທີ່ຫ້ອງວ່າການສູນກາງພັກ ໃນຕອນແລງທີ12 ສິງຫາ 2022 ນີ້ ເນື່ອງໃນໂອກາດທີ່ເດີນທາງມາເຂົ້າຮ່ວມກອງປະຊຸມສານ ບັນດາແຂວງທີ່ມີຊາຍແດນຕິດຈອດກັນ 3 ປະເທດ ສປປ ລາວ, ສສ ຫວຽດນາມ ແລະ ຣາຊະອານາຈັກກໍາປູເຈຍ ຄັ້ງທີ VI ໃນລະຫວ່າງ ວັນທີ 9-13 ສິງຫານີ້ ທີ່ນະຄອນຫຼງວຽງຈັນ.
ໂອກາດດັ່ງກ່າວ, ສະຫາຍເລຂາທິການໃຫຍ່ ປະທານປະເທດເຮົາ ໄດ້ກ່າວສະແດງຄວາມຕ້ອນຮັບຊົມເຊີຍຕໍ່ ສະຫາຍ ຫງວ໋ຽນ ຮວາ ບິງ ພ້ອມຄະນະທີ່ໄດ້ເດີນທາງມາຮ່ວມກອງປະຊຸມທີ່ ສປປ ລາວ ເປັນເຈົ້າພາບຈັດ, ສຸດທີ່ມີຄວາມໝາຍສຳຄັນ ເປັນການປະກອບສ່ວນເຂົ້າໃນການເພີ່ມທະວີຮັດແໜ້ນສາຍພົວພັນມິດຕະພາບອັນເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ-ສອງລັດ ແລະ ປະຊາຊົນສອງຊາດລາວ-ຫວຽດນາມ ກໍຄືການພົວພັນຮ່ວມມືຊ່ວຍເຫຼືອຊຶ່ງກັນແລະ ກັນລະຫວ່າງສານປະຊາຊົນສອງປະເທດ ລາວ-ຫວຽດນາມ ໃຫ້ນັບມື້ແໜ້ນແຟ້ນຍິ່ງຂຶ້ນ.
ຂ່າວ: ພູວຽງຄຳ – ພາບ: ຫ້ອງວ່າການສູນກາງພັກ
Loading...