ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ທ່ານ ນ. ຟັດມາ ຊາມູຣາ ( Fatma Samba Diouf Samoura ) ເລຂາທິການ ສະຫະພັນບານເຕະສາກົນ (FIFA) ພ້ອມດ້ວຍຄະນະ ໄດ້ເດີນທາງຢ້ຽມຢາມສໍານັກງານສະຫະພັນບານເຕະແຫ່ງຊາດລາວ ໃນຕອນເຊົ້າ ວັນທີ29 ພະຈິກ 2023, ໂດຍການໃຫ້ກຽດຕ້ອນຮັບຂອງ ທ່ານ ວີເພັດ ສິຫາຈັກຣ ປະທານ ສະຫະພັນບານເຕະແຫ່ງຊາດລາວ ພ້ອມດ້ວຍທ່ານ ນ. ກັນຍາ ແກ້ວມະນີ ເລຂາທິການ ສະຫະພັນບານເຕະແຫ່ງຊາດລາວ ແລະ ທ່ານ ຈັນທະວົງ ສິລິມະໂນທຳ ຮອງເລຂາທິການສະ ຫະພັນບານເຕະແຫ່ງຊາດລາວ.
ການມາຢ້ຽມຢາມຂອງທ່ານ ນ. ຟັດມາ ຊາມູຣາ ພ້ອມຄະນະຄັ້ງນີ້ແມ່ນຕອບສະໜອງຕາມການເຊີນຂອງຄະນະນຳສະຫະພັນບານເຕະແຫ່ງຊາດລາວ ເພື່ອເຂົ້າຮ່ວມພິທີເປີດໂຄງການກິລາບານເຕະໃນໂຮງຮຽນ FIFA FOOTBALL FOR SCHOOLS ໂດຍຈະເປີດຢ່າງເປັນທາງການໃນຕອນເຊົ້າ ວັນທີ 30 ພະຈິກ 2023 ທີ່ສູນຝຶກຈໍາປີ – ຈໍາປາຂອງສະຫນາມກິລາແຫ່ງຊາດລາວ.
ໂຄງການດັ່ງກ່າວເປັນໂຄງການຮວ່ມມືໄລຍະຍາວລະຫວ່າງ ສະຫະພັນບານເຕະນາໆຊາດ ຫຼື FIFA ກັບສະຫະພັນບານເຕະແຫ່ງຊາດລາວ ແລະ ກົມກິລາມວນຊົນ, ພະລະ ແລະ ສິລະປະຂອງກະຊວງສຶກສາທິການແລະກິລາ ເພື່ອເປົ້າໝາຍພັດທະນາບານເຕະລະດັບເຍົາວະຊົນລາວໃຫ້ກ້າວສູ່ລະດັບພາກພື້ນແລະສາກົນ.
Cr: ສຕລ