ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ທ່ານ ນາງ ສີພາພອນ ມະນີວັນ, ຫົວໜ້າກົມສຶກສາກ່ອນໄວຮຽນ ກະຊວງສຶກສາທິ ການແລະກິລາ ໃຫ້ສໍາພາດຕໍ່ສື່ມວນຊົນໃນໂອກາດທີ່ລາວເປັນເຈົ້າພາບຈັດກອງປະຊຸມພາກພື້ນອາຊຽນ ກ່ຽວກັບການຮັບປະກັນການເຂົ້າເຖິງຄຸນນະພາບຂອງການເບິ່ງແຍງ ແລະ ການສຶກສາເດັກກ່ອນໄວຮຽນ ຈັດຂຶ້ນຢູ່ນະຄອນຫລວງວຽງຈັນ ເມື່ອບໍ່ດົນມານີ້ວ່າ: ເດັກນ້ອຍຢູ່ກັບເຕັກໂນໂລຊີທີ່ທັນສະໄໝ ໂດຍສະເພາະໂທລະສັບມືຖືຫລາຍເກີນໄປ ເຮັດໃຫ້ມີພັດທະນາການຫລ້າຊ້າ ແມ່ນບັນຫາສໍາຄັນໜຶ່ງທີ່ກະຊວງສຶກ ສາທິການ ແລະ ກິລາ ພວມແກ້ໄຂເພາະປັດຈຸບັນ ເດັກນ້ອຍຫັນ ໄປໃຊ້ເຕັກໂນໂລຊີພວກນ້ອຍຫລາຍເກີນໄປ.
ຕໍ່ບັນຫາດັ່ງກ່າວ, ກົມສຶກສາກ່ອນໄວຮຽນ ບໍ່ໄດ້ນິ້ງນອນໃຈ ແລະ ໄດ້ຫາວິທີແກ້ໄຂຢ່າງຕໍ່ເນື່ອງດ້ວຍການຊອກຫາເດັກທີ່ມີພັດທະນາການຊ້າ ແລະ ສົ່ງເສີມເຂົາເຈົ້າ ເພາະທາງກະຊວງມີສູນສົ່ງເສີມການສຶກສາຮຽນຮ່ວມ ເພື່ອສ້າງໃຫ້ຄູສອນມີຄວາມເຂົ້າໃຈ ແລະ ສາມາດຊ່ວຍເຫຼືອເດັກດັ່ງກ່າວ, ທັງແນະນໍາໃຫ້ຜູ້ປົກຄອງມີຄວາມເຂົ້າໃຈຕໍ່ເດັກເຫລົ່ານີ້ໃຫ້ຫລາຍຂຶ້ນ ໂດຍໄດ້ເຮັດວຽກຮ່ວມກັບພາກເອົາກະຊົນ ແລະ ບັນດາອົງການຈັດຕັ້ງສາກົນທີ່ກ່ຽວຂ້ອງ.
ທ່ານກ່າວຢໍ້າວ່າ: ເດັກນ້ອຍຢູ່ກັບເຕັກໂນໂລຊີທີ່ທັນສະໄໝຫລາຍເກີນໄປ ແມ່ນສາມາດແກ້ໄຂຮ່ວມກັນໄດ້ ເຊິ່ງທາງກະຊວງ ແລະ ພາກສ່ວນກ່ຽວຂ້ອງມີການປຶກສາຫາລືກັນຢ່າງຕໍ່ເນື່ອງ. ປັດຈຸບັນ ກະຊວງສຶກສາທິການ ແລະ ກິລາ ກໍາລັງຮ່າງດໍາລັດວ່າດ້ວຍການສຶກສາກ່ອນໄວຮຽນ, ເຊິ່ງທຸກຢ່າງໄດ້ມີແຜນ, ມີນະໂຍບາຍ ແລະ ໂຄງການທີ່ຈະຊ່ວຍບັນຫາທີ່ເກີດຂຶ້ນກັບເດັກນ້ອຍ. ແຕ່ສິ່ງສໍາຄັນຮຽກຮ້ອງມາຍັງຄູ່ຮ່ວມພັດທະນາທັງພາກລັດແລະເອກະຊົນ ຄະນະພັດທະນາການສຶກສາຂັ້ນບ້ານ ລວມເຖິງພໍ່ແມ່ຜູ້ປົກຄອງ ຕ້ອງເປັນເຈົ້າການຮ່ວມກັນ.
May be an image of 1 person and dais