ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ທ່ານ ພວງເພັດ ສາຍທອງ ຮອງຫົວໜ້າຫ້ອງການໂຍທາທິການ ແລະ ຂົນສົ່ງເມືອງເຟືອງ ແຂວງວຽງຈັນ ໃຫ້ຮູ້ວ່າ: ໂຄງການກໍ່ສ້າງຂົວເບເລ່ຂ້າມນ້ຳລີກ ຈຸດບ້ານເມືອງເຟືອງ – ບ້ານແກ້ງຊຽງ ເມືອງເຟືອງ ແຂວງວຽງຈັນ ໂດຍແມ່ນບໍລິສັດ ຜາແດງຮຸ່ງເຮືອງ ຈຳກັດຜູ້ດຽວ ເປັນຜູ່ຮັບເໝົາກໍ່ສ້າງ. ຂົວດັ່ງກ່າວ, ມີລວງກວ້າງ 4,50 ແມັດ, ຍາວ 82,30 ແມັດ. ໂຄງການນີ້ ຖືກສຳຫຼວດອອກແບບ ໂດຍເຈົ້າຂອງໂຄງການຄື: ພະແນກໂຍທາທິການ ແລະ ຂົນສົ່ງແຂວງວຽງຈັນ ແລະ ມອບໃຫ້ບໍລິສັດ ຜາແດງ ຮຸ່ງເຮືອງ ລົງມືກໍ່ສ້າງ ນັບແຕ່ ວັນທີ 7 ມີນາ 2024 ເປັນຕົ້ນມາ ຊຶ່ງມີກຳນົດເວລາໃນການກໍ່ສ້າງໃຫ້ສຳເລັດພາຍໃນ 36 ເດືອນ (3 ປີ) ລວມມູນຄ່າການກໍ່ສ້າງທັງໝົດ 11 ຕື້ ກ່ວາກີບ ໂດຍແມ່ນທຶນຂອງລັດຖະບານ 100%.
ປັດຈຸບັນ ບໍລິສັດຮັບເໝົາກໍາລັງກໍ່ສ້າງຮາກຖານຂົວ (ພາກສ່ວນລຸ່ມຂອງຂົວ). ໃນໄລຍະຜ່ານມາ ການສັນຈອນໄປ-ມາ ຂອງປະຊາຊົນທັງສອງຝັ່ງນ້ຳລີກ ແມ່ນພົບຄວາມຫຍຸ້ງຍາກຫຼາຍ ເນື່ອງຈາກຕ້ອງໄດ້ນຳໃຊ້ເຮືອບັກ ເປັນພາຫະນະໃນການນຳສົ່ງລົດ – ຄົນ, ສ້າງຄວາມຫຼ້າຊ້າ ແລະ ຫຍຸ້ງຍາກໃນການໄປມາ.
ຖ້າຂົວດັ່ງກ່າວນີ້, ກໍ່ສ້າງສຳເລັດ ຈະອຳນວຍຄວາມສະດວກໃຫ້ແກ່ ພໍ່ແມ່ປະຊາຊົນຈຳນວນ 7 ໝູ່ບ້ານທີ່ຢູ່ໃກ້ຄຽງໃຫ້ສາມາດໄປ-ມາໄດ້ສະດວກສະບາຍກວ່າເກົ່າ.
ຖ້າຂົວດັ່ງກ່າວນີ້, ກໍ່ສ້າງສຳເລັດ ຈະອຳນວຍຄວາມສະດວກໃຫ້ແກ່ ພໍ່ແມ່ປະຊາຊົນຈຳນວນ 7 ໝູ່ບ້ານທີ່ຢູ່ໃກ້ຄຽງໃຫ້ສາມາດໄປ- ມາໄດ້ສະດວກສະບາຍກວ່າເກົ່າ.