ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ລາຍງານຂ່າວຈາກແຂວງຄຳມ່ວນ ລາຍງານວັນທີ 17 ມິຖຸນາ 2024 ວ່າ: ທ່ານ ພອນທິບ ພະບໍລິບູນ ທີ່ປຶກສາປະຈໍາໂຄງການເສັ້ນທາງເລກ 8 ໃຫ້ສຳພາດກ່ຽວກັບກັບການຟູຟື້ນສ້ອມແປງເສັ້ນທາງເລກ 8 ວ່າ ບໍລິສັດໄດ້ສົ່ງທີມງານເຂົ້າມາຈັດຕັ້ງປະຕິບັດນັບແຕ່ວັນທີ 7 ເດືອນມີນາຈົນມາຮອດປັດຈຸບັນ. ສ່ວນຈຸດທີ່ຈະຕ້ອງໄດ້ມີການກໍ່ສ້າງສ້ອມແປງຄືນແມ່ນ ນັບແຕ່ກິໂລແມັດ 42 + 800 – 50 + 800 ລວມໄລຍະທາງທີ່ຈະຕ້ອງສ້ອມແປງແມ່ນ 8 ກິໂລແມັດ ແລະ ຈຸດທີ່ເປັນບວກເປັນຂຸມແມ່ນໄລຍະກິໂລແມັດທີ 52 + 200 – 52+325 ແລະ 50 ແມັດ ໂດຍນຳໃຊ້ເຄື່ອງກົນຈັກເຂົ້າມາປະຈໍາ 23 ຄັນ, ທີມງານສໍາຫລວດລວມທັງໝົດ 7 ຄົນ, ປະຕິບັດທັງສາມວຽກຄື ວຽກພາກສະຫລຸບ, ວຽກສໍາຫລວດ – ອອກແບບ ແລະ ທໍາການກໍ່ສ້າງໄປພ້ອມໆກັນ ມາຮອດປັດຈຸບັນ ພວມເລັ່ງເອົາດິນອອກຈາກຈຸດທີ່ມີດິນເຈື່ອນ ແລະ ຈຸດທີ່ມີຄວາມຫຍຸ້ງຍາກເພື່ອອໍານວຍຄວາມສະດວກໃຫ້ການສັນຈອນ ຂົນສົ່ງສິນຄ້າ ໃນລະດູຝົນນີ້, ດັ່ງນັ້ນໃນໄລຍະຂອງການກໍ່ສ້າງອາດຈະສົ່ງຜົນກະທົບການຕໍ່ການເດີນທາງ.
ຕາມແຜນການການກໍ່ສ້າງຈະໃຊ້າວລາ 24ເດືອນ, ແຕ່ບໍລິສັດຈະພະຍາຍາມປັບໄລຍະເວລາລົງມາໃຫ້ຍັງເຫລືອ 1 ປີ 3 ເດືອນແຕ່ກໍຕ້ອງເບິ່ງຕາມສະພາບຄວາມເປັນຈິງຂອງສະພາບແວດລ້ອມດິນຟ້າອາກາດໃນເວລາກໍ່ສ້າງຕື່ມອີກ.