ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ເລີ່ມແລ້ວການແຂ່ງຂັນບານເຕະຊີງຂັນເຈົ້າແຂວງຫຼວງພະບາງປະຈຳປີ 2020

ໃນວັນທີ່ 18 ມັງກອນຜ່ານມານີ້, ທີ່ເດີ່ນກິລາແຂວງ, ບ້ານນາຫຼວງ, ນະຄອນຫຼວງພະບາງ, ໄດ້ຈັດພິທີເປີດການແຂ່ງຂັນກິລາບານເຕະ ຊິງຂັນເຈົ້າແຂວງໆຫຼວງພະບາງ, ໂດຍມີທັງໝົດ 9 ທີມເຂົ້າຮ່ວມແຂ່ງຂັນ, ແບ່ງອອກເປັນ 2 ສາຍ ໃນນັ້ນ ສາຍ ກໍ ປະກອບມີ LPG, ໂລດວູດ, ທະນາຄານແຂວງຫຼວງພະບາງ, ພະຍາອີນຊີ ແລະນອກກອບ, ແລະ ສ່ວນສາຍ ຂໍ ປະກອບມີ: ພະຍັກ, ທອງສະຫວັດສອນການຂັບຂີ່, ເມືອງໂພນໄຊ ແລະໄຟຟ້າສາຂາແຂວງຫຼວງພະບາງ. ສຳລັບກະຕິກາການແຂ່ງຂັນແມ່ນຈັດໃນຮູບແບບພົບກັນໝົດພາຍໃນສາຍ ແລ້ວຂັດເລືອກເອົາທີ່ 1 ແລະທີ່ 2 ຂອງສາຍເຂົ້າໄປຫຼີ້ນໃນຮອບຮອງຊະນະເລີດຕໍ່ໄປ. ສໍາລັບໃນຕອນບ່າຍຂອງວັນທີ່ 18 ມັງກອນຜ່ານມາ, ມີການແຂ່ງຂັນ 2 ຄູ່ຄື: ຄູ່ທີ່ 1 ແມ່ນ LPG ພົບກັບ ໂລດວູດ ຜົນປະກົດວ່າ: LPG ເອົາຊະນະ 4 ປະຕູຕໍ່ 0; ສ່ວນຄູ່ທີ່ 2 ແມ່ນ ທະນາຄານແຂວງຫຼວງພະບາງ ພົບກັບ ພະຍາອີນຊີ ຜົນປະກົດວ່າທະນາຄານແຂວງ ເອົາຊະນະ 10 ປະຕູຕໍ່ 2. ຕອນບ່າຍວັນທີ່ 19 ມັງກອນມີແຂ່ງຂັນ 2 ຄູ່, ຄູ່ທີ່ 1 ພະຍັກ ພົບກັບ ທອງສະຫວັດ ສອນການຂັບຂີ່ຜົນປະກົດວ່າ ພະຍັກ ຊະນະ 2 ປະຕູຕໍ່ 1, ຄູ່ທີ່ 2 ແມ່ນເມືອງໂພນໄຊ ພົບກັບ ໄຟຟ້າສາຂາແຂວງຫຼວງພະບາງ, ຜົນປະກົດວ່າເມືອງໂພນໄຊ ເສຍ 0 ປະຕູຕໍ່ 3. ສຳລັບຕາຕະລາງການແຂ່ງຂັນໃນອາທິດນີ້ ຈະມີການແຂ່ງຂັນໃນວັນພຸດທີ່ 22 ມັງກອນ 2 ຄູ່ ໂດຍທະນາຄານແຂວງຫຼວງພະບາງ ຈະພົບກັບ LPG, ພະຍາອີນຊີ ຈະພົບກັບ ນອກກອບ ແລະ ໃນວັນພະຫັດທີ່ 23 ມັງກອນ, ກໍ່ມີ 2 ຄູ່ ໂດຍທອງສະຫວັດສອນການຂັບຂີ່ ຈະພົບກັບ ໄຟຟ້າສາຂາແຂວງຫຼວງພະບາງ, ແລະ ພະຍັກ ຈະພົບກັບເມືອງໂພນໄຊ.

ຂ່າວ: ອາພຸດເດດ ບຸບຜາ