ທ່ານ ໄຊສົມພັນ ລີເຕັງເບຣຍຈື ຫົວໜ້າພະແນກໂຍທາທິ ການ ແລະ ຂົນສົ່ງ ແຂວງໄຊສົມບູນ ໄດ້ໃຫ້ສຳພາດເມື່ອບໍ່ດົນມານີ້ວ່າ: ເນື່ອງຈາກວ່າຝົນຕົກໜັກຕິດຕໍ່ກັນເປັນເວລາຫລາຍມື້ໃນໄລຍະຜ່ານມາ ເຮັດໃຫ້ເສັ້ນທາງແຕ່ຂົວນໍ້າຍອນ ເມືອງອະນຸວົງ ຫາບ້ານຜາແຂະ ເມືອງລ້ອງແຈ້ງ ໄລຍະ 13 ກິໂລແມັດ ໄດ້ຮັບຜົນກະທົບ ເປ່ເພ ຫລາຍສົມຄວນ ເຮັດໃຫ້ການສັນຈອນ ໂດຍສານລະຫວ່າງເມືອງລ້ອງແຈ້ງ ຫາເທສະບານແຂວງ ແລະ ບັນດາແຂວງອ້ອມຂ້າງ, ການຂົນສົ່ງແຮ່ ແລະ ປະຊາຊົນທີ່ໃຊ້ເສັ້ນທາງນີ້ ເພື່ອໄປທຳການຜະລິດ ພົບກັບຄວາມຫຍຸ້ງຍາກຫລາຍ.
ປັດຈຸບັນ ພະແນກໂຍທາທິການ ແລະ ຂົນສົ່ງ ແຂວງໄຊສົມ ບູນ ພວມເລັ່ງປັບປຸງ ສ້ອມແປງເສັ້ນທາງຫລວງແຫ່ງຊາດ 5A ແຕ່ຂົວນໍ້າຍອນ ເມືອງອະນຸວົງ ຫາບ້ານລ້ອງແຈ້ງ ເມືອງລ້ອງແຈ້ງ ແຂວງໄຊສົມບູນ ຄວາມຍາວ 40 ກິໂລແມັດ ຄາດວ່າຈະໃຫ້ສໍາເລັດໃນໄວໆ ນີ້.
