ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ເຫລົ່າຮົບຊ່າງແສງຂອງລາວ ຍາດໄດ້ອັນດັບ 2​ ການແຂ່ງຂັນກິລາການທະຫານສາກົນ (ARMY GAMES 2020) ທີ່ລັດເຊຍ.

ຜ່ານການແຂ່ງຂັນຢ່າງຂຸ້ນຂ້ຽວມາເປັນເວລາ 3ວັນ, ຮອດວັນທີ 28 ສິງຫາ 2020 ຢູ່ທີ່ສະໝາມແຂ່ງຂັນກິລາການທະຫານ (ARMY GAMES 2020) ຂອງ ກອງພົນນ້ອຍຊ່າງແສງ ກອງທັບ ສ. ຮັດເຊຍ ທີ່ເມືອງໂວນກາກຼາດ ,ການແຂ່ງຂັນສາຍເຕັກນິກວິຊາສະເພາະຊ່າງແສງ ກິລາທະຫານສາກົນ ARMY GAMES 2020 ໄດ້ປິດລົງດ້ວຍຜົນສໍາເລັດອັນຈົບງາມ . ໂດຍການເຂົ້າຮ່ວມເປັນປະທານ ຂອງ ພົນຈັດຕະວາ ສະເມຍຊະໂກ ຮອງຫົວໜ້າເຫຼົ່າຮົບຊ່າງແສງກຳລັງປະກອບອາວຸດ ສະຫະພັນຮັດເຊຍ, ພ້ອມດ້ວຍຄະນະນຳ, ບັນດາທີມນັກກິລາແຕ່ລະປະເທດ, ແລະມວນຊົນເມືອງ ໂວນກາກຼາດ ຈຳນວນຫຼວງຫຼາຍ.
ການແຂ່ງຂັນໃນຄັ້ງນີ້ແບ່ງເປັນ3ປະເພດ ຄື: ຂ້າມຜ່ານແມ່ນ້ຳ, ຜ່ານສິ່ງກິດຂວາງ ແລະ ແຂ່ງຂັນການນຳໃຊ້ພາຫະນະຊ່າງແສງຮັບປະກັນການສູ້ຮົບ, ສໍາລັບເຫຼົ່າຮົບຊ່າງແສງ ກອງທັບປະຊາຊົນລາວໄດ້ສົ່ງນັກກິລາເຂົ້າແຂ່ງຂັນ ປະເພດການນຳໃຊ້ພາຫະນະຊ່າງແສງຮັບປະກັນການສູ້ຮົບ ປະກອບມີ 6 ປະເພດພາຫະນະເຊັ່ນ: ລົດຂຸດຂຸມຄອງ, ລົດສ້າງສິ່ງກິດຂວາງແຕກ, ລົດສ້າງສິ່ງກີດຂວາງບໍ່ແຕກ, ລົດດຸດ, ລົດທຳລາຍສິ່ງກິດຂວາງ ແລະ ລົດເຮືອ, ໂດຍໄດ້ຄັດເລືອກເອົາພຽງແຕ່ 3ປະເທດ, ຜ່ານການແຂ່ງຂັນ ທີມທີ່ໄດ້ລາງວັນຊະນະເລີດ ປະເພດທີ 1 ແຕ່ມີຄະແນນລວມ ເທົ່າກັນ ແມ່ນທິມ ກອງທັບ ຮັດເຊຍ ແລະ ເບລາລຸສ, ສ່ວນທີມເຫຼົ່າຮົບຊ່າງແສງ ຂອງລາວໄດ້ຮັບລາງວັນ ທີ 2 , ນອກຈາກນັ້ນ ນັກກິລາຊ່າງແສງ ກອງທັບປະຊາຊົນລາວ ຍັງໄດ້ຖືກຄັດເລືອກ ເປັນນັກຂັບຂີ່ດີເດັ່ນ 2 ສະຫາຍ ໃນປະເພດລົດທຳລາຍສີ່ງກີດ ຂວາງ.
ໃນໂອກາດນີ້ ພົນຈັດຕະວາ ສະເມຍຊະໂກ ຮອງຫົວໜ້າເຫຼົ່າຮົບຊ່າງແສງກຳລັງປະກອບອາວຸດ ສະຫະພັນຮັດເຊຍ ປະທານພິທີ ໄດ້ຂື້ນປະດັບຫຼຽນມິດຕະພາບໃຫ້ແກ່ບັນດານັກກິລາແຕ່ລະທີມທີ່ໄດ້ເຮັດສຳເລັດໜ້າທີ່ຂອງຕົນ ພ້ອມທັງມອບລາງວັນ ແຕ່ລະປະເພດໃຫ້ທິມທີ່ຊະນະການແຂ່ງຂັນຢ່າງສົມກຽດ.
ໂດຍ: ແສງສຸລີ ພົມມະຈັກ