ໃນວັນທີ 12 ທັນວານີ້, ເຫຼົ່າຮົບຊ່າງແສງ ໄດ້ເຕົ້າລວມ ນັກກິລາຍິງປືນເຂົ້າຮ່ວມຊີງຂັນລັດຖະມົນຕີ ກະຊ່ວງປ້ອງກັນປະເທດ. ຢູ່ທີ່ ສະໂມສອນ ກອງພັນຂ້າມຜ່ານ-588, ໂດຍ ເປັນປະທານ ຂອງ ສະຫາຍ ພັນເອກ ມອນໄທ ສະລິດໄຊ ຮອງຫົວໜ້າກົມຊ່າງແສງ, ມີ ຄະນັກພັກ-ຄະນະບັນຊາ, ຄະນະຮັບຜິດຊອບ, ຄະນະຄູຝືກ ພ້ອມ ດ້ວຍນັກກິລາເຂົ້າຮ່ວມ.
ສະຫາຍ ພັນໂທ ໂອທອງ ຄຳບານໄຊ ຫົວໜ້າພະແນກສູ້ຮົບ ໄດ້ຜ່ານແຜນການ ແລະ ຂໍ້ຕົກລົງ, ອິງຕາມ ແຜນການຈັດຕັ້ງຫັດແອບ, ສ້າງຂະບວນການສະແດງກຳລັງ ເພື່ອສະເຫຼີ່ມສະຫຼອງຂ່ຳນັບຮັບຕ້ອນ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ. ( 20 ມັງກອນ 1949 – 20 ມັງກອນ 2024 ).
ກຳນົດ ກະຕິກາການແຂ່ງຂັນຍິງປືນທະຫານຮາບ ແຕ່ລະຊະນິດ ພາກທິດສະດີ ແລະ ພາກປະຕິບັດຕົວຈິງ ຕາມແຕ່ລະຈັງຫວະບາດກ້າວໃຫ້ຖືກຕ້ອງຕາມກົດລະບຽບພາກສະໜາມຢ່າງເຂັ້ມງວດ. ການຄັດເລືອກເອົານັກກິລາຍິງປືນ ເຊີ່ງໄດ້ຮັບການຂັດເລືອກຜູ້ທີ່ມີສຸຂະພາບສົມບູນ, ແຂງແຮງດີ ແລະ ສະຖິຕິການຍິງທີ່ດີ ຜ່ານການຝືກຊ້ອມອົບຮົມຫັດແອບປະຈຳປີ ຂອງແຕ່ລະກົມກົມເຂົາຮ່ວມ. ຈຳນວນ ນັກກິລາເຂົ້າຮ່ວມແຂ່ງຂັນ 14 ສະຫາຍ, ຄູຝືກ 3 ສະຫາຍ, ຄະນະຊີ້ນຳ 2 ສະຫາຍ, ລວມທັງໝົດ: 19 ສະຫາຍ.
ຄາດກະກຳນົດເວລາການເຂົ້າສູນຝືກຊ້ອມ ແລະ ສະຖານທີຫັດແອບ: ກຳນົດເວລາ 19 ວັນ, ໄລຍະຫັດແອບເຂົ້າສູນຝືກ 7ວັນ, ໄລຍະຫັດແອບຍິງລູກປືນເເທ້ 6 ວັນ, ໄລຍະການແຂ່ງຂັນ 6 ວັນ, ສະຖານທີ່ຫັດແອບ: ພາກທິດສະດີ ຝືກຊ້ອມຢູ່ ກອງພັນຂ້າມຜ່ານ-588, ພາກປະຕິບັດຕົວຈິງ ຍິງລູກປືນແທ້ຢູ່ທີ່ ສະໜາມສາກົນ 199 ( ຫຼັກ 27 ).
