ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ເຫຼົ່າຮົບຕີພິເສດ ໄດ້ສະແດງປະສານລາຍການຫັດແອບຍິງສະແດງ ເພື່ອຂ່ຳນັບຮັບຕ້ອນວັນສ້າງຕັ້ງກອງທັບ ປະຊາຊົນລາວ ຄົບຮອບ 75 ປີ ຮ່ວມກັບບັນດາເຫຼົ່າຮົບອື່ນ. ໃນວັນທີ 08 ມັງກອນ 2024, ຢູ່ທີ່ສະໜາມຫັດແອບຊ້ອມຮົບປະສານເຫຼົ່າ ວິທະຍາຄານນາຍທະຫານບົກ ກົມມະດໍາ ໂດຍມີ 02 ເນື້ອໃນລາຍການສະແດງຄື: ກອງຮ້ອຍຕີພິເສດ ປິດລັບຫຼອນຕີທໍາລາຍສູນສໍານັກບັນຊາຂອງສັດຕູ ແລະ ການສະແດງ ມວຍຫັດກາຍຮ່ວມກັບເຫຼົ່າຮົບສືບຂ່າວຕີພິເສດ.
ໂອກາດດັ່ງກ່າວ, ສະຫາຍ ພົນຈັດຕະວາ ບຸນຕຽນ ໄຊຍຳວົງທັນ ຫົວໜ້າກົມ49 ຍັງໄດ້ໂອ້ລົມສະແດງຄວາມຍ້ອງຍໍຊົມເຊີຍ ຕໍ່ຄະນະຮັບຊອບ, ອະນຸກຳມະການ ແລະ ພະນັກງານ-ນັກຮົບ ເຫຼົ່າຮົບຕີພິເສດທຸກສະຫາຍ ທີ່ໄດ້ເປັນເຈົ້າການຝຶກຊ້ອມດ້ວຍຄວາມຫ້າວຫັນ, ມີມານະຈິດ ອົດທົນຜ່ານຜ່າຕໍ່ຄວາມຫຍຸ້ງຍາກ, ເຊິ່ງມັນສະແດງອອກ ເຫຼົ່າຮົບຕີພິເສດ ສາມາດສະແດງຜ່ານລາຍການຍິງສະແດງ ໄດ້ຮັບໝາກຜົນສູງ ແລະ ມີຄວາມປອດໄພ.
ຫົວໜ້າກົມ49 ຍັງໄດ້ຍົກໃຫ້ເຫັນຕື່ມວ່າ: ຕະຫຼອດໄລຍະ 75 ປີຜ່ານມາ, ເຫຼົ່າຮົບຕີພິເສດ ກໍ່ແມ່ນເຫຼົ່າຮົບໜຶ່ງທີ່ມີຄວາມສຳຄັນ ທີ່ໄດ້ປະກອບສ່ວນເຂົ້າໃນຫຼາຍບັ້ນຮົບ, ບັ້ນຕີ ຄ່ຽງບ່າຄ່ຽງໄລ ຮ່ວມກັບບັນດາເຫຼົ່າຮົບອື່ນໆ ໃນພາລະກິດຕໍ່ສູ້ປົດປ່ອຍຊາດ, ກໍຄືການປົກປັກຮັກສາ ແລະ ສ້າງສາພັດທະນາປະເທດຊາດ. ດັ່ງນັ້ນ, ເພື່ອເຮັດໃຫ້ການເຂົ້າຮ່ວມຊ້ອມຮົບໃນຄັ້ງນີ້ໄດ້ຮັບຜົນສຳເລັດຕາມຄາດໝາຍທີ່ວາງໄວ້, ພ້ອມທັງຮຽກຮ້ອງ ຄະນະພັກ-ຄະນະບັນຊາ, ພະນັກ ງານ-ນັກຮົບທຸກສະຫາຍຈົ່ງພ້ອມກັນສືບຕໍ່ປະຕິບັດຕາມແຜນການ, ຕາມຄຳສັ່ງຂອງຂັ້ນເທິງໃຫ້ເຂັ້ມງວດ, ຍົກສູງຄວາມຮັບຜິດຊອບທາງດ້ານການເມືອງແນວຄິດ, ສຸ່ມທຸກເຫື່ອແຮງ ສະຕິປັນຍາ, ຄວາມຮູ້-ຄວາມສາມາດຂອງຕົນ, ກຳແໜ້ນບັນດາຫຼັກການ, ທິດສະດີ ວິທີການ ແລະ ບາດກ້າວການລາຍງານຕໍ່ຜູ້ບັນຊາ ໃຫ້ຖືກຕ້ອງ, ຊັດເຈນ ແລະ ເຂັ້ມແຂງ, ພ້ອມກັນຝຶກຊ້ອມຢ່າງເອົາຈິງເອົາຈັງ, ມີຄວາມເປັນເອກະພາບທາງດ້ານເນື້ອໃນຫັດແອບ, ເພີ່ມທະວີຄວາມສາມັກຄີຮັກໃຫ້ໜັກແໜ້ນ ຮັບປະກັນໃນການຝຶກຊ້ອມສະແດງຍິງ ຂໍ່ານັບຮັບຕ້ອນວັນສ້າງຕັ້ງກອງທັບ ປະຊາຊົນລາວ ຄົບຮອບ 75 ໃຫ້ມີຜົນສໍາເລັດ, ເພື່ອສ້າງໃບໜ້າອັນໃໝ່ໃຫ້ແກ່ກົມກອງ ກໍຄືເຫຼົ່າຮົບຕີພິເສດ.
ໂດຍ: ເປິ້ນ ແສງຄຳມີ
May be an image of 2 people and text
May be an image of 6 people
May be an image of 8 people
May be an image of fog, tree, horizon, oil refinery and cloud