ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ເຫຼົ່າຮົບຕີພິເສດ ແມ່ນເຫລົ່າຮົບໜຶ່ງທີ່ມີບົດບາດຄວາມສຳຄັນ ມີໜ້າທີ່ເຄື່ອນໄຫວສູ້ຮົບດັບສູນບັ້ນທອນກຳລັງຂອງສັດຕູ ເພືື່່ອສ້າງເງື່ອນໄຂໃຫ້ເຫຼົ່າຮົບອື່ນໆບຸກຕີສັດຕູ, ສະນັ້ນ ພາຍຫຼັງໄດ້ຮັບຄຳສັ່ງຈາກກົມໃຫຍ່ເສນາທິການກອງທັບ ກ່ຽວກັບການເຂົ້າຮ່ວມຊ້ອມຮົບປະສານເຫຼົ່າ ເນື່ອງໃນໂອກາດສະເຫຼີມສະຫຼອງ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ຢູ່ສະໜາມຫັດແອບວິທະຍາຄານ ນາຍທະຫານບົກ ກົມມະດຳ, ຄະນະຮັບຜິດຊອບກໍ່ໄດ້ຮີບຮ້ອນເຕົ້າໂຮມພະນັກງານ-ນັກຮົບ ເພື່ອຈັດຕັ້ງເຜີຍແຜ່ຄຳສັ່ງ ແລະ ສ້າງແຜນການ, ແຜນງານຢ່າງລະອຽດແລ້ວ ເຄື່ອນກຳລັງເຂົ້າຢຶດສະໜາມ ແລະ ສ້າງສະໜາມຝຶກຊ້ອມສຳເລັດ. ເຊິ່ງໄດ້ນຳໃຊ້ກຳລັງກອງພັນເຄື່ອນທີ່ໄວ 428 ກອງພັນໃຫຍ່ 497 ເຂົ້າຮ່ວມຊ້ອມຮົບປະສານເຫລົ່າ ເພື່ອເຮັດໜ້າທີ່ປິດລັບຫລອນຕີທຳລາຍສູນສຳນັກບັນຊາຂອງສັດຕູ, ມາຮອດປັດຈຸບັນຄະນະພັກ-ຄະບັນຊາ, ພ້ອມດ້ວຍພະນັກງານ-ນັກຮົບ ກໍໄດ້ສຸ່ມໃສ່ການຫັດແອບຊ້ອມຮົບດ້ວຍຄວາມຫ້າວຫັນ ແລະ ມີຄວາມຮັບຜິດຊອບສູງ, ສາມາດຮັບຮູ້ເຂົ້່າໃຈ ແລະ ເປັນເອກະພາບຕໍ່ເນື້ອໃນບົດເຝິກແອັບໄດ້ດີ, ມີຄວາມຄ່ອງແຄ້ວ, ຊຳນິຊຳນານ, ທາງດ້ານສິນລະປະຍຸດ-ຍຸດທະວິທີ, ກໍຄືວິຊາສະເພາະຂອງເຫຼົ່າຮົບ, ທັງນີ້ ກໍ່ເພື່ອຮັບປະກັນໃນການຊ້ອມຮົບປະສານເຫຼົ່າ ໃຫ້ມີປະສິດທິຜົນສູງ ແລະ ມີຄວາມປອດໄພ 100%.
ໂດຍ: ເປີ້ນ ແສງຄຳມີ.
May be an image of 2 people
No photo description available.