ກົມເຄມີສາດ ກົມໃຫຍ່ເສນາທິການກອງທັບ ຮ່ວມກັບກອງພັນເຄມີ 15 ແລະສູນຄົ້ນຄ້ວາວິໄຈເຄມີສາດຈັດກິດຈະກໍາປູກຕົ້ນໄມ້ ເນື່ອງໃນໂອກາດວັນເດັກນ້ອຍສາກົນ ໃນຕອນເຊົ້າວັນທີ 1 ມີຖຸນາ 2022ນີ້ ທີ່ກອງພັນເຄມີ 15, ໂດຍການເຂົ້າຮ່ວມ ຂອງ ສະຫາຍພັນເອກ ທຽມ ຫອມຊະນະ ຫົວໜ້າກົມເຄມີສາດ ກົມໃຫຍ່ເສນາທິການກອງທັບ, ມີຄະນະກົມເຄມີສາດ, ຄະນະພັກ-ຄະນະບັນຊາກອງພັນເຄມີ 15, ສູນຄົ້ນຄ້ວາວິໄຈເຄມສາດ ແລະ ພະນັກງານ-ນັກຮົບເຫຼົ່າຮົບເຄມີສາດເຂົ້າຮ່ວມ.
ໃນພິທີ ສະຫາຍພັນເອກ ທຽມ ຫອມຊະນະ ໃຫ້ຮູ້ວ່າ: ເພື່ອຜັນ ຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ກໍ່ຄື ແຜນ ພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ໃນການ ເພີ່ມເນື້ອທີ່ປົກຫຸ້ມສີຂຽວໃນທົ່ວປະເທດ ໃຫ້ກວມອັດຕາ ສູງຂຶ້ນ 70% ພ້ອມທັງເປັນການປູກຈິດສໍານຶກ ໃຫ້ນ້ອງນ້ອຍ ເຍົາວະຊົນຮຸ່ນສືບທອດ ກໍ່ຄື ພະນັກງານສະມາຊິກພັກ -ພະນັກງານ-ນັກຮົບແລະ ປະຊາຊົນລາວບັນດາເຜົ່າເປັນການຟື້ນຟູ ແລະ ປົກປັກຮັກສາ ສະພາບແວດລ້ອມທາງທຳມະຊາດ ໃຫ້ມີຄວາມຂຽວສົດ ງົດງາມ, ຊຸ່ມຊື່ນ, ອຸດົມສົມບູນ, ທັງເປັນການຊ່ວຍຕ້ານ ແລະ ຫຼຸດຜ່ອນຜົນກະທົບທີ່ເກີດຈາກໄພພິ ບັດທຳມະຊາດ,
ການຈັດກິດຈະກຳປູກຕົ້ນໄມ້ໃນຄັ້ງນີ້, ພາຍໃຕ້ຄຳຂັວນ “ການປູກຕົ້ນໄມ້ວັນນີ້ ເພື່ອອະນາຄົດລູກຫຼານ ພວກເຮົາໃນຕໍ່ໜ້າ”, ພ້ອມທັງສ້າງກົມກອງໃຫ້ເປັນກົມກອງສີຂຽວ, ດັ່ງນັ້ນພະນັກງານສະມາຊິກພັກ -ນາຍແລະພົນທະຫານ ຈົ່ງປຸ້ມລຸມຄວາມສາມັກຄີເປັນປຶກແຜ່ນ, ເສີມ ຂະຫຍາຍທ່າແຮງທາງດ້ານພູມມີປະເທດ ພ້ອມກັນພັດທະນາ ຂະແໜງການຕ່າງໆ ພາຍໃນກົມກອງໃຫ້ມີຄວາມຍືນຍົງ, ເປັນມິດກັບສະພາບ ແວດລ້ອມ ແລະ ສູ້ຊົນປູກຕົ້ນໄມ້ເພື່ອເຮັດໃຫ້ເນື້ອທີ່ປ່າໄມ້ໃນລາວ ກວມຫຼາຍກວ່າ 70% ຂອງເນື້ອທີ່ປ່າໄມ້ໃນທົ່ວປະເທດ, ການປູກຕົ້ນໄມ້ວັນນີ້ ກໍເພື່ອອະນາຄົດອັນດີຂອງລູກຫຼານໃນອະນາຄົດ,
ການປູກຕົ້ນໄມ້ຄັ້ງນີ້ ໄດ້ແບ່ງເປັນ ສາມຈຸດຄື: ຈຸດປູກເດີ່ນກອງເຄມີ 15, ດີນບຸກເບີກໃຫມ່ຂອງສູນຄົ້ນຄ້ວາວິໄຈເຄມີເຂດດົງໜາກຄາຍ ແລະດິນສວນຂອງກົມເຄມີສາດ, ສໍາລັບຕົ້ນໄມ້ທີ່ນຳມາປູກມີທັງໜົດ1500 ຕົ້ນ ໃນນັ້ນມີ ຕົ້ນໄມ້ກິນໜາກ, ຕົ້ນໄມ້ອຸດສາຫະກໍາ, ຕົ້ນໄມ້ປະດັບ ເພື່ອປະກອບສ່ວນເຮັດໃຫ້ກົມກອງມີ ຄວາມຮົ່ມເຢັນ, ສວຍງາມ , ສ່ວນສູນຄົ້ນຄ້ວາວິໄຈເຄມີສາດໄດ້ປູກຕົ້ນໄມ້ກິນໜາກ,ຕົ້ນໄມ້ອຸດສາຫະກໍາ ຈໍານວນ 100ກວ່າຕົ້ນ ແລະປ່ອຍປາຈໍານວນ 5000 ກວ່າໂຕ.
ໂດຍ: ເຊໂປນ
Loading...