ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ເອກອັກຄະລັດຖະທູດລາວປະຈໍາຫວຽດນາມ ເຂົ້າຢ້ຽມຂ່ຳນັບປະທານສະພາແຫ່ງຊາດຫວຽດນາມ

ໃນວັນທີ 04 ກຸມພາ 2020, ທີ່ ຫໍສະພາແຫ່ງຊາດ ສສ ຫວຽດນາມ, ນະຄອນຫຼວງຮ່າໂນ້ຍ, ທ່ານ ແສງເພັດ ຮຸ່ງບຸນຍວງ, ເອກອັກຄະລັດຖະທູດແຫ່ງ ສປປ ລາວ ປະຈຳ ສສ ຫວຽດນາມ ພ້ອມດ້ວຍຄະນະ ໄດ້ເຂົ້າຢ້ຽມຂໍ່ານັບ ທ່ານນາງ ຫງວຽນທິກິມເງິນ, ປະທານສະພາແຫ່ງຊາດຫວຽດນາມ ໃນໂອກາດໄດ້ຮັບການແຕ່ງຕັ້ງໃຫ້ມາດຳລົງຕໍ່າແໜ່ງເປັນເອກະອັກຄະລັດຖະທູດ ແຫ່ງ ສປປ ລາວ ຄົນໃໝ່ ປະຈຳ ສສ ຫວຽດນາມ.

ໃນການເຂົ້າຢ້ຽມຂໍ່ານັບ ແລະ ພົບປະໃນຄັ້ງນີ້, ທ່ານນາງ ຫງວຽນ ທິກິມເງີນ, ປະທານສະພາແຫ່ງຊາດຫວຽດນາມ ໄດ້ກ່າວສະແດງຄວາມຊົມເຊີຍ ແລະ ຕີລາຄາສູງ ຕໍ່ການມາດຳລົງຕຳແໜ່ງເປັນເອກອັກຄະລັດຖະທູດຂອງທ່ານ ແສງເພັດ ຮຸ່ງບຸນຍວງ, ພ້ອມທັງໄດ້ຕີລາຄາສູງຕໍ່ຜົນສຳເລັດການພົວພັນຮ່ວມມືລະຫວ່າງ ສອງພັກ ແລະ ສອງລັດຖະບານລາວ-ຫວຽດນາມ, ໂດຍສະເພາະແມ່ນການປະຊຸມພົບປະປະຈຳປີ 2020 ຂອງສອງກົມການເມືອງລາວ-ຫວຽດນາມ ແລະ ກອງປະຊຸມຄະນະກໍາມະການຮ່ວມມື ລາວ-ຫວຽດນາມ ຄັ້ງທີ 42 ທີ່ຫາກໍ່ສຳເລັດເມື່ອບໍ່ດົນມານີ້, ເວົ້າສະເພາະແມ່ນລະຫວ່າງສອງສະພາແຫ່ງຊາດຂອງສອງປະເທດໃນການພົບປະແລກປ່ຽນບົດຮຽນປະສົບການ ໃນການເຄື່ອນໄຫວວຽກງານນິຕິບັນຍັດ ແລະ ການເຄື່ອນໄຫວວຽກງານຂອງສະພາປະຊາຊົນຢູ່ບັນດານະຄອນ ພ້ອມທັງໄດ້ຊຸກຍູ້ໃຫ້ມີການພົບປະແລກປ່ຽນບົດຮຽນຂັ້ນສະພາທ້ອງຖິ່ນນຳກັນຕື່ມອີກ.


ໃນໂອກາດນີ້, ທ່ານນາງ ຫງວຽນທິກິມເງິນ ໄດ້ຢືນຢັນວ່າ : ສະພາແຫ່ງຊາດຫວຽດນາມ ຈະສ້າງທຸກເງື່ອນໄຂ ແລະ ຈະອຳນວຍຄວາມສະດວກໃຫ້ທ່ານ ເອກອັກຄະລັດຖະທູດແຫ່ງ ສປປ ລາວ ເປັນຢ່າງດີທີ່ສຸດໃນໄລຍະທີ່ທ່ານມາດຳລົງ ຕໍ່າແໜ່ງ ແລະ ປະຕິບັດໜ້າທີ່ຢູ່ ສສ ຫວຽດນາມ, ເພື່ອເປັນຂົວຕໍ່ໃຫ້ແກ່ການພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ສອງພັກ, ສອງລັດ ແລະ ປະຊາຊົນຂອງສອງປະເທດຫວຽດນາມ – ລາວ, ລາວ – ຫວຽດນາມ ໃຫ້ນັບມື້ແຕກດອກອອກຜົນ.
ທ່ານເອກອັກຄະລັດຖະທູດແຫ່ງ ສປປ ລາວ ກໍ່ໄດ້ກ່າວສະແດງຄວາມຂອບໃຈ ມາຍັງທ່ານນາງ ຫວຽນທິກິມເງິນ, ປະທານສະພາແຫ່ງຊາດຫວຽດນາມ ທີ່ໄດ້ໃຫ້ການຕ້ອນຮັບຢ່າງອົບອຸ່ນ ແລະ ໄດ້ສະແດງຄວາມມຸ່ງຫວັງຈະພະຍາຍາມຢ່າງສຸດຄວາມສາມາດຂອງຕົນ ເພື່ອປະກອບສ່ວນເຂົ້າໃນການເສີມຂະຫຍາຍສາຍພົວພັນພິເສດອັນດີງາມລະຫວ່າງທັງສອງປະເທດ ແລະ ພ້ອມແລ້ວທີ່ຈະປະຕິບັດໜ້າທີ່ຂອງຕົນດ້ວຍຢ່າງໝົດຈິດໝົດໃຈ ເພື່ອປະກອບສ່ວນເຂົ້າໃນການເສີມຂະຫຍາຍສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານໃຫ້ນັບມື້ນັບແຕກດອກອອກຜົນ.
ພ້ອມກັນນີ້, ສະພາແຫ່ງຊາດຫວຽດນາມຈະເປັນເຈົ້າການໃນການຊຸກຍູ້ການຈັດຕັ້ງຜັນຂະຫຍາຍຜົນຂອງການປະຊຸມພົບປະປະຈຳປີຂອງສອງກົມການເມືອງລາວ-ຫວຽດນາມ ປະຈຳປີ 2020, ແລະ ຜົນຂອງກອງປະຊຸມປະຈຳປີຂອງຄະນະກຳມາທິການຮ່ວມມືສອງລັດຖະບານຂອງສອງປະເທດ ລາວ-ຫວຽດນາມ ແລະ ຫວຽດນາມ – ລາວ ຄັ້ງທີ 42, ນັບທັງຜົນຂອງການຢ້ຽມຢ້າມພາຍໃນຂອງປະທານສະພາແຫ່ງຊາດລາວໃນຕົ້ນປີທີ່ຜ່ານມາໃຫ້ເກີດດອກອອກຜົນເປັນຈິງ.

(ພາບ-ຂ່າວ: ໂອລຳ ຈັນທະວິໄລ)