ວັນທີ 24 ມິຖຸນາ 2021 ທີ່ ກະຊວງສຶກ ສາ ແລະ ກໍ່ສ້າງ ຫວຽດນາມ, ສະຫາຍ ແສງເພັດ ຮຸ່ງບຸນຍວງ ເອກອັກຄະລັດ ຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ ພ້ອມຄະນະໄດ້ເຂົ້າຢ້ຽມຂໍ່ານັບ ແລະ ຊົມເຊີຍສະຫາຍ ຫງວຽນ ກີມ ເຊີນ, ກຳມະການສູນກາງພັກກອມມູນິດຫວຽດນາມ, ລັດ ຖະມົນຕີກະຊວງສຶກສາ ແລະ ກໍ່ສ້າງ ຫວຽດນາມ ເນື່ອງໃນໂອກາດທີ່ສະຫາຍໄດ້ຮັບຕຳແໜ່ງໃໝ່.
ໂອກາດນີ້, ສະຫາຍ ແສງເພັດ ຮຸ່ງບຸນຍວງ ກໍໄດ້ນຳເອົາກະຕ່າດອກໄມ້ ເຂົ້າອວຍພອນ ແລະ ສະແດງຄວາມຊົມເຊີຍຢ່າງຈິງໃຈຕໍ່ ສະຫາຍ ຫງວຽນ ກີມ ເຊີນ ໃນໂອກາດທີ່ສະຫາຍໄດ້ຮັບການແຕ່ງຕັ້ງເປັນ ລັດຖະມົນຕີກະຊວງສຶກສາ ແລະ ກໍ່ສ້າງ ຫວຽດນາມ, ສິ່ງດັ່ງກ່າວໄດ້ສະ ແດງໃຫ້ເຫັນເຖິງຄວາມເຊື່ອໝັ້ນ ແລະ ໄວ້ວາງໃຈຂອງກົມການເມືອງສູນກາງພັກກອມມູນິດຫວຽດນາມຕໍ່ກັບຄວາມຮູ້ ຄວາມສາມາດ, ບົດບາດໃນການຊີ້ນໍາ-ນໍາພາ, ການປະກອບ ສ່ວນຢ່າງຫ້າວຫັນ ແລະ ມີປະສິດທິຜົນຂອງສະຫາຍໃນໄລຍະຜ່ານມາ.
ສະຫາຍ ຫງວຽນ ກີມ ເຊີນ ກໍໄດ້ສະແດງຄວາມຂອບໃຈຕໍ່ ສະຫາຍ ແສງເພັດ ຮຸ່ງບຸນຍວງ, ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສປປ ລາວ ປະຈໍາ ສສ ຫວຽດນາມພ້ອມຄະນະ ທີ່ໄດ້ມາອວຍພອນເຊິ່ງເປັນປະເທດທຳອິດໃນໄລ ຍະທີ່ສະຫາຍມາຮັບຕຳແໜ່ງໃໝ່ ແລະ ໃຫ້ຄວາມເຊື່ອໝັ້ນວ່າ ສະຫາຍທູດ ຈະເປັນຂົວຕໍ່ໃນການເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ສອງພັກ ສອງລັດກໍຄື ສອງ ກະຊວງສຶກສາ ແລະ ກໍ່ສ້າງ ຫວຽດ ນາມ -ກະຊວງສຶກສາທິການ ແລະ ກິລາ ລາວ ແລະ ປະຊາຊົນສອງຊາດຫວຽດ ນາມ-ລາວ ໃຫ້ນັບມື້ແໜ້ນແຟ້ນຍິ່ງຂຶ້ນ.
ພ້ອມດຽວກັນນັ້ນ, ສະຫາຍ ຫງວຽນ ກີມ ເຊີນ ກໍໄດ້ສະແດງຄວາມຊົມເຊີຍຕໍ່ຜົນ ສຳເລັດກອງປະຊຸມໃຫຍ່ຜູ້ແທນທົ່ວປະ ເທດຄັ້ງທີ XI ຂອງພັກປະຊາຊົນປະຕິວັດລາວ ແລະ ຜົນການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາ ຊິກສະພາປະຊາຊົນຂັ້ນແຂວງ ຂອງ ສປປ ລາວ.
ສະຫາຍ ແສງເພັດ ຮຸ່ງບຸນຍວງ ໄດ້ຕີລາ ຄາສູງ ແລະ ສະແດງຄວາມຊົມເຊີຍຕໍ່ຜົນສໍາເລັດອັນຈົບງາມຂອງກອງປະຊຸມໃຫຍ່ຄັ້ງ 13 ຂອງພັກກອມມູນິດຫວຽດນາມ, ຜົນສໍາເລັດຂອງກອງປະຊຸມສະໄໝທີ 11 ຂອງສະພາແຫ່ງຊາດ ຊຸດທີ 14 ແລະ ຜົນສໍາເລັດອັນຈົບງາມໃນການຈັດການເລືອກຕັ້ງຜູ້ແທນສະພາແຫ່ງຊາດ ແລະ ຜູ້ແທນສະພາປະຊາຊົນທ້ອງຖິ່ນຂັ້ນຕ່າງໆ ໄລຍະ 2021-2026, ໄດ້ສະແດງຄວາມເຊື່ອໝັ້ນວ່າ ພາຍໃຕ້ການຊີ້ນໍາ-ນໍາພາອັນສະຫຼາດສ່ອງໃສຂອງພັກກອມ ມູນິດຫວຽດນາມ ແລະ ການບໍລິຫານຂອງຄະນະລັດຖະບານ ນໍາໂດຍສະຫາຍ ພວກສະຫາຍຈະສາມາດຈັດຕັ້ງປະຕິບັດແຜນການພັດທະນາເສດ ຖະກິດ-ສັງຄົມ ໄລຍະ 5 ປີ (2021-2026) ກໍຄື ວິໄສທັດຮອດປີ 2030 ໃນໂອກາດ 100 ປີ ແຫ່ງການສ້າງຕັ້ງພັກກອມມູນິດຫວຽດນາມ ແລະ ວິໄສທັດຮອດປີ 2045.
ໃນໂອກາດດັ່ງກ່າວ, ສະຫາຍ ແສງເພັດ ຮຸ່ງບຸນຍວງ ໄດ້ຕາງໜ້າໃຫ້ການນຳພັກ, ລັດ ແລະ ປະຊາຊົນລາວ ສະແດງຄວາມຂອບໃຈຢ່າງຈິງໃຈມາຍັງການນຳພັກ, ລັດ ແລະ ປະຊາຊົນຫວຽດນາມ ທີ່ໄດ້ໃຫ້ການຊ່ວຍເຫຼືອອັນລໍ້າຄ່າແກ່ ສປປ ລາວ ໂດຍສະເພາະ ກະຊວງສຶກສາ ແລະ ກໍ່ສ້າງ ລວມທັງບັນດາສະຖາບັນສຶກສາຕ່າງໆຂອງ ຫວຽດນາມທີ່ໄດ້ໃຫ້ການຊ່ວຍເຫຼືອ ແລະ ເອົາໃຈໃສ່ໃນການກໍ່ສ້າງບຸກຄະລາກອນໃຫ້ແກ່ ສປປ ລາວ ຢ່າງບໍ່ຮູ້ອິດຮູ້ເມື່ອຍໃນໄລຍະຜ່ານມາ ກໍຄືໃນປັດຈຸບັນ ຊຶ່ງພາຍຫຼັງທີ່ນັກສຶກສາເຫຼົ່ານັ້ນໄດ້ຈົບການສຶກສາກັບຄືນປະເທດ ກໍໄດ້ມີຫຼາຍຄົນກາຍເປັນພະນັກງານຫຼັກແຫຼ່ງ, ພະນັກງານນໍາພາ ແລະ ເປັນກໍາລັງແຮງໃຫ້ແກ່ ສປປ ລາວ ໃນການພັດທະນາປະເທດຊາດຈະເລີນກ້າວໜ້າໃນທຸກມື້ນີ້.
ປັດຈຸບັນ, ເຖິງວ່າ ສະພາບການລະບາດຂອງເຊື້ອພະຍາດໂຄວິດ 19 ຢູ່ ສສ ຫວຽດນາມ ຍັງສືບຕໍ່ ສັບສົນ ແຕ່ກະຊວງສຶກສາ ແລະ ກໍ່ສ້າງ ກໍຄືສະຖາບັນຕ່າງໆຂອງ ສສ ຫວຽດນາມ ກໍໄດ້ຊີ້ນໍາ, ອຳ ນວຍຄວາມສະດວກໃຫ້ການຊ່ວຍເຫຼືອແກ່ນັກສຶກສາລາວທີ່ກຳລັງສຶກສາຄົ້ນຄວ້າ ຢູ່ສະຖາບັນຕ່າງໆໃນຂອບທົ່ວປະ ເທດຂອງ ສສ ຫວຽດ ນາມ ມີຄວາມອຸ່ນອຽນທຸ່ນທ່ຽງຕໍ່ການດຳລົງຊີວິດ ແລະ ການປະຕິບັດໜ້າທີ່ສຶກສາຮ່ຳຮຽນ ໃຫ້ປະສົບຜົນສໍາເລັດ.
ໃນຕອນທ້າຍ, ສະຫາຍທູດ ກໍໄດ້ໃຫ້ຄໍາໝັ້ນສັນຍາວ່າ ຈະເຮັດສຸດຄວາມສາມາດຂອງຕົນເພື່ອປະກອບສ່ວນເຂົ້າໃນການເພີ່ມທະວີ ແລະ ຮັດແໜ້ນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະ ຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມ ໃຫ້ນັບມື້ແຕກດອກອອກຜົນ ແລະຈະເລີນງອກງາມຂຶ້ນໄປເລື້ອຍໆ.
ຂ່າວ,ພາບ: ໂອລຳ
Loading...